मत्ती 3:2 - थुलुङ राई

² “छु़ललाम ख्‍लोन्‍सिट्‌नी, हेङालोने पाह्री-किब्‍दी रोम्‍फामुङा खाप्‍डु़म बु।”

मत्ती 3:2 Referans Kwoze

मत्ती 4:17

मेम्‍लो आथाम येशूका आरे र्‍वाक्‍तो जो़पा-सेला थो़बेन्‍मु चो़म्‍मिडी, “इनी छु़लमिमलामका माम्‍चु़नीडा ख्‍लोन्‍सिट्‌नी, हेङालोने पाह्री-किब्‍दी फार्डाङा रोक्‍फाड्‌डाम बु।”

मर्कूस 1:15

गुमीका र्‍वाम्‍डी, “थारी रोम्‍फामु दु़म्‍स्‍तु़म बु, मा माम्‍चु़नीकु किब्‍दी वो फार्डा ङा रोक्‍फाड्‌डाम बु। मेम्‍मिमका इनी न ख्‍लोनी, मा जो़पा-सेलाडा थो़र लु़नी।”

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

मत्ती 6:10

इनीमा किब्‍दी रोनु़, इनीमा न पाह्रीला हेप्माम बु, मेम्‍साकाङा ओराम सुबुडा वो रोथिनु़।

२ कोरिन्‍थी 7:10

माम्‍चु़नीकु न होम्‍साका न नो़ माला ने ओरामका मु़चु़लाई सेल्‍सिमु लागि उमा छु़ललाम माम्‍चु़नीडा ख्‍लोबेडु़। मेम्‍मिमका ओरामका सु़लाई वो मेखोर्सेडु़। लावो सु़म्‍दिसेरडाम ल्‍वाका न नो़ माला ओरामका सिमुलाम रेडु़।

मत्ती 10:7

मा मेर्मिमकाडा लनिलो ‘पाह्री-किब्‍दी फार्डाङा रोक्‍फाड्‌डाम बु’ र्‍वाक्‍निमा थो़बेट्‌नी।

थु़र्मा 3:19

मेम्‍मिमका इनीमा छु़ल न-गोलामका मिम्‍सिट्‌निमा ख्‍लोन्‍सिट्‌नी, मा इनीमा छु़ल हेम्‍सिनु़। मेकोतिमा इनीमा गेर्सिमु थारी माम्‍चु़नीलाम रोनु़,

लूका 15:10

गो गानीलाई र्‍वाङु, आरेसाका उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला माम्‍चु़नी नुङ पाह्रीचो़मिम गेर्सिद्‌वामी।”

लूका 13:3

गो गानीलाई र्‍वाङु, मेम ने मेएँ सो़, इनी छु़लमिम इनी न-गोलामका मिम्‍सिसाका माम्‍चु़नीडा मेख्‍लोन्‍सिट्‌निवा माला गानी वो खोत्‍ले मेम्‍साकाङा पुयु़लुनी।

लूका 11:20

लावो गो माम्‍चु़नीकु यु़मका मुनाङपेल कोलु़ माला गानीगोडा माम्‍चु़नीका साखाम थो़पा थारी रोक्‍ल्‍याड्‌डाम बु।

२ पत्रुस 3:9

ङाचो़का याचे जेम्‍डिमडा गुमी छु़मी र्‍वाक्‍पा याङ-याङकु थेसिथेसी होङङा ङाचो़ मेछु़मी। सु़ वो पुयु़मेलुमिनु़, लावो खोत्‍लेका मेजो़पा खारी बोमु डिन्‍मिनु़मा गुमीडा ख्‍लोम्‍सिमिनु़ र्‍वाक्‍साका गुमीका गानीलाई इम्‍साका लम्‍थामी।

थु़र्मा 17:30

ङादोम थारीबिलि गुइ माम्‍चु़नीलाई मेचक्‍साका मेथेसाका बिइडिम ल्‍वाडा माम्‍चु़नीका न मेसोक्‍मिवा। लावो गुमीका आथा ने खोत्‍लेथो़ बाट्‌पा खोत्‍ले मु़चु़मिमलाई उनी छु़लमिमलामका ख्‍लोसिमिनु़ र्‍वाम्‍डिम बु।

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

थु़र्मा 2:38

पत्रुसका मेर्मिमनुङ र्‍वाक्‍ता, “इनी छु़लमिम इनी नगोलामका ङा मिम्‍सिट्‌निमा ख्‍लोन्‍सिट्‌नी, मा इनी छु़ल हेम्‍मु येशू ख्रीष्‍टकु नङडा गानी खोत्‍लेका कु-रु़दु़म रनी। मेकोतिमा गानी राप्लावा ल्‍वानी, मेराम ने माम्‍चु़नी-पेल सो़।

लूका 6:20

मेकोतिमा गुमीका उनी सीसिपामिमथो़ रेप्‍तो र्‍वाम्‍डी: “इनी हाम वो मेबाट्‌पा मु़चु़नी गानी आलाकाम सो़, हेङालोने माम्‍चु़नीकु किब्‍दी इनीमा ङा सो़।

मत्ती 13:52

मेकोतिमा गुमीका मेर्मिमलाई र्‍वाम्‍डी, “पाह्री-किब्‍दीकु दुथाम सीसिपा डु़म्‍ला सीपा खोत्‍ले मु़चु़ कोले नेमहप होप्‍मामङा सो़, उहेमका उ छेदेनेमलामका माकेम नुङ हापा थिकाम लाले सोजाम ख्‍लुकु़मी।”

मत्ती 13:47

“पाह्री-किब्‍दी दिरिदिनगोयु़ ओप्‍मा पालुङ होप्‍मामङा सो़। मेगोडा खोत्‍ले खालकाम ङोमिम हुम्‍सिमी।

मत्ती 13:33

येशूका आथावो मेर्मिमलाई कोङमी सीसि-सो़म्‍दी र्‍वाम्‍डी, “पाह्री-किब्‍दी लङखाम होप्‍मामङा सो़। मेराम लङखाम कोले मेसेमका सो़बेम चामु लागि न-ङोले (२५) किलोग्राम फुलडा ङोल्‍लु़। मे खोत्‍ले फुलङा लङखामका लिस्‍तु़।”

मत्ती 12:41

निया दु़म्मिम नेम निनवे शहरडाम मु़चु़मिम आथामबिलिम मु़चु़मिमकु कोर्थो़लाम बमी, मा मुमा बेन्‍मी। हेङालोने योनाका माम्‍चु़नीकु सिजेम थो़बेड्‌डु़मिलो मेर्मिम उनी छु़ललाम माम्‍चु़नीडा ख्‍लोम्‍सिम्‍डिम बाइडा। लावो ओराम चनी, योनाडाम वो डोक्‍पु कोङनिम आसिन्‍डा बु।

२ तिमोथी 2:25

मा उमा कोर्थो़लाम बक्‍पामिमलाई याक्‍के दु़म्‍साका थेसिथेन्‍बेट्‌पा दु़म्‍मु बासी। मेकोतिमा माम्‍चु़नीका मेर्मिमकु न-गो ख्‍लोम्‍साट्‌मिमा मेर्मिमका आच्‍छाङाकाम ल्‍वाडा थो़र लु़मी डे,

कलस्‍सी 1:13

गुमीका गुइलाई तुकुम्‍चिम गोडा साखाम थो़पा शैतानकु किब्‍दीलामका गेसाका ख्‍लुक्‍साड्‌डामी मा उनीमा द्‌वादीबुङ तारापाचो़कु किब्‍दीगोडा रेसाड्‌डामी।

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

लूका 15:7

गो गानीलाई र्‍वाङु, मेम्‍साकाङा उनी छु़ल न-गोलामका मिम्‍सिमुमा माम्‍चु़नीडा ख्‍लोम्‍सिमु मेबासिक्‍पा माम्‍चु़नीकु मिक्‍सीलामडा जो़पा मिम्‍सिक्‍पा गु-गुले (९९) मु़चु़मिमडाम वो उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला खोत्‍ले छो़म गेर्सिट्‌मी।

लूका 13:5

मेम ने मेएँ सो़, गो गानीलाई आथावो र्‍वाङु, इनी छु़लमिम न-गोलामका मिम्‍सिसाका माम्‍चु़नीडा मेख्‍लोन्‍सिट्‌निवा माला गानी वो मेम्साका ङा पुयु़लुनी सो़।”

लूका 9:2

मा खोत्‍ले मु़चु़मिमलाई माम्‍चु़नीकु किब्‍दीकु दुथाम थो़बेड्‌डा नुङ नो़पा मु़चु़मिमलाई सबेड्‌डा थु़र्मिडी।

मर्कूस 6:12

मेकोतिमा मेर्मिम लम्‍डिमा मु़चु़मिम उनी छु़ललामका ख्‍लोसिमिनु़ र्‍वाक्‍तो जो़पा-सेला सो़मु चो़म्‍मिडी।

मर्कूस 1:4

मेम्‍साका यूहन्‍ना कु-रु़दु़म ग्‍वाक्‍तोङा र्‍याङगो-र्‍याङगोडा ल्‍वाला सो़सिड्‍डा। “खोत्‍ले इनी छु़ललामका ख्‍लोसिट्‌नी, मा माम्‍चु़नीका इनी छु़ल हेम्‍मी” र्‍वाक्‍तोङा मु़चु़मिमलाई सीड्‌डु़मी।

मत्ती 5:10

माम्‍चु़नीकु जो़पा खारी बोमिमिमका उनी थो़मतेर्ला सो़सिक्‍पामिम जिनुङमा सो़, हेङालोने पाह्री-किब्‍दी मेर्मिमकामङा सो़।

मत्ती 5:3

“न-गोलाम माम्‍चु़नीकु ख्‍लो़सी माल्पामिम जिनुङमा सो़, हेङालोने पाह्री-किब्‍दी मेर्मिमकामङा सो़।

रेम्‍बेट्‌मिडिम ल्‍वा 2:21

गो गुलाई माम्‍चु़नीथो़ ख्‍लोम्‍सिमु जो़पा थारी ग्‍वाक्‍तो, लावो गुका वाङमिम वोस्‍चो़नुङ अम्‍मु डिन्‍मु न मेबु़वा।

मत्ती 13:31

येशूका मेर्मिमलाई कोङमी सीसि-सो़म्‍दी र्‍वाम्‍डी, “पाह्री-किब्‍दी कोले मु़चु़का उ येडा फोड्‌डु़म रायाकु भ्रल होप्‍मामङा सो़।

मत्ती 13:11

गुमीका मेर्मिमलाई र्‍वाम्‍डी, “माम्‍चु़नीकु किब्‍दी हाम र्‍वाक्‍साका आच्‍छाङा छेपा सामा गानीलाई ने ग्‍वाक्‍मा बु, लावो वाङमिमलाई ने ग्‍वाक्‍मा मिबु।

मत्ती 6:33

ङादो माम्‍चु़नीकु किब्‍दी माल्‍नी, मा उनी ङादोडा जो़पा खारी बेनी। मेम्‍मा ओर्मिम खोत्‍ले ल्‍वामिम गुमीका गानीलाई ग्‍वानी।

रेम्‍बेट्‌मिडिम ल्‍वा 2:5

मेम्‍मिमका गाना बालामका धाली आल्‍सिट्‍नाम बु मेराम मिम्‍डा, मा माम्‍चु़नीथो़ ख्‍लोसा, मा ङादो बेन्‍नाम होङङा बे। गाना मेमका मेख्‍लोन्‍सिट्‌नावा माला गो इमाडा रोङुमा इमा धिप्‍री चाखोपलाई उ खोमलामका होनोवा बेउ।

हिब्रू 6:1

मेम्‍मिमका ख्रीष्‍टकु दुथाममिम ङादो सीसिट्‍मा याक्‍केतो ल्‍वामिम डिसाका उनीमा दुथाममिम ल्‍वा थेट्‌पा नुङ बोमु चापा दु़म्‍नी। सिमुथो़ लक्‍पा खारीलाम ख्‍लोसिक्‍पा ल्‍वा,

थु़र्मा 26:20

ङादो दमस्‍कसडा, मा यरूशलेमडा मा खोत्‍ले यहूदिया नेब्‍दीडा बाट्‌पामिमलाई, मा वाङसामामिमलाई वो इनीमा छु़ल इनीमा न-गोलामका मिम्‍सिट्‌निमा माम्‍चु़नीडा ख्‍लोन्‍सिट्‌नी, मा मेराम ल्‍वा इनीमा खारीडा रेम्‍बेनी बेउतोमी।

मत्ती 22:2

“पाह्री-किब्‍दी ने उ तारापाचो़कु लालीकुन्‍दाकाम ग्रुला खोक्‍पा कोले हप होप्‍माम सो़।

मत्ती 25:1

“पाह्री-किब्‍दी ने धिप्‍रीमिम कुर्साका लारेपालाई क्रो़म्‍डा लक्‍पा को धु़म (१०) कन्‍या मेसेममिमकु ल्‍वा होप्‍माम सो़।

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

मत्ती 20:1

“पाह्री-किब्‍दी उ अङ्‍गूर येडा खारी बेपा मु़चु़मिम भ्रेमु लागि नेमसोसोकाङा लक्‍पा ये-दकु मु़चु़ होप्‍माम सो़।

मत्ती 18:23

“मेम्‍मिमका पाह्री-किब्‍दी ने कोले हप होप्‍मामङा सो़, उहेमका उ खारी बेपा मु़चु़मिमलामका उ जेर फमु न बु़डु़।

मत्ती 11:20

मेकोतिमा येशूका हापा यु़मखारीमिम बेम्‍डिम शहरमिमकु कोर्थो़लाम जेम्‍डी। हेङालोने मेर्मिमका उनी छु़लमिम मिम्‍सिसाका ख्‍लोम्‍सिम्‍डिम मेबायावा।

लूका 21:31

मेम्‍साकाङा ओर्मिम ल्‍वा दु़म्‍मु चो़म्‍डु़मिम ल्‍वानिलो माम्‍चु़नीकु किब्‍दी रोमुङा खाप्‍सु़ र्‍वाक्‍साका चनी।

लूका 16:30

“खाप्‍चीचो़का अब्राहामनुङ र्‍वाक्‍ता, ‘मेएँ कुर्चाङ बेब अब्राहाम, सिमुलाम बक्‍साका कोङनिम मेर्मिमकाडा लमी माला कोङङा मेर्मिमका उनी छु़ल न-गोलामका मिम्‍सिसाका माम्‍चु़नीडा ख्‍लोम्‍सिमी।’

मत्ती 25:14

“पाह्री-किब्‍दी ने दोलेन्डा लक्‍पा कोङ मु़चु़का डु़ल्‍चो़मिमलाई उमा खाप्चीमिम पार्जो़ल्साका लक्‍पा होप्माम सो़।

मत्ती 13:24

येशूका मेर्मिमलाई आथावो कोङमी सीसि-सो़म्‍दी र्‍वाम्‍डी, “पाह्री-किब्‍दी ने येडा जो़पा भ्रल फोडु़मिम कोले मु़चु़ होप्‍मामङा बु।

मत्ती 4:23

येशूका घ्रो़म्‍दीनेममिमबाडे सीत्तो नुङ माम्‍चु़नीकाम किब्‍दीकु दुथाम जो़पा-सेला थो़बेत्तो, मा खोत्‍ले खालकाम सोमोरी नुङ नो़पा मु़चु़मिमलाई सबेत्तो गालीलडाम खोत्‍लेथो़ खिर्सिम्‍डी।

लूका 1:16

गुका हापा इस्राएलीमिमलाई मेर्मिमकु माम्‍चु़नीथो़ ख्‍लोकु़मी।