मत्ती 4:6 - थुलुङ राई

⁶ मेम्‍मा गुमीलाई र्‍वाक्‍ता, “गानी माम्‍चु़नीकु तारापाचो़ माला ओलामका धाली झुनी, हेङालोने माम्‍चु़नीकु सिजेमडा र्‍यामा बु: ‘गुमीका गानालाई बोमु-थार्मु उनी पाह्रीचो़मिमलाई र्‍वामी, मा मेर्मिमका उनी ल्‍वाका गानालाई येम-येमङा झेनामी। मेम्‍मा इमा खेल लुङडला मेथेम्‍सी’।”

मत्ती 4:6 Referans Kwoze

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

२ कोरिन्‍थी 11:14

ओराम इकीमा लागि ङाङाया दु़म्‍बेट्‌पा ल्‍वा मेएँ। शैतान वो ओलडाम पाह्रीचो़ होङङा लिम्‍सिमु चाप्‍सु़।

मत्ती 4:4

येशूका गुलाई र्‍वाम्‍डी, “माम्‍चु़नीकु सिजेमडा र्‍याक्‍मा बु: ‘सो़बेमका कोङङा मु़चु़कु साम जु़ल्‍मु मेचाप्‍सु़, लावो माम्‍चु़नीकु सिलामका लुक्‍पा खोत्‍ले सिजेमका उ साम जु़लु़’।”