मत्ती 6:12 - थुलुङ राई

¹² आकी कोर्थो़लाम बक्‍पामिमकु छु़ल हेप्‍साक्‍तोकोम होङङा आकी छु़लमिम हेप्‍साक्‍किनी,

मत्ती 6:12 Referans Kwoze

एफिसी 4:32

लावो न-थो़मनुङमा दु़म्‍नी मा कोलेका कोङमीलाई रिखाम बेबेनी। माम्‍चु़नीका गानीलाई ख्रीष्‍टलामका पाचो ग्‍वानिमिम होम्‍साका इनी त्‍वापगोडा पाचो ग्‍वाबेनी।

मर्कूस 11:25

गानी सो़म्‍दी बोनिलो गानीगोडा गोफ दु़स्‍ताम बु माला खोत्‍ले इनी छु़ल हेम्‍बेबेनी, मा मेम्‍साका ङा पाह्रीला बाट्‌पा इनी पापका वो इनी छु़ल हेम्‍सानिमी।

एफिसी 1:7

माम्‍चु़नीकु छो़म डोक्‍पु दिदामका ख्रीष्‍टकु सिसिलामका गुमीडाङा गुइलाई सेल्‍साड्‍डामी, मा इकीमा छु़ल हेप्‍साड्‌डामिम बु।

कलस्‍सी 3:13

इम्‍सी बेबेनी मा कोङनिमका कोङनिमडला सु़म्‍बुर्मा किसु़लो छु़ल हेम्‍बेबेनी। ङाचो़का इनीमा छु़ल हेम्‍साट्‌निम होङङा छु़ल हेम्‍बेबेनी।

लूका 11:4

आकी कोर्थो़लाम बक्‍पामिमकु छु़ल हेप्‍साक्‍तोकोम होङङा आकी छु़लमिम हेप्‍साक्‍किनी। मेजो़पा ल्‍वालाम न-छाम्‍सिमु मेग्‍वाक्‍किनी’।”

लूका 6:37

“सु़काम वो निया मेबेनी, मा माम्‍चु़नीका इनीमा निया मेबोमी। सु़लाई वो मुमा मेबेट्‌नी, मा माम्‍चु़नीका गानीलाई मुमा मेबेनिमी। मु़चु़मिमलाई पाचो ग्‍वाक्‍निमी, मा माम्‍चु़नीका गानीलाई वो पाचो ग्‍वानिमी।

थु़र्मा 13:38

“मेम्‍मिमका वा-ल्‍वाकनी, येशूका छु़ल हेम्‍मी र्‍वाक्‍साका गानीलाई सो़म्‍मा ल्‍वा चनी र्‍वाक्‍पा आमा न बु।

मत्ती 9:2

उ ल्‍वा-खेल सोक्‍पामा उ प्‍लानडा झार्ल्‍याक्‍पा कोले मु़चु़लाई मु़चु़मिमका कुर्मिडिमा येशूकाडा रेट्‌मिडी। मे मु़चु़मिमका गुमीडला थो़र बेम्‍डिम ल्‍वाम्‍डिमा येशूका उ ल्‍वा-खेल सोक्‍पा मु़चु़लाई र्‍वाम्‍डी, “छारी, गेर्सा, इमा छु़लमिम हेम्‍सिम्‍डिम बु।”

मत्ती 26:28

हेङालोने ओराम माम्‍चु़नीनुङ उनीमा मु़चु़मिमकाम लाले सो़रख्रेप्‍सीकु आमा सिसि सो़। हापा मु़चु़मिमकाम छु़लमिम हेम्‍मु लागि सासेसाका ओराम हासी।

लूका 13:4

मे को-लेतले (१८) मु़चु़मिमलाई सिलोआमडाम धरहरा झार्स्‍तामा चिप्‍डु़मिमा सिम्‍डिम बाइडा। यरूशलेमडा बाट्‌पा मु़चु़मिमगोडाम हाम हापा छु़लचो़ मेर्मिम बाम्‍डी र्‍वाक्‍पा गानी मिम्‍निमिम?