1 “वाङमिमकु निया मेबेनी, मा माम्चु़नीका इनीमा वो निया मेबोमी।
“सु़काम वो निया मेबेनी, मा माम्चु़नीका इनीमा निया मेबोमी। सु़लाई वो मुमा मेबेट्नी, मा माम्चु़नीका गानीलाई मुमा मेबेनिमी। मु़चु़मिमलाई पाचो ग्वाक्निमी, मा माम्चु़नीका गानीलाई वो पाचो ग्वानिमी।
“गानी हेङा इनीमा वा-ल्वाककु मिक्सीडाम कति कल्पा सप्लेप्ता हुपा ल्वानी, इनीमा त्वाकु मिक्सीडा कार्तासिट्पा डोक्पु सङ ने हेङा मेल्वानी?
मु़चु़मिमकु ङादोडा जो़पा लिसिक्पा मु़चु़नी, ङादो इनी त्वाकु मिक्सीडा कार्तासिट्पा डोक्पु सङ थाट्निमा पार्नी। मेम्मा इनी वा-ल्वाककु मिक्सीडा गन्पा फुर्कु जो़होमका ल्वानी, मा पार्सामु चाम्नी।
हेङालोने वाङमिमलाई गानी हे बोनी, गानी वो मेमङा बेला सो़न्सिनी। वाङमिमकु निया बोनिलो बाम थो़मसङ मोनी, मेराम थो़मसङकाङा इनीमा वो निया दु़म।
वा-ल्वाकनी, गुइ मण्डलीडा सीपा मु़चु़मिमकाम ने छो़म छो़पा निया दु़म र्वाक्पा चनी, मेम्मिमका गानीगोडाम खोत्लेका ने सीपा मु़चु़ दु़म्मु मेमाल्नी।
मेर्मिमका गुमीलाई कुदु़मार हिला बेम्डिम बाम्डी, मा येशू येम्सिम्डिमा मेर्मिमलाई र्वाम्डी, “गानीगोडा छु़ल मेबेपा कोङनिम बु माला मेरामका ङादो मेराम मेसेमलाई लुङका ओप्नु़।”
