मत्ती 5:3 - थुलुङ राई

³ “न-गोलाम माम्‍चु़नीकु ख्‍लो़सी माल्पामिम जिनुङमा सो़, हेङालोने पाह्री-किब्‍दी मेर्मिमकामङा सो़।

मत्ती 5:3 Referans Kwoze

लूका 18:14

“गो गानीलाई र्‍वाङु, मे फरिसी मेएँ, कर फक्‍पा मु़चु़ माम्‍चु़नीकु न-गो होप्‍माम दु़स्‍तामा उ नेम ख्‍लोस्‍ता। हेङालोने उहेम मु़चु़का उ त्‍वापलाई डोक्‍पु मिम्‍सी मेरामलाई माम्‍चु़नीका याक्‍के दु़म्‍बेन्‍मी, मा उ त्‍वाप याक्‍के दु़म्‍पा मु़चु़ ने माम्‍चु़नीका डोक्‍पु दु़म्‍बेन्‍मी।”

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

लूका 11:28

लावो येशूका र्‍वाम्‍डी, “उहेमका माम्‍चु़नीकु सिजेम जो़होमका थो़मी, मा मेराम होम्‍साका बोमी, मेर्मिम मु़चु़ डे आलाकाम सो़।”

मत्ती 11:25

मेकोतिलोङा येशूका र्‍वाम्‍डी, “पाआ, सुबु नुङ पाह्रीकाम मिप्रङमा, गो गानीलाई आलासो़ ग्‍वानिनी। हेङालोने थेट्‌पा नुङ नेप्‍चीनुङमा मु़चु़मिमडाम थक्‍साका जु़ल्‍निम ल्‍वा चो़च्‍चो़ होप्‍माम मु़चु़मिमकाडा रेम्‍बेन्‍नी।

लूका 4:18

“‘मिप्रङमाकु पेलका गोलाई लु़ट्‌ङिडिमिम बु, मेम्‍साका उनी हाम वो मेबाट्‌पामिमलाई गो जो़पा-सेला थो़बेट्‌पुमी, मा शैतानका बथाडु़मिम मु़चु़मिम मेलामका वाङ दु़म्‍मी। मेम्‍मा मिक्‍सीका मेल्‍वापामिमकाम उनी मिक्‍सी ह्‌वासी, मा दु़खाडा बाट्‌पामिम मेलामका वाङ दु़म्‍मी,

मर्कूस 10:14

लावो येशूका ओराम ल्‍वाम्‍डिमा उनी छोक्‍चो बक्‍ता, मा उनीमा सीसिपामिमनुङ र्‍वाम्‍डी, “याक्‍के चो़च्‍चो़मिमलाई आमाडा रोमु ग्‍वाक्‍निमी। मेर्मिमलाई मेभोप्‍नी, हेङालोने माम्‍चु़नीकु किब्‍दी आरेप्‍माममिमकाम ङा सो़।

मत्ती 13:16

“लावो गानी ने जिनुङमा सो़, हेङालोने इनी मिक्‍सीका ल्‍वानी, मा नोफ्‍लाका थो़नी।

याकूब 1:12

उ न-छाम्‍सिमिम थारीका इम्‍साका बाट्‌पा मु़चु़ङा जिनुङमा दु़म सो़। हेङालोने उ न-छाम्‍सिमु थारी हेप्‍डु़मिम चङडा माम्‍चु़नीका रिखाम बेपामिमलाई गुमीका ङादो ग्‍वानिनी र्‍वाम्‍डिम मुकुट मेरामका ल्‍वासु़, मेराम मुकुट र्‍वाक्‍मा हेल्‍लो वो मेसिपा त्‍वारो़म सो़।

यूहन्‍ना 20:29

येशूका मेरामलाई र्‍वाम्‍डी, “गाना गोलाई ल्‍वाङ्‌डिमका गोडला थो़रलु़न्‍नाम। उहेमका गोलाई मेल्‍वासाका थो़रलु़मी मेर्मिम आलाकाम सो़।”

मत्ती 24:46

नेमहप रोफालो खारी बेत्तोङा बेपा डार्फाडु़मिम मे डु़ल्‍चो़ जिनुङमा दु़म।

याकूब 1:10

मा खाप्‍चीचो़ ने माम्‍चु़नीका याक्‍के दु़म्‍बेन्‍मिमिमडा गेर्सी द्‌वानु़, हेङालोने सो़ब्‍दी बुङमा होम्‍साका गु मेकोतिङा दाम्‍मा ल।

रेम्‍बेट्‌मिडिम ल्‍वा 22:14

“त्‍वाकु ब्‍लाङमा सो़ल्‍पा मु़चु़मिम आलाकाम सो़। त्‍वारो़म ग्‍वाक्‍पा धक्‍साकु मा पोमु मुलु़ मेर्मिमका ल्‍वामी मा शहर गोनो हुमु ल्‍वामी।

रेम्‍बेट्‌मिडिम ल्‍वा 19:9

मेम्‍मा मे पाह्रीचो़का गोनुङ र्‍वाक्‍ता, “ओराम ल्‍वा र्‍याका: भेन्‍दाचो़कु लालीकुन्‍दाडाम ग्रुलाडा येन्‍सिक्‍पा मु़चु़मिम आलाकाम सो़!” मेम्‍मा गुका आथावो र्‍वाक्‍ता, “माम्‍चु़नीकाम आच्‍छाङाम सिजेममिम ओर्मिमङा सो़।”

मत्ती 25:34

“मेकोतिमा हपका उ जो़पलाममिम मु़चु़मिमलाई र्‍वा, ‘आमा पापका जिनुङमा दु़म्‍बेट्‌निम मु़चु़नी, बिक्‍नी, सु़म्‍दिमोलोमङा इनीमा लागि दु़म्‍जो़ल्‍पा किब्‍दी रनी।

मत्ती 11:6

गोडला बु़डु़म थो़र पुयु़लुमेबेट्‌पा मु़चु़ जिनुङमा सो़।”

मत्ती 8:11

गो गानीलाई र्‍वाङु, नेप्सुङ ओपाथो़ नुङ नेप्सुङ गाम्पाथो़म सु़म्‍दिसेर खोत्‍लेलामका वाङसामा मु़चु़मिम हापा रोमी। मेम्‍मा अब्राहाम, इसाहक, याकूबनुङ पाह्री-किब्‍दीडा ग्रुला पेप्‍डा मेर्मिम गन्‍मी।

मत्ती 3:2

“छु़ललाम ख्‍लोन्‍सिट्‌नी, हेङालोने पाह्री-किब्‍दी रोम्‍फामुङा खाप्‍डु़म बु।”

मत्ती 19:14

लावो येशूका र्‍वाम्‍डी, “चो़च्‍चो़मिमलाई आमाडा रोमु ग्‍वाक्‍नी, मेर्मिमलाई मेभोप्‍नी। हेङालोने पाह्री-किब्‍दी ने ओ चो़च्‍चो़मिम होप्‍मामकामङा सो़।”

लूका 22:29

हेसाका आमा माम्‍चु़नीका गोलाई हप दु़म्‍बेट्‌ङिडिमिम बु, गानीलाई गो वो मेम्‍साकाङा हप दु़म्‍बेनिनी।

लूका 22:30

मेकोतिमा गो किब्‍दी थो़पुमिम थारीका गानी गोनुङङा पोनी-डुनी, मा हपकु गन्‍खोपडा गन्‍साका माम्‍चु़नीकु मु़चु़मिमडला गोनुङ साखाम थो़पा दु़म्‍नी।”

रेम्‍बेट्‌मिडिम ल्‍वा 3:17

‘गो खाप्‍चीचो़ बुङु, गोनुङ हापा खाप्‍ची बु मा गोलाई हाम वो मेबासी’ र्‍वाक्‍साका गाना र्‍वाना। लावो गाना इमा न-गो नो़पा, नाम्नाम्चो़ लु़इमिम, हाम वो मेबाट्‌पा, मिक्‍सीका मेल्‍वापा मा खालिन्‍ते बुनामिम मेचना।