मत्ती 4:7 - थुलुङ राई

⁷ येशूका मे शैतानलाई र्‍वाम्‍डी, “माम्‍चु़नीकु सिजेमडा ओराम वो र्‍याक्‍मा बु: ‘गाना इमा मिप्रङमा माम्‍चु़नीकु न मेछाम्‍डा’।”

मत्ती 4:7 Referans Kwoze

१ कोरिन्थी 10:9

मेर्मिम गोडा याङका बेम्‍डिम होङङा गुइ ङाचो़कु न छाम्‍सी मेनु़। मेर्मिमका ङाचो़कु न छाम्‍मिडिमा मेर्मिमलाई ब्‍लोका सेड्‌डु़मिम बाइडा।

हिब्रू 3:9

मेसिन्‍डा ब्‍ल धु़म थ सम्‍म गो बेउतोम खारी ल्‍वाम्‍डी लोवो इनीमा बेप-पापमिमका थो़र मेलु़मिवामा आमा न छाम्‍मिडी।

थु़र्मा 5:9

पत्रुसका र्‍वाक्‍ता, “गाची निफिका हेसाका डे माम्‍चु़नी-पेलनुङ लिमा थेन्‍मु मुलु़ बेच्‍ची? रेप्‍डा, इमा वोचु़लाई क्‍लु़म्‍पामिम लाम्‍चोकोडा ङा रोम्‍फाम्‍डिम बु, मा मेर्मिमका गाना वो मेम्‍साका ङा कुर्नामिमा पाखा लनामी।”

मत्ती 4:4

येशूका गुलाई र्‍वाम्‍डी, “माम्‍चु़नीकु सिजेमडा र्‍याक्‍मा बु: ‘सो़बेमका कोङङा मु़चु़कु साम जु़ल्‍मु मेचाप्‍सु़, लावो माम्‍चु़नीकु सिलामका लुक्‍पा खोत्‍ले सिजेमका उ साम जु़लु़’।”

मत्ती 4:10

मेकोतिमा येशूका शैतानलाई र्‍वाम्‍डी, “शैतान, ओलामका लस्‍ल्‍याडा, हेङालोने माम्‍चु़नीकु सिजेमडा र्‍यामा बु: ‘गाना इमा मिप्रङमा माम्‍चु़नीलाई कोङङा डोक्‍पु मिम्‍साका सेव साडा, मा उनीमा कोङङा लाले-पाङके बे’।”

मत्ती 21:42

येशूका मेर्मिमलाई र्‍वाम्‍डी, “माम्‍चु़नीकु सिजेमडा ओराम ल्‍वा हाम गानी हेल्‍लो वो डाट्‌निम मिबु? ‘नेम चिर्पा मु़चु़मिमका पार्मिडिम लुङङा नेमकु फारगोयु़म डोक्‍पु सुरलुङ दु़स्‍ता, मिप्रङमाका आरे बेम्‍डी, इकीमा मिक्‍सीलामडा ओराम ङाङाया दु़म्‍सीमिम बु।’

मत्ती 21:16

मेम्‍मा मेर्मिमका येशूलाई हिलाबेम्‍डी, “थो़त्तोङा लेना, चो़च्‍चो़मिमका हाम र्‍वाक्‍तोङा लेन्‍मी?” येशूका र्‍वाम्‍डी, “थो़त्तोङा लेट्‌पु। माम्‍चु़नीकु सिजेमडा ओराम र्‍याक्‍मा हाम गानी हेल्‍लो वो डाट्‌निम मिबु? ‘चो़च्‍चो़मिम नुङ दु़दु़ डुपा चो़मिमकु सिलामका, इनीमा नङ कोमु काम्सो ख्‍लुक्‍निम बु।’”

लूका 4:12

येशूका मे शैतानलाई र्‍वाम्‍डी, “माम्‍चु़नीकु सिजेमडा आरेसाका र्‍याक्‍मा बु, ‘गाना मिप्रङमा इमा माम्‍चु़नीकु न मेछाम्‍डा’।”

थु़र्मा 15:10

मेम्‍मिमका सीसिपामिमकु बालामडला ओराम जुवा जु़ल्‍साका हेङा गानी माम्‍चु़नीकु न छाम्‍निमिम? ओराम ने ना इकी ङाउ-खुउमिमका ङा कुर्मु चाप्‍मिडी, ना गुइ ङा चाप्‍सी।