मत्ती 4:10 - थुलुङ राई

¹⁰ मेकोतिमा येशूका शैतानलाई र्‍वाम्‍डी, “शैतान, ओलामका लस्‍ल्‍याडा, हेङालोने माम्‍चु़नीकु सिजेमडा र्‍यामा बु: ‘गाना इमा मिप्रङमा माम्‍चु़नीलाई कोङङा डोक्‍पु मिम्‍साका सेव साडा, मा उनीमा कोङङा लाले-पाङके बे’।”

मत्ती 4:10 Referans Kwoze

लूका 4:8

येशूका मेरामलाई र्‍वाम्‍डी, “माम्‍चु़नीकु सिजेमडा र्‍याक्‍मा बु, ‘गाना इमा मिप्रङमा माम्‍चु़नीलाई सेव साडा, मा उनीमा कोङङा लाले-पाङके बे’।”

याकूब 4:7

मेम्‍मिमका इनी त्‍वापलाई माम्‍चु़नीकु ल्‍वाडा जु़ल्‍नी। शैताननुङ क्‍वाल्‍बा बेप्‍डा बक्‍नी, मा मेराम गानीलामका स्‍वामा ल।

१ पत्रुस 5:9

छो़म थो़रलु़पा दु़म्‍निम बानिमा शैतानकु कोर्थो़लाम बक्‍नी, हेङालोने खोत्‍ले सु़म्‍दिसेरडा बाट्‌पा थो़रलु़पा वा-ल्‍वाकमिमका वो आरेप्‍मामङा दु़खा ल्‍वामिम बुमी।

मत्ती 16:23

पत्रुसथो़ ख्‍लोम्‍सिम्‍डी, मा येशूका र्‍वाम्‍डी, “शैतानका बु़मिम होङङा बोमु डिडा। माम्‍चु़नीकु न होङङा बोमु गाना गोलाई भोम्‍मु माल्‍ङिमिम बु। हेङालोने माम्‍चु़नीका मिम्‍मिमिम होङङा गाना मेमिम्‍ना, मु़चु़का मिम्‍मिमिम होङङा मिम्‍ना।”

मर्कूस 1:13

मेसिन्‍डा गुमी शैतानलाम न छाम्‍सित्तो ब्‍ल धु़म नेम बाम्‍डी। मेम्‍लो गुमी सो़ब्‍दीपोमिम नुङ बाम्‍डी, मा पाह्रीचो़मिमका उनी चापे-डुपे बेम्‍डी।

लूका 10:18

गुमीका मेर्मिम मु़चु़लाई र्‍वाम्‍डी, “ब्‍ल्‍याक्‍ची ओपा होङङा पाह्रीलामका शैतान आल्‍स्‍ताम गो ल्‍वाउतो।

लूका 11:18

मेम्‍साकाङा शैतानकु किब्‍दीगोडा उनी त्‍वाप-त्‍वापडा क्‍वाल्‍बा बोमी माला मेरामकु किब्‍दी हेसाका दु़महोम बु? मेमङा लोवो गानी गोलाई बालजिबुलकु यु़मका मुनाङमिम कोल्‍तोङा लेट्‌पु र्‍वाक्‍साका र्‍वानी।

लूका 13:16

अब्राहामकु चो़-चु़सु़मिमगोडाम ओराम मेसेमलाई को-लेत (१८) थसम्‍म शैतानका बथाड्‌डु़म बाइडा। शैतानका बथाड्‌डु़मलाम गु ङेम्‍सिमुनेम फ्‍वासिड्‌डाम हाम मेजो़पा दु़स्‍ता?”

लूका 22:3

मेकोतिमा को-न (१२) सीसिपामिमगोडाम कोले यहूदा इस्‍करियोत र्‍वाक्‍मा मु़चु़गोडा शैतान हुङडा।

लूका 22:31

मेकोतिमा येशूका र्‍वाम्‍डी, “सिमोन, ए सिमोन थो़सा, खारीचो़मिमका उनी जेप्‍सेर स्‍यामिमिम होम्‍साकाङा शैतानका गानीलाई स्‍यामु लागि माम्‍चु़नीनुङ र्‍वाक्‍ताम बु।

यूहन्‍ना 13:27

यहूदाका सो़बेम रङडु़ मेडे उमा न-गोडा शैतान हुङल्‍याड्‌डा। मेम्‍मा येशूका मेरामलाई र्‍वाम्‍डी, “गाना हाम बोमु खाम्‍नामिम, मेराम दाला बे।”

थु़र्मा 5:3

लावो पत्रुसका र्‍वाक्‍ता, “हननिया, हेङा इमा न-गो शैतानलाई ग्‍वाक्‍साका माम्‍चु़नी-पेलनुङ लिमा थेट्‌ना, मा इमा ये-द भ्रेट्‌नाम खउलुङ किचो़ जु़ल्‍सिट्‌ना?

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

१ कोरिन्थी 5:5

मेराम मु़चु़लाई शैतानकु ल्‍वाड्‌डा ग्‍वाक्‍नी। मेम्‍मा मेरामकु छु़ल बेपा मिरो़म ने पुयु़लुनु़ मा ङाचो़का निया बोमिमिमनेम उमा पेल सेल्‍सिनु़।

१ कोरिन्थी 7:5

वोचु़-मोचु़ अम्‍मुडाम उची त्‍वापलाई वाङ मेबोचिनु़। वाङ दु़म्निङा लोवो त्‍वाप-त्‍वापडा मुलु़ बेसाका सो़म्‍दी बोमु लागि कति दु़पा थारीका वाङ दु़म्नी। मेम्‍मा आथावो कोयो बानी, मेएँ माला ने इनी त्‍वापलाई जो़होमका मेजु़ल्‍निमिमका शैतानका गानीलाई छु़ल वाम्बेन्मु चाम्नी।

२ कोरिन्‍थी 2:11

आरेसाका शैतानका गुइलाई फोसो़ आम्‍मु मेल्‍वास्‍नु़, हेङालोने गुइ शैतानकु नडाम मुलु़मिम चडिम बु।

२ कोरिन्‍थी 11:14

ओराम इकीमा लागि ङाङाया दु़म्‍बेट्‌पा ल्‍वा मेएँ। शैतान वो ओलडाम पाह्रीचो़ होङङा लिम्‍सिमु चाप्‍सु़।

२ कोरिन्‍थी 12:7

माम्‍चु़नीका गोलाई रेम्‍बेट्‌ङिडिमिम हेल्‍लो वो मेल्‍वाम्‍मा ल्‍वाका गो डोक्‍पु मेलिसिङुनु़ र्‍वाक्‍साका माम्‍चु़नीका आमा मिरो़मडा चु़ ग्‍वाङ्‌डिमी। ओराम शैतानकु सेलाचो़ बाइडा, ओरामका छो़म आमा थो़मतेर्सु़ मा गोलाई डोक्‍पु लिसिमु मेग्‍वाङी।