मत्ती 5:21 - थुलुङ राई

²¹ “माके-माकेम मु़चु़मिमलाई माम्‍चु़नीकु सिजेमका आरे र्‍वाक्‍ताम ने गानी थो़न्‍निम बु, ‘मु़चु़ मेसेडा, मा उहेमका मु़चु़ सेडु़, मेरामका देन्‍दे ल्‍वासु़।’

मत्ती 5:21 Referans Kwoze

मत्ती 5:38

“मोशाकु डु़म्‍लाका आरे र्‍वाक्‍ताम गानी थो़न्‍निम बु, ‘कोलेका इनी मिक्‍सी पियु़डु़ माला, गानी वो मेरामकु मिक्‍सी पिन्‍साट्‌नी, मा इनी लि आल्‍साट्‌नी माला, गानी वो उ लि आल्‍नी।’

मत्ती 5:33

“माके-माकेम मु़चु़मिमलाई आरे र्‍वाक्‍मा ने गानी थो़न्‍निम बु, ‘मेरेन्‍थिनामिम ससि मेबे, लावो मिप्रङमानुङ ससि बेन्‍नाम होङङा बे।’

मत्ती 5:27

“‘नाम्‍सु़रु़ मेबे’ र्‍वाक्‍पा माम्‍चु़नीकु सिजेम ने गानी थो़न्‍निम बु।

मत्ती 5:43

“‘इनी साउखोरेलाई रिखाम बेनी मा इनी स्‍वाक्‍चिमोलाई रिखाम मेबेनी’ र्‍वाक्‍पा गानी थो़न्‍निम बु।

१ यूहन्‍ना 3:15

उहेम मु़चु़का थो़र लु़पा उमा वा-ल्‍वाकलाई मेद्‌वाकु़, मेराम मु़चु़ ने मु़चु़ सेट्‌पा होप्‍माम सो़। मेम्‍मा मु़चु़ सेट्‌पा सु़नुङ वो हेल्‍लो वो मेसिपा त्‍वारो़म मेदु़म र्‍वाक्‍पा गानी चनिमिम बु।