मत्ती 3:11 - थुलुङ राई

¹¹ “गो ने गानीलाई इनी छु़लमिमलाम माम्‍चु़नीडा ख्‍लोसिबेट्‌पा कु-रु़दु़म ग्‍वानिनी, लावो गोडाम चङडा रोक्‍पा मु़चु़ ने गोडाम वो डोक्‍पु यु़मनुङमा बुमी। गो ने उनीमा डु़ल्‍चो़ दु़म्‍साका उनीमा सो़लो़प कुर्मु वो मेघ्रेटपा बुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

मत्ती 3:11 Referans Kwoze

लूका 3:16

मेकोतिमा यूहन्‍नाका मेर्मिमलाई सि ख्‍लोक्‍साक्‍तो आरे बु़डु़मी, “गो गानीलाई कु-रु़दु़म ग्‍वानिनी। लावो गोडाम घ्‍ल्‍वापा कोले रोक्‍तोङा बोमी। उनीमा सो़लो़पकु साले फ्रोमु घ्रेट्‌पा वो गो ने मेबुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

थु़र्मा 1:5

यूहन्‍नाका ने कु-रु़दु़म ग्‍वाक्‍तु़मी, लावो आनेपकु कोलेम-नलेमका गानी माम्‍चु़नी-पेलकु रु़दु़म रनी।”

तीतस 3:5

मा गुइ बिइडिम जो़पा खारीका ने मेएँ, माम्‍चु़नीकु न-थो़मका सेल्‍साड्‌डामी। गुमीका इकीमा छु़लमिम हेप्‍साड्‌डामी, मेम्‍मा उनीमा पेलका लाले त्‍वारो़म ग्‍वाक्‍साका लाले मु़चु़ दु़म्‍बेसाड्‌डामी।

१ कोरिन्थी 12:13

गुइ यहूदी लोवो ग्रीक लोवो, डु़ल्‍चो़ लोवो त्‍वाकु साखाम गोडा बाट्‍पा लोवो गुइ कोलेङा माम्‍चु़नी पेललामका कोले मिरो़मडा कु-रु़दु़म रङ्‌डिम बु। मेम्‍मा गुइ खोत्‍लेका कोलेङा माम्‍चु़नी-पेल ल्‍वास्‍तिम बु।

मत्ती 3:6

मा मेर्मिमका बेम्‍डिम छु़लमिम सो़साका यर्दन ब्‍लोकुडा यूहन्‍नालामका कु-रु़दु़म रम्‍डी।

थु़र्मा 19:4

पावलका र्‍वाक्‍ता, “यूहन्‍नाका ग्‍वाक्‍तु़मिम कु-रु़दु़म ने छु़लमिम न-गोलाम मिम्‍सिक्‍साका माम्‍चु़नीडा ख्‍लोक्‍पा रु़दु़म बाइडा। यूहन्‍नाका मु़चु़मिमलाई उ त्‍वापडाम चङडा रोक्‍पाडा थो़र लु़नी बु़डु़मिम येशूडा सो़।”

लूका 1:17

गुका त्‍वारो़मडा नुङ यु़मका एलिया होप्‍मामङा दु़म्‍साका ङाचो़डाम ङादो यो, मा उनीमा लाम्‍दी बनेबु़। गुका पाप नुङ चो़मिम दु़बेडु़मी, मा र्‍वाकिमिम मेथो़पामिमलाई माम्‍चु़नीका र्‍वामिमिम थो़पा मु़चु़कु नेप्‍चीथो़ ख्‍लोकु़मी। आरेसाका गुका ङाचो़कु मु़चु़मिमलाई उनीमा लागि ङा झो़म्‍सिबेट्‌जो़लु़मी।”

यूहन्‍ना 1:30

‘गोडाम चङडा कोले मु़चु़ रोमी, गोडाम गुमी डोक्‍पु बुमी, हेङालोने गोडाम गुमी ङादो आथामङा बाम्‍डी’ र्‍वाङडोम गुमीङा सो़।

मर्कूस 1:4

मेम्‍साका यूहन्‍ना कु-रु़दु़म ग्‍वाक्‍तोङा र्‍याङगो-र्‍याङगोडा ल्‍वाला सो़सिड्‍डा। “खोत्‍ले इनी छु़ललामका ख्‍लोसिट्‌नी, मा माम्‍चु़नीका इनी छु़ल हेम्‍मी” र्‍वाक्‍तोङा मु़चु़मिमलाई सीड्‌डु़मी।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

१ पत्रुस 5:5

मेम्‍साकाङा स्‍वालानी, गानी ङावामिमकु साखामगोयु़ बानी। गानी खोत्‍ले त्‍वाप-त्‍वापडा ख्‍लो़या-बाया बेबोमु छो़म याक्‍के दु़म्‍नी। “डोक्‍पु लिसिक्‍पा मु़चु़कु कोर्थो़लाम माम्‍चु़नी बमी, लावो याक्‍के दु़म्‍पामिमडला न-थो़म रेम्‍बोमी।”

यूहन्‍ना 1:15

कु-रु़दु़म ग्‍वाक्‍पा यूहन्‍नाका उनीमा दुथाम सो़त्तो डोक्‍पु लो़लामका र्‍वाक्‍ता, “‘गोडाम चङडा रोक्‍तोङा बेपा मु़चु़ गोडाम डोक्‍पु बुमी, हेङालोने गुमी गोडाम ङादो आथामङा बाम्‍डी’ र्‍वाङडोम मेराम गुमीङा सो़।”

लूका 3:3

यूहन्‍नाका यर्दन ब्‍लोकुकु होनो-आथो़म देलबाडेम मु़चु़मिमलाई आरे र्‍वाक्‍तो थो़बेन्‍मु चो़म्‍डु़, “माम्‍चु़नीथो़ ख्‍लोन्‍सिट्‌निमा कु-रु़दु़म रनी। मेकोतिमा माम्‍चु़नीका इनीमा छु़लमिम हेम्‍सानिमी।”

थु़र्मा 8:36

मेर्चिप लाम्‍दीडा लक्‍तोङा बेच्‍चिलो कु बाट्‌पाडा रोक्‍फाट्‌ची। मेकोतिमा मे नपुंसकका र्‍वाक्‍ता, “रेप्‍नी, आसिन्‍डा कु बु रेछा। गोलाई कु-रु़दु़म रमु सु़का भोम्‍मु चाम्‍ङी मा?”

थु़र्मा 8:38

मेकोतिमा मे नपुंसकका रथ थो़पालाई ङेसिबेबेड्‌डु़, मा फिलिप नुङ मे नपुंसक निफिङा कु बाट्‌पायु़ लक्‍ची, मा मेरामका नपुंसकलाई कु-रु़दु़म ग्‍वाक्‍तु़।