मत्ती 4:21 - थुलुङ राई

²¹ येशू मेलामका लक्‍तोङा बेम्‍डिलो जब्‍दियाकु तारापाचो़चिप याकूब नुङ यूहन्‍नालाई ल्‍वाम्‍डी। मेर्चिपका उची पाप जब्‍दियानुङ कुबी-बोक्‍साडला गन्‍तासिसाका उची पालुङ फिर्तोङा बेच्‍ची। येशूका मेर्चिपलाई येट्‌मिडिची,

मत्ती 4:21 Referans Kwoze

मर्कूस 3:17

जब्‍दियाकु चो़चिप याकूब नुङ उमा ल्‍वाक यूहन्‍ना-मेर्चिपकु नङ ‘बोअनर्गेश’ जु़ल्‍मिडी। मेराम र्‍वाक्‍मा बुलु़लु़कु चो़। (बोअनर्गेश: ओराम र्‍वाक्‍मा डोक्‍पु लो़लामका दाला-दाला जेपा)

मत्ती 10:2

मे को-न (१२) थु़र्मामिम ओर्मिमङा सो़: पत्रुस र्‍वाक्‍मा सिमोन ङादो, मेरामकु तारापा ल्‍वाक अन्‍द्रियास, जब्‍दियाकु तारापाचो़ याकूब नुङ याकूबकु ल्‍वाक यूहन्‍ना,

थु़र्मा 12:2

गुका यूहन्‍नाकु वा याकूबलाई कातु़रु़का सेन्‍बेड्‌डु़।

यूहन्‍ना 21:2

सिमोन पत्रुस, दिदुमस र्‍वाक्‍मा थोमा, गालीलडाम काना देलडा बाट्‌पा नथानेल, जब्‍दियाकु नले तारापाचो़चिप, मा नले सीसिपाचिप कोदेप बाम्‍डी।

मर्कूस 5:37

मेकोतिमा येशूका पत्रुस, याकूब नुङ उमा ल्‍वाक यूहन्‍नाडाम वाङमी सु़ वो गुमीनुङ लमु मेग्‍वाक्‍मिवा।

मत्ती 26:37

गुमीका पत्रुस नुङ जब्‍दियाकु तारापाचो़चिप याकूब नुङ यूहन्‍नालाई गुमीनुङङा लम्‍डी। गुमी छो़म मेभ्रम्‍सिट्‌मिवा, मा उनी न-गो खेमल्‍यामु चो़म्‍डु़।

मत्ती 17:1

रुलेम चङडा येशूका पत्रुस, याकूब नुङ उ ल्‍वाक यूहन्‍नालाई कोङङा लम्‍डिमा कोले येप्‍पा पोप्‍चङडला लम्‍डी।

मत्ती 4:20

मेकोतिलोङा मेर्चिपका उची पालुङ डिट्जो़ल्‍ची मा येशूनुङ लाम्‍दिल्‍याट्‌ची।

मत्ती 4:22

मा कुबी-बोक्‍सा नुङ उची पापलाई डिट्जो़ल्‍ची मा येशूकु चङचङ लाम्‍दिल्‍याक्‍ची।