मत्ती 5:4 - थुलुङ राई

⁴ न-गोडा ख्रापामिम जिनुङमा सो़, हेङालोने माम्‍चु़नीका मेर्मिमकु न-भ्रसिबेन्मी।

मत्ती 5:4 Referans Kwoze

रेम्‍बेट्‌मिडिम ल्‍वा 21:4

गुमीका मेर्मिम खोत्‍लेकाम मिक्‍सीडाम प्‍ल बम्‍सामी। मेर्मिम आथा ने मेसिमी, मेख्राम्‍मी मेदुमी मा उनी थो़म्‍बोक ख्‍वाक्‍पा दु़खा मेदु़म, हेङालोने ङादोम ल्‍वामिम दाम्‍स्‍ल्‍याड्‌डाम बु।”

लूका 6:21

ओम्‍लो क्रु़मसिपा मु़चु़नी, गानी आलाकाम सो़, हेङालोने गानी इनी गोतिम्‍सिनी। ओम्‍लो ख्रापा मु़चु़नी, गानी आलाकाम सो़, हेङालोने गानी रिमु ल्‍वानी।

याकूब 1:12

उ न-छाम्‍सिमिम थारीका इम्‍साका बाट्‌पा मु़चु़ङा जिनुङमा दु़म सो़। हेङालोने उ न-छाम्‍सिमु थारी हेप्‍डु़मिम चङडा माम्‍चु़नीका रिखाम बेपामिमलाई गुमीका ङादो ग्‍वानिनी र्‍वाम्‍डिम मुकुट मेरामका ल्‍वासु़, मेराम मुकुट र्‍वाक्‍मा हेल्‍लो वो मेसिपा त्‍वारो़म सो़।

लूका 16:25

“लावो अब्राहामका र्‍वाक्‍ता, ‘ए योयो, गाना मिम्‍डा, गाना सुबुडा बान्‍नालो जो़पा-जो़पा फन्‍सिट्‌ना, पेन्‍ना-डुन्‍ना, मा एलेङगी बेन्‍ना। लाजरसका ने छो़म दु़खा ल्‍वास्‍तु़म बाइडा। मेम्‍मिमका ओम्‍लो गुलाई आसिन्‍डा दु़खा मिबु, मा गाना ने दु़खा इम्‍तोङा लेना।

लूका 6:25

ओम्‍लो गानी खोहोम पोमु ल्‍वापामिमलाई हाउरेमा! हेङालोने गानी दिफु क्रु़मसिपा दु़म्‍नी। ओम्‍लो रिपामिम ने हाउरेमा! दिफु गानी इनी नडा मेभ्रन्‍सिनिमा ख्राम्‍नी।

लूका 7:50

येशूका मेराम मेसेमलाई र्‍वाम्‍डी, “गाना गोडला थो़र लु़न्‍नामका गाना सेल्‍सिट्‌नाम बु। इ न भ्रसिक्‍तो लक्‍सा।”

लूका 7:38

मा गु येशूकु चङलामका रोक्‍तामा उनी खेल फार्डा येम्‍स्‍तामा, उ प्‍ल येशूकु खेलडला डस्‍तु़, मा उ बुइडलाम सेमका बक्‍साक्‍तो उनी खेलडा चुप बु़डु़, मा भ्रपा मुर्नेम्‍पा तेलका क्‍लमु चो़म्‍डु़।