मत्ती 5:11 - थुलुङ राई

¹¹ “गानी आमा सीसिपा दु़म्‍निमका मु़चु़मिमका डक्‍साका जेमी, मा इनी थो़मतेर्मी, मेम्‍मा इनीमा दुथाम खोत्‍ले मेजो़पा ल्‍वा जेसाका लिमा थेन्‍मी, गानी ने जिनुङमा सो़।

मत्ती 5:11 Referans Kwoze

१ पत्रुस 4:14

ख्रीष्‍टडा थो़र बेन्‍निमका छेम-छेम दुला सो़न्‍सिट्‌नी माला गानी आलाकाम सो़। हेङालोने माम्‍चु़नीकु यु़मनुङमा पेल गानीगोडा दु़म।

लूका 21:17

गानी आमा सीसिपामिम दु़म्‍निमका खोत्‍ले मु़चु़मिमका गानीलाई मेद्‌वानी।

मर्कूस 13:13

मेकोतिमा आमा दुथाम खोत्‍लेका गानीलाई नाप्‍छु़निमी, लावो हुक्‍पा थारीसम्‍म ङा इम्‍सिसाका बाट्‌पामिम कोङङा सेल्‍सिमी।

मत्ती 24:9

“मेकोतिमा मु़चु़मिमका गानीलाई चु़म्‍नीमा इनीमा थो़मतेर्बेन्‍मी, मा सेन्‍बेन्‍मी। गोडला गानी थो़रलु़न्‍निमका खोत्‍ले सामामिमका गानीलाई मेद्‌वानिमी।

लूका 6:22

मिनीचो़डला थो़र लु़न्‍निमका मु़चु़मिमका मेद्‌वानिमी, सामालामका ख्‍लुनिमी, मा रिन्‍सानिमी, मेम्‍मा मेजो़पा मिम्‍मिमा गानीलाई डक्‍साका जेमी माला गानी आलाकाम सो़।

१ पत्रुस 2:23

मु़चु़मिमका गुमीलाई डक्‍साका जेम्‍डिलो गुमीका मेर्मिमडला उनी छोक्‍चो मेहाट्‌मिवा। गुमीका दु़खा इम्‍मिडिलो सु़लाई वो ङिम मेसाट्‌मिवा। लावो जो़होमका निया बेपाकु ल्‍वाड्‌डा उनी त्‍वाप जु़ल्‍मिडी।

यूहन्‍ना 15:21

गानी आमा सीसिपा दु़म्‍निमका मेर्मिमका गानीलाई मेम बोनी, हेङालोने मेर्मिमका गोलाई थु़र्पा पापलाई मेछेमी।

मत्ती 10:22

गानी आमा चङचङ लाम्‍दिपा दु़म्‍निमका खोत्‍ले मु़चु़मिमका गानीलाई मेद्‌वानी। लावो उहेम मु़चु़ दिफुसम्‍म थो़रलु़होम बु, मेराम मु़चु़ सेल्‍सी।

मत्ती 10:39

उहेमका उ त्वाकु साम जु़ल्‍मु माल्‍लु़, मेरामका त्‍वारो़म मेल्‍वासु़। उहेमका गु गोनुङ लाम्‍दिडामका उ साम फ्‍याक्‍सु़, मेरामका त्‍वारो़म ल्‍वासु़।

रेम्‍बेट्‌मिडिम ल्‍वा 2:3

गानी गोडला थो़र बेन्‍निमका हाम वो मेर्‍वाक्‍साकाङा दु़खामिम इम्‍तोङा लेनी। मेम्‍मा थो़र बोमु डिट्‌निम मिबु।

मत्ती 19:29

मेम्‍मा उहेमका आमा लागि उ त्‍वाकु नेम, वा-ल्‍वाक लोवो, रिचो़ लोवो, माम-पाप लावो, चो़च्‍चो़मिम लोवो, ये-द लोवो डिड्‌डु़म बु, मेरामका को सङङा (१००) हापा ल्‍वासु़। मेम्‍मा हेल्‍लो वो मेसिपा त्‍वारो़म ल्‍वापा दु़म।

२ कोरिन्‍थी 4:11

सिपामा लक्‍पा आकीमा मिरो़मडा येशूकु त्‍वारो़म रेम्‍बेसिनु़ र्‍वाक्‍साका उनीमा लागि ङा हेल्‍लो लोवो गुकु र्‍वाप्‍डा सिकुम बुकु।

१ कोरिन्थी 4:10

गुकु ने ख्रीष्‍टकाम लागि नेप्‍ची मान्‍थिम, लावो गानी ने ख्रीष्‍टनुङ नेप्चीनुङमा बुनी! गुकु ने मेचापा बुकु, लावो गानी ने यु़मनुङमा बुनी! गानी ने खोत्‍लेका डोक्‍पु बोनिमी, लावो गुकुलाई ने डोक्‍पु मेबोकिमी!

रोमी 8:36

माम्‍चु़नीकु सिजेमडा र्‍याक्‍मा बु, “गुकु गानीडला थो़रलु़त्तोकोमका इनीमा लागि हेल्‍लो लोवो सेन्‍मु माल्की, गुकु फल्‍ला सो़सिमु खापा भेन्‍दा होप्माम ङा सो़।”

लूका 21:12

“लावो ओर्मिम खोत्‍ले ल्‍वामिम दु़म्‍मु ङादो गानी आमा सीसिपा दु़म्‍निमका मु़चु़मिमका गानीलाई चु़म्‍नी, मा इनी थो़मतेर्मी। घ्रो़म्‍दीनेममिमबाडे रो़-रो़न्‍थु़त्तो लनिमी मा झ्‍यालखानडा चनिमी। मेम्‍मा हपमिम नुङ किब्‍दी साखामचो़मिमकु ङादोडा हिलाहिसी बेप्‍डा येम्‍सिबेनिमी।

लूका 9:24

हेङालोने उहेम मु़चु़का उ साम जु़ल्‍मु न बु़ मेरामका त्‍वारो़म मेल्‍वासु़। लावो उहेम मु़चु़का आमा लागि उमा साम फ्‍याक्‍सु़ मेरामका त्‍वारो़म ल्‍वासु़।

मर्कूस 8:35

हेङालोने उहेमका उमा साम जु़ल्‍मु न बु़, मेरामका मे मेल्‍वासु़, लावो जो़पा-सेला नुङ आमा नङकु दुथाम उमा त्‍वाकु साम ङा वो फ्‍याक्‍पाका मेराम ल्‍वासु़।

मत्ती 10:25

सीसिपा, सीपा होप्‍माम नुङ डु़ल्‍चो़, नेमहप होप्‍मामङा दु़म्मु माला न-गो तिम्सिट्‍नी। मेर्मिमका नेमहप होप्‍माम गोलाई मुनाङमिमकु हप र्‍वामी माला आमा नेमडाम होप्‍माम गानीलाई हाङको मेजो़पा र्‍वामी।

थु़र्मा 9:16

आमा नङकाम लागि मेरामका हाङको दु़खा इम्मु बासी, मे गो मेरामलाई रेम्‍बेट्‌पु।”

मर्कूस 13:9

“गानी इनी त्‍वाप ङा चङचङया बानी। मु़चु़मिमका गानीलाई अदालतबाडे लनिमी, मा घ्रो़म्‍दीनेमबाडे याल्‍निमी। मेकोतिमा हपमिम नुङ किब्‍दी साखामचो़मिमकु ङादोबाडे आमा नङकु दुथाम येम्‍सिबेनिमी। मेराम ङा गो सु़ र्‍वाक्‍पा रेम्‍बोनिमिम दु़म।

मत्ती 27:39

मेराम लाम्‍दीभाल लाम्‍दिपा खोत्‍ले मु़चु़मिमका उनी बुइ रक्‍तो येशूलाई डक्‍साका जेम्‍डी,

मर्कूस 4:17

लावो मेर्मिमकु सक्‍फार मिबुमिमका मेर्मिम कति दु़पा थारीसम्‍म कोङङा दु़म्‍मी। सिजेमकु दुथाम मु़चु़मिमका मेजो़पा बोमी मा उनीमा थो़मतेर्सामिलो मेर्मिमका मेराम डिन्‍ल्‍यामी।

मत्ती 10:18

आमा दुथाम गानीलाई साखामचो़ नुङ हपमिमकाडा लनी। मेम्‍मा मेर्मिम मु़चु़ नुङ वाङसामा मु़चु़मिमलाई आमा दुथाम सो़पा गानी दु़म्‍नी।

यूहन्‍ना 9:28

मेर्मिमका मेरामलाई सेम्‍लाबेत्तो र्‍वाम्‍डी, “गाना डे मेरामकु सीसिपा, लावो गुकु ने मोशाकु सीसिपा।

फिलिप्‍पी 1:29

गानी ख्रीष्‍टकाम लागि गुमीडला थो़र लु़मु कोङङा मेएँ, लावो उनीमा लागि दु़खा वो ल्‍वानी र्‍वाक्‍साका गुमीका ग्‍वाक्‍निम बु।