मत्ती 4:13 - थुलुङ राई

¹³ गुमी नासरतथो़ लम्‍डी, मेम्‍मा कफर्नहुम शहरथो़ लम्‍डी। ओराम शहर गालील क्षेत्रडाम दिरिदिन फार्डाम जबूलून नुङ नप्‍तालीकु बायडा बेडु़।

मत्ती 4:13 Referans Kwoze

यूहन्‍ना 4:46

गुमी गालीलथो़ खिर्सिम्‍डिलो काना देलडा रोम्‍डी। मेसिन्‍डा गुमीका कु अङ्‍गूरकु बिलाम बनेम्‍डिम बाइडा। मेसिन्‍डाङा कफर्नहुम देलडा कोले डोक्‍पु मु़चु़ बाइडा। मेरामकु तारापाचो़ छो़म नो़पा बाइडा।

मर्कूस 1:21

येशू नुङ उनी सीसिपामिम कफर्नहुम शहरडा लम्‍डी, मा ङेम्‍सिमुनेम येशू घ्रो़म्‍दीनेमडा लम्‍डिमा सीमु चो़म्‍मिडी।

मत्ती 11:23

ए कफर्नहुम शहरडाम मु़चु़नी, हाम गानी पाह्रीथो़ कोसिन्‍कु र्‍वाक्‍पा मिम्‍नी? गानी ने खादीगोयु़ डन्‍सिनी। हेङालोने गानीगोडा बेउतोम यु़मखारीमिम सदोम शहरडाम मेजो़पा मु़चु़मिमगोडा बेउवा माला मेर्मिम ओम्‍लोसम्‍म वो दु़म्‍मिवा।

यूहन्‍ना 6:59

येशूका ओर्मिम ल्‍वा कफर्नहुम शहरडाम घ्रो़म्‍दीनेमडा सीट्‌मिडिलो र्‍वाम्‍डिम बाइडा।

यूहन्‍ना 6:24

मे सेर्पा मु़चु़का मेसिन्‍डा येशू वो मेल्‍वामिवा मा उनी सीसिपामिम वो मेल्‍वामिवामा कुबी-बोक्‍साडला हुसाका येशूलाई माल्‍तो कफर्नहुम शहरथो़ लम्‍डी।

यूहन्‍ना 6:17

मेम्‍मा कुबी-बोक्‍साडला हुम्‍डिमा दिरिदिन होम्‍बुनोम कफर्नहुम शहरथो़ लाम्‍दिम्‍डी। मेकोतिलो तुकुम्‍चिम दु़म्‍मु दु़म्‍स्‍तु़म बाइडा, मा येशू आथावो मेर्मिमकाडा मेरोक्‍थेङा बाम्‍डी।

यूहन्‍ना 2:12

मेकोतिमा गुमी उनी माम, ल्‍वाकमिम मा उनी सीसिपामिमनुङ कफर्नहुम शहरयु़ लम्‍डी। मेम्‍मा कोलेम नलेम मेसिन्‍डा बाम्‍डी।

मत्ती 17:24

येशू नुङ उनी सीसिपामिम कफर्नहुम शहरडा रोम्‍फाम्‍डिम चङडा सो़रनेमकु कर फक्‍पा मु़चु़मिम रोम्‍डिमा पत्रुसनुङ हिलाबेम्‍डी, “इनी ङाचो़का सो़रनेमकु कर मेसोमी?”

लूका 4:23

येशूका मेर्मिमलाई र्‍वाम्‍डी, “आच्‍छाङा गानी गोलाई ओराम सीसि सो़म्दी र्‍वानी: ‘ए वैद्य, गाना इ त्‍वाका इ त्‍वापलाई ङा सबेडा। कफर्नहुमडा हा-हाम बेन्‍नाम गुकु थो़त्तोको मेराम होप्‍माम हेल्‍लो वो मेल्‍वाम्‍मा खारी आसिन्‍डा इमा शहरडा वो बे’।”

मत्ती 4:14

आरेसाका माम्‍चु़नीलाम-जेपा यशैयाका र्‍वाक्‍ताम ओराम सिजेम रोक्‍थिड्‌डा:

मत्ती 4:15

“जबूलून नुङ नप्‍तालीडाम मु़चु़नी, यर्दन ब्लोकु होम्बुनो नुङ दिरिदिनथो़ बाट्पा, गालीलडाम वाङसामा मु़चु़नी,

मत्ती 9:1

मेकोतिमा येशू कुबी-बोक्‍साडला हुम्‍डिमा दिरिदिनकु होनो होम्‍बुनोम उनी त्‍वाकु शहरथो़ ख्‍लोम्‍सिम्‍डी।

मर्कूस 2:1

कोलेम नलेम चङडा येशू कफर्नहुम शहरडा ख्‍लोम्‍सिम्‍डी, मा गुमी कोङ नेमडा बुमी ए र्‍वाक्‍पा मु़चु़मिमका थो़म्‍डी।

लूका 10:15

ए कफर्नहुमडाम मु़चु़नी, हाम गानी इनी त्‍वाप ङा पाह्रीथो़ कोसिन्‍कु र्‍वाक्‍पा मिम्‍नी? गानी ने खादीयु़ डन्‍सिनी।”