मत्ती 3:6 - थुलुङ राई

⁶ मा मेर्मिमका बेम्‍डिम छु़लमिम सो़साका यर्दन ब्‍लोकुडा यूहन्‍नालामका कु-रु़दु़म रम्‍डी।

मत्ती 3:6 Referans Kwoze

थु़र्मा 19:18

थो़रलु़पामिम छो़म सेर्पा मेसिन्‍डा रोम्‍डी, मा मेर्मिमका बेम्‍डिम मेजो़पा खारीमिम खोत्‍ले उनी न-गोलामका मिम्‍सिम्‍डी, मा खोत्‍लेकु ङादोडा सो़म्‍डी।

१ यूहन्‍ना 1:9

गुइ इकीमा छु़लमिम माम्‍चु़नीनुङ सो़इडी माला गुमीका इकीमा छु़ल हेप्‍साक्‍सामी मा मेजो़पा खोत्‍लेडाम छेको-छेको बेसामी। हेङालोने गुमी थो़र लु़इमिम मा जो़पा बेपा बुमी।

हिब्रू 9:10

माम्‍चु़नीलाई ग्‍वाक्‍मा ङादोम बेसी ने पोमु-डुमु नुङ सो़ल्‍सिमु डु़म्‍ला कोङङा सो़। माम्‍चु़नीकु लाले लाम्‍दी मेरोक्‍थु़मसम्‍म मेराम होम्‍साका लाम्‍दिमु लागि मेर्मिम ने मिरो़मकु नियममिम कोङङा बाइडा।

मत्ती 3:11

“गो ने गानीलाई इनी छु़लमिमलाम माम्‍चु़नीडा ख्‍लोसिबेट्‌पा कु-रु़दु़म ग्‍वानिनी, लावो गोडाम चङडा रोक्‍पा मु़चु़ ने गोडाम वो डोक्‍पु यु़मनुङमा बुमी। गो ने उनीमा डु़ल्‍चो़ दु़म्‍साका उनीमा सो़लो़प कुर्मु वो मेघ्रेटपा बुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

हिब्रू 6:2

कु-रु़दु़ममिमकु दुथाम सीसि, मु़चु़मिमडला ल्‍वा जु़ल्‍साका सो़म्‍दी बेपा, सिमुलाम बम्‍गेट्‍पा मा हेल्‍लो लोवो दु़म्‍पा देन्‍देकु दुथाम ने ङादो माम्‍चु़नीडला थो़र लु़न्‍निलोङा सीसिट्‌निम बाइडा। मेम्‍मिमका आरेप्‍माम ल्‍वामिम आथावो गानी सीसिमुमबुमु मेबासी।

कलस्‍सी 2:12

गानी कु-रु़दु़म रन्‍निलो ख्रीष्‍टनुङङा क्‍लु़म्‍सिट्‌निम बाइडा। मेम्‍मा ख्रीष्‍टलाई सिमुलाम फक्‍पा माम्‍चु़नीकु यु़मडा गानी थो़र बेन्‍निमलामका गानी वो ख्रीष्‍टनुङङा बक्‍निम बु।

१ कोरिन्थी 10:2

आरेसाका मेर्मिम खोत्‍लेका मोशाकु चङचङ लाम्‍दिसाका खासे नुङ दिरिदिनडा कु-रु़दु़म रम्‍डी।

थु़र्मा 22:16

मेम्‍मिमका दाला बासा, बकामा कु-रु़दु़म रङा। मेकोतिमा उनीमा नङडा सो़म्‍दी बेमा इमा छु़ल हेप्‍डा।’

थु़र्मा 11:16

मेकोतिमा ङाचो़का आरे र्‍वाम्‍डिम सिजेम आमा नडा रोक्‍ता, ‘यूहन्‍नाका ने कु-रु़दु़म ग्‍वाक्‍तु़मी, लावो गानी माम्‍चु़नी-पेलडाम रु़दु़म ल्‍वानी।’

थु़र्मा 1:5

यूहन्‍नाका ने कु-रु़दु़म ग्‍वाक्‍तु़मी, लावो आनेपकु कोलेम-नलेमका गानी माम्‍चु़नी-पेलकु रु़दु़म रनी।”

लूका 3:16

मेकोतिमा यूहन्‍नाका मेर्मिमलाई सि ख्‍लोक्‍साक्‍तो आरे बु़डु़मी, “गो गानीलाई कु-रु़दु़म ग्‍वानिनी। लावो गोडाम घ्‍ल्‍वापा कोले रोक्‍तोङा बोमी। उनीमा सो़लो़पकु साले फ्रोमु घ्रेट्‌पा वो गो ने मेबुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

मर्कूस 1:5

खोत्‍ले यहूदिया नेब्‍दी नुङ यरूशलेमडाम मु़चु़मिम यूहन्‍नाकाडा लम्‍डी। मेकोतिमा उनी छु़लमिम उनी गोलामका मिम्‍सित्तोङा यूहन्‍नालामका यर्दन ब्‍लोकुडा कु-रु़दु़म रम्‍डी।

१ पत्रुस 3:21

मेराम कुका कु-रु़दु़म रेम्‍बु़, उहेमका गानीलाई सेल्‍नी। ओरामका मिरो़मडाम घ्राम्‍लु़पा तु़ पार्मा होप्‍माम मेएँ, लावो ननुङमाका माम्‍चु़नीडा याचे जेम्‍मा ल्‍वा सो़। ओरामका येशू ख्रीष्‍टकु सिमुलाम बग्‍गेसीलामका गानीलाई सेल्‍नी।

याकूब 5:16

मेम्‍मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्‍वाका बेन्‍निम छु़लकु दुथाम सो़बेनिमा सो़म्‍दी बेनी, मेम्‍मा गानी सनी। माम्‍चु़नीकु न होम्‍साका दोपा मु़चु़कु सो़म्‍दीका छो़म डोक्‍पु खारी बु़।

लूका 1:16

गुका हापा इस्राएलीमिमलाई मेर्मिमकु माम्‍चु़नीथो़ ख्‍लोकु़मी।