मत्ती 4:11 - थुलुङ राई

¹¹ मेम्‍मा शैतानका गुमीलाई डिट्जो़ल्‍लु़मा लस्‍ता, मा पाह्रीचो़मिम योम्‍डी मा येशूकु चापे-डुपे बेम्‍डी।

मत्ती 4:11 Referans Kwoze

मत्ती 26:53

ख्‍लो़ला सो़म्‍सिमुकाम लागि गो आमा पापनुङ र्‍वामु चापु, मा गुमीका को-न (१२) पल्‍टनडाम वो हापा पाह्रीचो़मिम थु़र्थामी र्‍वाक्‍पा हाम गाना मेचना?

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

लूका 22:43

मेकोतिमा पाह्रीलामका कोले पाह्रीचो़ योक्‍तामा येशूलाई सो ग्‍वाक्‍तु़।

लूका 4:13

शैतानका येशूकु न-छाम्‍मु दु़म्‍स्‍तु़मा उमा लागि येशूकु न छाम्‍मु जो़पा खाप मेरोक्‍थु़मसम्‍म गुमीलाई डिट्जो़ल्‍लु़मा लस्‍ता।

हिब्रू 1:6

लावो खोत्‍लेडाम ङादो गक्‍पा उनीमा तारापाचो़लाई सु़म्‍दिसेरडा थु़र्मिडिलो गुमीका र्‍वाम्‍डी, “माम्‍चु़नीकु खोत्ले पाह्रीचो़मिमका गुमीलाई ङा सेव सान्‍मिनु़।”

यूहन्‍ना 14:30

गानीनुङ जेमु थारी हापा गोनुङ मिबु, हेङालोने ओराम सु़म्‍दिसेरडाम साखामचो़ रोक्‍तोङा लेडु़। मेरामका गोलाई हाम वो बोमु ने मेचाम्‍ङी।

लूका 22:53

हेल्‍लो लोवो गो गानीनुङङा सो़रनेमगोडा बाङडोलो गोलाई मेचु़म्‍ङिनिवा। लावो शैतानकु न होङङा खारी बेपा ओराम इनीमा थारी सो़।”

मर्कूस 1:13

मेसिन्‍डा गुमी शैतानलाम न छाम्‍सित्तो ब्‍ल धु़म नेम बाम्‍डी। मेम्‍लो गुमी सो़ब्‍दीपोमिम नुङ बाम्‍डी, मा पाह्रीचो़मिमका उनी चापे-डुपे बेम्‍डी।

मत्ती 4:6

मेम्‍मा गुमीलाई र्‍वाक्‍ता, “गानी माम्‍चु़नीकु तारापाचो़ माला ओलामका धाली झुनी, हेङालोने माम्‍चु़नीकु सिजेमडा र्‍यामा बु: ‘गुमीका गानालाई बोमु-थार्मु उनी पाह्रीचो़मिमलाई र्‍वामी, मा मेर्मिमका उनी ल्‍वाका गानालाई येम-येमङा झेनामी। मेम्‍मा इमा खेल लुङडला मेथेम्‍सी’।”

१ तिमोथी 3:16

सो़रलोले बेपा मिरो़म-त्‍वारो़मकु थक्‍मा ल्‍वा ने हाङको डोक्‍पु बु: ख्रीष्‍ट उनी त्‍वापङा मिरो़मडा ल्‍वाला सो़म्‍सिम्‍डी, माम्‍चु़नी-पेलका गुमीलाई माम्‍चु़नीकु ङादोडा जो़पा दु़म्‍मिडिम रेम्‍बेम्‍डी, पाह्रीचो़मिमलाम ल्‍वाला सो़म्‍सिम्‍डी, मिनी सामामिमका उनीमा दुथाम थो़म्‍डी, सु़म्‍दिसेरडा मु़चु़मिमका गुमीडा थो़र बेम्‍डी, यु़म-झ्‍वाक्‍सीडा गुमी गेले कोम्‍सिम्‍डी।