मत्ती 5:5 - थुलुङ राई

⁵ याक्‍के दु़म्‍पामिम जिनुङमा सो़, हेङालोने सुबु मेर्मिमकाम दु़म।

मत्ती 5:5 Referans Kwoze

याकूब 3:13

गानीगोडा नेप्‍चीनुङमा नुङ माम्‍चु़नीकु न थेसिथेट्‌पा सु़ बु? मेरामका जो़पा जेसी-दोसी नुङ याक्‍के दु़म्‍साका उमा खारीमिमलाम मेराम नेप्‍ची रेम्‍बु़नु़।

गलाती 5:23

याक्‍के दु़म्‍मु चापा, त्‍वाका त्‍वापलाई जो़होमका जु़ल्‍मु चापा। आरेप्‍माम ल्‍वामिमकु कोर्थो़लाम उहेम वो डु़म्‍ला मिबु।

याकूब 1:21

मेम्‍मिमका खोत्‍ले घ्रामलु़पा ल्‍वामिम नुङ मेजो़पा ल्‍वामिम पार्नी, मा इनीमा गोगोडा ख्‍लिम्‍थाट्‌मा माम्‍चु़नीकु सिजेम याक्‍के दु़म्‍साका रनी। मेरामका गानीलाई सेल्‍मु चाम्‍नी।

कलस्‍सी 3:12

माम्‍चु़नीका गानीलाई उनीमा मु़चु़ दु़म्‍मु छेट्‌निमी, उनीमा नङका साट्‌निमी, मा रिखाम बेन्‍निमी। मेम्‍मिमका नाम्‍नाम्चो़ लु़पा, न-थो़मनुङमा, याक्‍के दु़म्‍पा, मेक्रोक्‍पा दु़म्‍पा मा इम्‍सिक्‍पा दु़म्‍नी।

मत्ती 11:29

आमा जुवा बालामडला कुर्साका गोनुङ लाम्‍दिनी, मा गोनुङ सीन्‍सिट्‌नी। हेङालोने गो न-गोनुङमा नुङ न-थो़मनुङमा बुङु, मा गानी इनी नडा भ्रन्‍सिनी।

एफिसी 4:2

हेल्‍लो लोवो याक्‍के दु़म्‍पा, मेक्रोक्‍पा मा इम्‍साका कोलेका कोङमीलाई रिखाम बेबेनी।

१ पत्रुस 3:15

मेम मेदु़म्‍साका, ख्रीष्‍ट इनी ङाचो़ होङङा उनीमा सो़रलोले बेनी। गानी थो़र लु़निमिमकु दुथाम कोङनिमका हिलाहिसी बेम्‍डी माला मेर्मिमनुङ सो़मु लागि हेल्‍लो लोवो झो़म्‍जो़ल्‍सिट्‌नी। याक्‍के दु़म्‍साका नुङ माम्‍चु़नीकु ङिम जु़ल्‍साका आरे बेनी।

तीतस 3:2

मेर्मिमका सु़लाई वो डक्‍साका मेजेमिनु़, मा रिबुसी मेकिन्‍मिनु़। न-थो़मनुङमा दु़म्‍मिनु़, मा याक्‍के दु़म्‍साका खोत्‍ले मु़चु़मिमनुङ जेमिनु़-दोमिनु़।

१ पत्रुस 3:4

इनीमा जो़प्‍सी ने न-गोलाममिम दु़म्‍मु बासी। मेराम हेल्‍लो वो मेदाम्‍पा याक्‍के दु़म्‍सी नुङ लिबा बासी सो़। माम्‍चु़नीकु ङादोडा मेराम हापा थिकाम दु़म।

१ तिमोथी 6:11

लावो गाना माम्‍चु़नीकु लाम्‍दीडा लाम्‍दिपा मु़चु़, ओर्मिम खोत्‍ले ल्‍वामिम ङेडा, मा माम्‍चु़नीकु न होङङा बे, उनीमा सो़रलोले बे, थो़र, रिखाम, इम्‍सी नुङ याक्‍के दु़म्‍सीडा लाम्‍दिमु चापा दु़प्‍सा।

२ तिमोथी 2:25

मा उमा कोर्थो़लाम बक्‍पामिमलाई याक्‍के दु़म्‍साका थेसिथेन्‍बेट्‌पा दु़म्‍मु बासी। मेकोतिमा माम्‍चु़नीका मेर्मिमकु न-गो ख्‍लोम्‍साट्‌मिमा मेर्मिमका आच्‍छाङाकाम ल्‍वाडा थो़र लु़मी डे,

रोमी 4:13

अब्राहाम नुङ उमा चो़-चु़सु़मिमका सु़म्‍दिसेरडाम दो़दो़वा ल्‍वामी र्‍वाक्‍साका याचेजम्‍डिम ल्‍वा ने डु़म्‍लाका र्‍वाक्‍ताम होङङा बेसाका मेएँ, लावो थो़रलु़सीलाम जो़पा न-गोका दु़म्‍साका रोक्‍ताम सो़।

मत्ती 21:5

“सियोनकु जाउमोचो़लाई र्‍वाक्‍नी, रेप्‍डा, इमा हप इमाडा बिक्‍तोङा बोमी, याक्‍के दु़म्‍साका गधाडला हुसाका, गधाकु चो़डलामका हुसाका बिक्‍तोङा बोमी।”