मत्ती 6:9 - थुलुङ राई

⁹ गानी ने आरेसाका सो़म्‍दी बेनी: ‘पाह्रीला बाट्‍पा आकीमा पाप, इनीमा सेपा नङ कोसिनु़,

मत्ती 6:9 Referans Kwoze

रेम्‍बेट्‌मिडिम ल्‍वा 4:11

“आकीमा ङाचो़ नुङ माम्‍चु़नी, डोक्‍पु बोमु, नङ कोमु मा यु़म रमुका घ्रेट्‌पा गानी, हेङालोने खोत्‍ले गानी प्रङ्‌निमी मा इनीमा नका मेर्मिम प्रङ्‌सिम्‍डी मा मेर्मिमका त्‍वारो़म ल्‍वाम्‍डिम बु।”

रोमी 8:15

हेङालोने गुइलाई डु़ल्‍चो़ दु़म्‍बेसाका आथावो ङिम लु़बेट्‍पा पेल मेएँ लावो गुइलाई माम्‍चु़नीका डु़ल्‍साड्‍डामिम जाउमो तारापाचो़ दु़म्‍बेट्‍पा माम्‍चु़नी-पेल ल्‍वास्‍तिमका गुइ माम्‍चु़नीलाई “अब्‍बा, पाप” र्‍वाक्‍साका सो़म्‍दी बिइ।

गलाती 4:6

गानी माम्‍चु़नीकु जाउमो तारापाचो़ दु़म्‍निमका गुमीका उनी त्‍वाकु तारापाचो़कु पेल इकीमा नगोडा थु़र्मिडी, मेराम पेलका माम्‍चु़नीलाई “ए अब्‍बा, ए पाप” र्‍वाक्‍साका र्‍वामी।

रेम्‍बेट्‌मिडिम ल्‍वा 5:12

मेर्मिमका डोक्‍पु लो़लामका आरे र्‍वाक्‍साका काम्‍सो बेम्‍डिम बाम्‍डी: “सेट्‌मिडिम भेन्‍दाचो़, यु़म, खाप्‍ची, नेप्‍ची, सो, डोक्‍पु बेसी, यु़म-झ्‍वाक्‍सी, नुङ नङ कोसी रमुका घ्रेट्‌पा!”

मत्ती 7:11

गानी छु़लचो़ बुनिमा वो इनी चो़मिमलाई जो़पा-जो़पा ल्‍वामिम ग्‍वामु थेनी। मेरामडाम वो पाह्रीलाम माम्‍चु़नी इनी पापका गुमीनुङ बिपा मु़चु़मिमलाई हाङको हापा जो़पा ल्‍वामिम ग्‍वामी।

मत्ती 26:29

गो गानीलाई र्‍वाङु, आमा पापकु किब्‍दीडा गानीनुङ मेडुमिमसम्‍म अङ्‍गूरकु ओराम बिलाम हेल्‍लो वो मेडु।”

मत्ती 23:9

ओराम सुबुडा सु़लाई वो ‘पाप’ र्‍वाक्‍साका मेडाट्‌नी, हेङालोने इनीमा पाप कोलेङा बुमी, गुमी पाह्रीला बुमी।

मत्ती 5:16

मेम्साकाङा इनीमा जो़पा खारीमिम झ्‍वामिनु़मा मु़चु़मिमका ल्‍वामिनु़। मेम्‍मा पाह्रीलाम इनीमा पापकु नङ खोत्‍लेका कोमिनु़।

लूका 15:18

गो पापकाडाङा ख्‍लोसिङुमा लङु, मा र्‍वाङु, ‘पाआ गो पाह्रीलाम माम्‍चु़नी नुङ इनी कोर्थो़लाम छु़ल बेउतोम बु।

१ पत्रुस 1:17

माम्‍चु़नीडा गानी सो़म्‍दी बोनिलो गुमीलाई पाप र्‍वानी, गुमीका निया वो बोमी। गुमीका चोमिक्‍सी मेबेसाका मेर्मिमका बेम्‍डिम खारी होम्‍साका खोत्‍ले मु़चु़मिमकु निया बोमी। मेम्‍मिमका ओराम सुबुडा वाङथो़लाम रोक्‍पा होङङा बुनिलो माम्‍चु़नीलाई डोक्‍पु मिम्‍साका उनीमा ङिम जु़ल्‍निमा बानी।

१ तिमोथी 6:16

माम्‍चु़नी कोङङा हाम्‍सी वो मेसिमी, सु़ वो फार्डा लमु मेझापा ओलडा बाट्‌पा गुमी, सु़का वो मेल्‍वामिवाम गुमी, ल्‍वामु मेचाम्‍मिमिम। खोत्‍लेका उनीमा नङ कोमिनु़, हेल्‍लो लोवो उनीमा यु़म दु़महोम बु। आमेन।

लूका 15:21

“उ तारापाचो़का र्‍वाक्‍ता, ‘पाआ, गो पाह्रीलाम माम्‍चु़नी नुङ इनी कोर्थो़लाम छु़ल बेउतो। आथा गो इनी तारापाचो़ र्‍वामु मेघ्रेट्‌पा बुङु।’

लूका 2:14

“खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”

मत्ती 6:14

“इनी कोर्थो़लाम बक्‍पामिमकु छु़ल हेम्‍साट्‌नी माला पाह्रीला बाट्‌पा माम्‍चु़नी इनी पापका वो इनी छु़लमिम हेम्‍सानी।

मत्ती 6:6

लावो गानी सो़म्‍दी बोनिलो नेमकु गोनोम बाखोपनो हुनी। लाम्‍चोको चनिमा सु़का वो ल्‍वामु मेचाप्‍मिमिम माम्‍चु़नी इनी पापलाई सो़म्‍दीडा देप्‍नी। मेम्‍मा मेल्‍वाहोमका बोनिमिम खारी ल्‍वापा माम्‍चु़नी इनी पापका गानीलाई पुरस्‍कार ग्‍वानी।

मत्ती 5:48

मेम्मिमका पाह्रीला बाट्पा इनी पाप होङङा गानी वो खोत्‍ले खारी जो़पा बेनी।”

गलाती 1:1

गो थु़र्मा पावललामका गलातियाडाम मण्‍डलीमिमलाई ओराम सेलाखाजेम र्‍याक्‍तोङा लेट्‌पु। गो थु़र्मा दु़म्‍ङोडोम ने मु़चु़मिमलामका मेएँ, मु़चु़मिमकु साखामका वो मेएँ, लावो येशू ख्रीष्‍ट नुङ गुमीलाई सिमुलाम फक्‍खेट्‌पा माम्‍चु़नी पापका गोलाई थु़र्मा दु़म्‍बेट्‌ङिडिमिम सो़।

यूहन्‍ना 20:17

येशूका गुलाई र्‍वाम्‍डी, “गोलाई मेजेट्‌ङी, हेङालोने गो पापकाडा ख्‍लोङसिङ्‌डोम मिबु। लावो आमा ल्‍वाकमिमकाडा लक्‍सामा र्‍वाका, ‘गो आमा पाप नुङ इनीमा पापकाडा मा आमा माम्‍चु़नी नुङ इनीमा माम्‍चु़नीकाडा लक्‍तोङा लेट्‌पु’।”

मत्ती 26:42

आथावो येशू नखेपडा लम्‍डिमा सो़म्‍दी बेम्‍डी, “आमा पाप, गो ओराम मेडुथु़म मेनु़ङा माला इनीमा न होम्‍साका दु़म्‍नु़।”

रोमी 1:7

रोम शहरडा बाट्‍पा गानी खोत्‍लेलाई माम्‍चु़नीका हापा रिखाम बेन्‍निमिमा उनीमा त्‍वाकु सेपा मु़चु़ दु़म्‍मु लागि येट्‌निमिम सो़: इकीमा माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न भ्रसी ल्‍वानिनु़।

मत्ती 10:29

को पैसाडा नले भँगेरा मेभ्रेसी मा? मेमङा लोवो इनी पापका न मेबेथु़मसम्‍म मेर्चिपडाम कोले वो क्‍वाडा मेआल।