Biblia Todo Logo
Bib sou entènèt

- Piblisite -




मत्ती 6:2 - थुलुङ राई

2 “मेम्‍मिमका खेरेला दु़म्‍पा मु़चु़मिमलाई गानी हाम-हुम ग्‍वानिलो मिनी मिक्‍सीलामडा जो़पा लिसिक्‍पामिमका मु़चु़मिमलाम नङ कोला सो़म्‍सिमु लागि घ्रो़म्‍दीनेमबाडे नुङ लाम्‍दी-गुदीबाडे डोक्‍पु रेम्‍बेम्‍सिप्‍मिमिम होङङा मेबेनी। आच्‍छाङा गो गानीलाई र्‍वाङु, मेर्मिमका खोत्‍ले उनी पुरस्‍कार ल्‍वामु दु़म्‍मिडिम बु।

Gade chapit la Kopi




मत्ती 6:2
56 Referans Kwoze  

“गानी सो़म्‍दी बोनिलो मु़चु़मिमलाम ल्‍वाला सो़म्‍सिमु लागि लाम्‍ख्राबाडे नुङ घ्रो़म्‍दीनेममिमबाडे सो़म्‍दी बोमु द्‌वाक्‍पा मु़चु़मिमकु मिक्‍सीलामडा जो़पा लिसिक्‍पा मु़चु़मिम होङङा मेबान्‍सिट्‌नी। आच्‍छाङा गो गानीलाई र्‍वाङु, मेर्मिमका खोत्‍ले उनी पुरस्‍कार ल्‍वामु दु़म्‍मिडिम बु।


“गानी उपास बुनिलो मु़चु़मिमकु मिक्‍सीलामडा जो़पा लिसिक्‍पामिम होङङा इनी ङाली मेडन्‍थाट्‌नी। हेङालोने मेर्मिमका उपास बाम्‍डिम मु़चु़मिमलाई रेम्‍बोमु लागि उनी ङाली डमी। आच्‍छाङा गो गानीलाई र्‍वाङु, मेर्मिमका उनी पुरस्‍कार ल्‍वामु दु़म्‍मिडिम बु।


“गानी आमा नङ कोनिमिम गोलाई मेबासी।


वाङमिमलाई जो़होम बोमु नुङ इनी त्‍वाकु चाप्‍सी ख्‍लो़मु मेप्‍ल्‍वानी। हेङालोने आरेप्‍माम ग्‍वा-ग्‍वाका माम्‍चु़नी गेर्सी द्‌वामी।


“मोशाकु डु़म्‍ला सीपा पातु़म्‍रीमिमडाम चङचङया बानी वो, माम्‍चु़नीकु लाम्‍दीडा लाम्‍दिपा होङङा ल्‍वाम्‍सिमु लागि क्‍वा लु़पा हुम-ये फसिक्‍साका आनो-मेनो लाम्‍दिपा, मा मु़चु़मिमकु ङादोडा सेव सान्‍ला सो़सिक्‍पा, घ्रो़म्‍दीनेमडा ङादोनोम डोक्‍पु ङाउमिम गन्‍खोपडा गन्‍मु माल्‍पा, मा ग्रुला पेखोपडाम डोक्‍पु मु़चु़ गन्‍खोपडा गन्‍मु माल्‍मी।


उ त्‍वापङा जेपा मु़चु़का उ त्‍वापलाई डोक्‍पु बेला सो़म्‍सिमु न बु़, लावो उहेमका गुलाई थु़र्पालाई डोक्‍पु बोमु खारी बु़, मेराम ने आच्‍छाङाकाम ल्‍वा जेपा सो़, मा मेरामनुङ हाम वो लिमा ल्‍वा मेदु़म।


कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।


खुपाका आथाडा आनो खुमु डिट्‌नु़ मा त्‍वाकाङा ब्राम्‍दु़ल्‍वा बु़नु़। मेम्‍मा खेरेला दु़म्‍पामिमलाई ग्‍वामु चाप्‍सु़नु़।


मेर्मिमका छो़म र्‍वाम्डिम कोले ल्वा ने, हाम वो मेबाट्‌पामिमलाई आथावो ख्‍लो़मुम बुमु बासी। मेम बोमुडा ने आमा वो सो हन्‍पा बाइडा।


कर्नेलियसका पाह्रीचो़थो़ रेप्‍डु़म-रेप्‍डु़म ङा बु़डु़। गु छो़म ङिड्‍डामा र्‍वाक्‍ता, “गानी हाम र्‍वामु माल्‍नी ङाचो़?” पाह्रीचो़का र्‍वाक्‍ता, “माम्‍चु़नीका इमा सो़म्‍दी थो़म्डिम बु। गाना उनी हाम वो मेबाट्‌पा मु़चु़मिमलाई खाप्‍ची ग्‍वाक्‍नामिम गुमीका ल्‍वाम्‍डिम बु, मा गुमीका गानालाई मिम्‍थानामिमिम बु।


मेर्मिमका जो़पा खारी बोमिनु़, मा जो़पा खारीलाम खाप्‍चीचो़, खेरेला दु़म्‍पामिमडला न-थो़मनुङमा दु़म्‍साका छो़म ग्‍वा-ग्‍वा द्‌वाक्‍पा दु़म्‍मिनु़।


मु़चु़मिमकु सो हन्‍बेट्‍पा राप्‍लावा ल्‍वापाका सो हन्‍बेट्‍नु़, खेरेला दु़म्‍पा मु़चु़मिमलाई ख्‍लो़मु राप्‍लावा ल्‍वापाका न-गोलामका ख्‍लो़यु़नु़, मण्‍डलीडाम ङाचो़ दु़म्‍मु राप्‍लावा ल्‍वापामिमका न-गोलामका ङाचो़कु खारी बु़नु़, न-थो़म रेम्‍बोमु राप्‍लावा ल्‍वापाका गेर्सी द्‍वाक्‍साका न-थो़म रेम्‍बु़नु़।


“गो हापा थ चङडा आमा मु़चु़मिमलाई ख्‍लो़मु खउलुङ नुङ सासेन्‍मु ग्‍वा-ग्‍वा रेत्तोमा यरूशलेमडा रोङडोम बाइडा।


मा र्‍वाक्‍ता, ‘कर्नेलियस, माम्‍चु़नीका इमा सो़म्‍दी थो़म्डिम बु, मा उनी हाम वो मेबाट्‌पामिमलाई खाप्‍ची ग्‍वानामिम गुमीका मिम्‍मिडिम बु।


कर्नेलियस माम्‍चु़नीकु सो़रलोले बेपा मु़चु़ बाइडा। गु नुङ उ नेमडाममिम खोत्‍लेका माम्‍चु़नीकु ङिम जु़ल्‍थाल्‍मिडी। गुका उनी हाम वो मेबाट्‌पा मु़चु़मिमलाई छो़म खाप्‍ची ग्‍वाक्‍साका हेल्‍लो लोवो माम्‍चु़नीडा सो़म्‍दी बु़थाल्‍लु़।


योप्‍पा शहरडा येशूडा थो़रलु़पा तबीता नङकाम कोले मेसेम बाइडा। (ग्रीक ल्‍वाडा मेरामलाई डोरकास र्‍वाम्‍थाल्‍मिडी– मेराम र्‍वाक्‍मा दो़र)। तबीताका हेल्‍लो लोवो जो़पा खारी बु़थाल्‍लु़, मा उनी हाम वो मेबाट्‌पामिमलाई ख्‍लो़यु़थाल्‍लु़मी।


हेङालोने कोङ-कोङका आरेप्‍माम मिम्‍मिडी, यहूदानुङ खउलुङकु फाजी बु, मा चाडकाम लागि चाहेदु़म्‍पा हाम-हुम भ्रेयु़नु़ रे उनी हाम वो मेबाट्‌पामिमलाई किचो़ ग्‍वाक्‍नु़मी र्‍वाक्‍साका येशूका र्‍वाम्‍डिम।


गानी इनी त्‍वाप-त्‍वापगोडा डोक्‍पु बेला सो़म्‍सिमु माल्‍नी। लावो कोलेङा माम्‍चु़नीलाम रोक्‍पा डोक्‍पु बेला सो़सिसी ने मेमाल्‍नी, माला हेसाका गानी थो़रलु़नी मा?


गानी इनी त्‍वाकु मिक्‍सीडा कार्तासिट्‌पा डोक्‍पु सङ ने मेल्‍वानी माला हेसाका इनी त्‍वाकु वा-ल्‍वाकलाई, ‘ए छारी, इमा मिक्‍सीडाम कति कल्‍पा सप्‍लेप्‍ता गो थान्‍सानिनी’ र्‍वामु चाम्‍नी? गानी मु़चु़कु ङादोडा जो़पा लिसिक्‍पा मु़चु़नी, ङादो इनी मिक्‍सीडा कार्तासिट्‌पा डोक्‍पु सङ ख्‍लुक्‍निमा पार्नी, मेम्‍मा इनी वा-ल्‍वाककु मिक्‍सीडा बाट्‌पा कति कल्‍पा सप्‍लेप्‍ता जो़होमका ल्‍वानिमा पार्सामु चाम्‍नी।


मा घ्रो़म्‍दीनेमबाडे ङादोडा गन्‍मु नुङ ग्रुलामिमबाडे ङाउकु गन्‍खोपडा गन्‍मु माल्‍मी।


आमा ल्‍वाक, थो़रलु़पामिमलाई बेन्‍नाम इमा रिखामका गोलाई छो़म भ्रसिबेट्‌ङिडी, मा आमा सो हन्‍डा, हेङालोने माम्‍चु़नीकु मु़चु़मिमलाई गाना गेर्सी बेट्‌नामिम बु।


मु़चु़मिमलाम गुकु कोला मेसो़सिट्‌कुवा मा गानीलाम वो मेएँ, वाङमिमलाम वो मेएँ।


एन्‍टिओखिया शहरडाम सीसिपामिम खोत्‍लेका यहूदियाडा बाट्‌पा थो़रलु़पामिमलाई ग्‍वामु झापा खउलुङ ग्‍वाक्‍साका ख्‍लो़मु मुलु़ बेम्‍डी।


लावो ङाचो़ येशूका र्‍वाम्‍डी, “माम्‍चु़नीकु मिक्‍सीलामडा जो़पा लिसिक्‍पा मु़चु़नी, ङेम्‍सिमुनेम गानीगोडाम सु़का उ बेनो लोवो गधा लोवो गोठालामका डिरु़मा कु थो़ड्‌डा मेल?


माम्‍चु़नीकु मिक्‍सीलामडा जो़पा लिसिक्‍पा मु़चु़नी, गानी सुबु नुङ धामुकाम छेखोपकु दुथाम सो़मु थेनी, लावो ओम्‍लोम थारीकु दुथाम हेङा थेसिमेथेनिमिम?


इनी खाप्‍चीमिम भ्रेट्‌नीमा उनी हाम वो मेबाट्‌पामिमलाई ग्‍वाक्‍साका इनी त्‍वाकाम लागि हेल्‍लो वो मेभ्रो़ट्‌पा फाजी बनेबेनी। मेम्‍मा हेल्‍लो वो मेदाम्‍पा खाप्‍ची पाह्रीला फुट्‌नी। मेला ने खुचु़वा मेरो, मा तु़मका वो मेकोकु़।


“गानी फरिसीमिमलाई वाइतो, हेङालोने गानी घ्रो़म्‍दीनेमडा डोक्‍पु-डोक्‍पु मु़चु़ गन्‍खोपडा गन्‍मु नुङ मु़चु़मिमकु ङादोडा सेव सान्‍ला सो़सिमु द्‌वानी।


गानी उनी हाम वो मेबाट्‌पामिमलाई इनी न-गो ग्‍वाक्‍नी। मेम्‍मा इनीमा लागि खोत्‍ले छेको-छेको दु़म।


लावो गानी खाप्‍चीचो़मिम ने हाउरेमा! हेङालोने गानी इनी त्‍वाकु नसीहोम बोमु दु़म्‍निम बु।


मेम्‍मिमका गुमीका मेर्मिमलाई र्‍वाम्‍डी, “गानी मिनी मिक्‍सीलामडा जो़पा लिसिपामिमकु दुथाम यशैयाका माम्‍चु़नीलाम जेस्‍ताम जो़पाङा रेछा। गुका आरेसाका र्‍याक्‍तु़म बु: ‘ओर्मिमका गोलाई उनी सिका कोङङा जो़पा बोङिमी, लावो मेर्मिमकु न-गो ने गोडाम होनोङा बु।


मेम्‍मा नेमहपका मेरामलाई छो़म इम्‍मु मेझापा देन्‍दे ग्‍वाकु़, मा नेमहपका र्‍वामिम थो़पा लिसिक्‍पा मु़चु़मिम बाखोपडा घ्रोक्‍सोकु़। मेसिन्‍डा मु़चु़मिम ख्राप्‍मी, मा उनी लि ख्रेन्‍मी।”


ग्रुला पेखोपडा डोक्‍पु मु़चु़ गन्‍खोपडा गन्‍मु नुङ घ्रो़म्‍दीनेमडा डोक्‍पु मु़चु़ गन्‍खोपडा गन्‍मु मेर्मिमका द्‌वामी।


लावो येशूका मेर्मिमकु मेजो़पा न चम्‍डिमा र्‍वाम्‍डी, “ए मिनी मिक्‍सीलामडा जो़पा लिसिक्‍पा मु़चु़नी, गानी हेङा वायम डमु माल्‍ङिनिमिम?


नेमसोसोका धामु ख्‍याक्‍पा नुङ खासेका ड्‌याक्‍पा ल्‍वानिमा र्‍वानी, ‘आनेप व यो रेछा।’ धामु रेप्‍साका हाम दु़म रेछा र्‍वाक्‍पा चनी। लावो थारीकु दुथाम गानी मेचनी?


पाखालामका जो़पा लिसिक्‍पा ए मु़चु़नी, यशैयाका इनीमा दुथाम आरेसाका माम्‍चु़नीलाम जो़पाङा जेस्‍ताम रेछा:


मु़चु़मिमकु ङादोडा जो़पा लिसिक्‍पा मु़चु़नी, ङादो इनी त्‍वाकु मिक्‍सीडा कार्तासिट्‌पा डोक्‍पु सङ थाट्‌निमा पार्नी। मेम्‍मा इनी वा-ल्‍वाककु मिक्‍सीडा गन्‍पा फुर्कु जो़होमका ल्‍वानी, मा पार्सामु चाम्‍नी।


आच्‍छाङा गो गानीलाई र्‍वाङु, सुबु नुङ धामु मेदाममिमसम्‍म माम्‍चु़नीकु डु़म्‍लागोडाम कोले वो मेदाम। मेम्‍मा डु़म्‍लाका र्‍वाक्‍ताम खोत्‍ले ल्‍वा होङङा मेरोक्‍थिथु़मसम्‍म मेरामकाम कोले याक्‍के बिन्‍दु ङा लोवो मेराम मेदाम।


लावो खेरेला दु़म्‍पामिमलाई हाम-हुम ग्‍वानिलो वाङमिम सु़का वो मेल्वासाका ग्‍वाक्‍नी।


“मु़चु़मिमलाई रेम्‍बोमु लागि मेर्मिमका खोत्‍ले खारी बोमी: माम्‍चु़नीकु सिजेम कुर्खोप डोक्‍पु बनेबोमिमा उनी कुप्‍पीभाल नुङ ल्‍वाड्‌डा बन्‍मी। उनी हुम-येकु झुम्‍कामिम धु़प्‍पा-धु़प्‍पा बनेबोमी।


गो खोत्‍ले आ खाप्‍ची उनी हाम वो मेबाट्‌पामिमलाई दो़उसाक्‍पुमी, मा आमा मिरो़म चामु ग्‍वाक्‍पु, लावो आगोनो रिखाम मिबु माला गो हाम वो मेल्‍वाउ।


Swiv nou:

Piblisite


Piblisite