मत्ती 5:1 - थुलुङ राई

¹ कोलाम सेर्पा मु़चु़ खोम्‍सिक्‍पा येशूका ल्‍वाम्‍डिमा पोप्‍चङडला लक्‍साका गन्‍मिडी। मेसिन्‍डा उनी सीसिपामिम वो रोम्‍डी।

मत्ती 5:1 Referans Kwoze

मर्कूस 3:13

मेसिन्‍डाममा येशू पोप्‍चङडला लम्‍डी, मा गुमीका न बेम्‍डिम मु़चु़मिमलाई येट्‌मिडी, मा मेर्मिम वो उनीमाडा रोम्‍डी।

मत्ती 15:29

येशू मेलामका गालील दिरिदिनकु सो़पलाम दु़म्‍तो लम्‍डी। मेम्‍मा पोप्‍चङडला लम्‍डिमा बाम्‍डी।

मर्कूस 4:1

आथावो येशूका दिरिदिन फार्डा सीमु चो़म्मिडी। मेसिन्‍डा छो़म सेर्पा मु़चु़मिम खोम्‍सिम्‍डिमका गुमी मे दिरिदिनडाम कुबी-बोक्‍साडला हुम्‍डिमा सीमु चो़म्मिडी। लावो मे सेर्पा मु़चु़मिम ने दिरिदिन फारबाडेङा बाम्‍डी।

मर्कूस 3:20

मेकोतिमा गुमी नेम लम्‍डिलो मेसिन्‍डा सेर्पा मु़चु़मिम आथावो खोम्‍सिम्‍डिमका येशूनुङ उनी सीसिपामिमका पोमु वो मेयु़ट्‌मिवा।

मत्ती 4:25

मेकोतिमा गालील, डेकापोलिस, यरूशलेम, खोत्‍ले यहूदिया नुङ यर्दन ब्‍लोकुकु होम्बुथो़म छो़म सेर्पा मु़चु़ येशूनुङ लाम्‍दिम्‍डी।

मत्ती 13:2

सेर्पा मु़चु़ येशूकु होनोलाम-आथो़लाम छो़म खोम्‍सिम्‍डी, मेम्‍मिमका गुमी कुबी-बोक्‍साडला हुम्‍डिमा गन्‍मिडी। मे सेर्पा मु़चु़ दिरिदिनकु फार्डा बाम्‍डी।

मत्ती 5:2

येशूका उनी सीसिपामिमलाई आरे र्‍वाक्‍तो सीमु चो़म्‍मिडी:

लूका 6:12

मेमबिलि येशू सो़म्‍दी बेप्‍डा पोप्‍चङथो़ लम्‍डी, मा नेमसोसोसम्‍म माम्‍चु़नीडा सो़म्‍दी बेम्‍डी।

लूका 6:17

येशू उनी थु़र्मामिमनुङ पोप्‍चङडलामका धाली धेब्‍दे बाययु़ योम्‍डी। मेसिन्‍डा बाङमिम सेर्पा उनी सीसिपामिम नुङ खोत्‍ले यहूदिया नुङ यरूशलेम शहरलामका, मा दिरिदिनकु सो़पडाम टुरोस नुङ सीदोन शहरलामका रोक्‍पा सेर्पा मु़चु़मिम बाम्‍डी।

लूका 6:20

मेकोतिमा गुमीका उनी सीसिपामिमथो़ रेप्‍तो र्‍वाम्‍डी: “इनी हाम वो मेबाट्‌पा मु़चु़नी गानी आलाकाम सो़, हेङालोने माम्‍चु़नीकु किब्‍दी इनीमा ङा सो़।

लूका 9:28

येशूका आरे र्‍वाम्‍डिम र्‍वाप्‍डा लेतलेम (८) नेम को-को चङडा पत्रुस, यूहन्‍ना मा याकूबलाई उनी त्‍वापनुङ कोयोङा सो़म्‍दी बेप्‍डा पोप्‍चङडला लम्‍डी।

यूहन्‍ना 6:15

मेर्मिमका गुमीलाई उनी हप दु़म्‍मु क्‍र्‍वामु माल्‍तोङा बोमी र्‍वाक्‍पा चम्‍डिमा येशू त्‍वापङा आथावो पोप्‍चङडला लम्‍डी।