मत्ती 27:4 - थुलुङ राई

⁴ मेम्‍मा र्‍वाक्‍ता, “हाम वो मेख्‍लो़ट्‌पा मु़चु़लाई भ्रेसाका गो छु़ल बेउतो।” मेर्मिमका र्‍वाम्‍डी, “मेराम आकीमा लागि हाम मा? गानाङा चना।”

मत्ती 27:4 Referans Kwoze

१ यूहन्‍ना 3:12

कयिन होप्‍माम मेदु़म्‍नी, गु शैतानकाम बाइडा, मा उमा ल्‍वाक सेड्‌डु़। गुका हेङा उमा ल्‍वाक सेड्‌डु़? हेङालोने कयिनका हाम बु़डु़ मेराम रु़चो़काम बाइडा मा उमा ल्‍वाकका बु़डु़म ने जो़पा न-गोनुङमाकाम बाइडा।

१ पत्रुस 1:19

लावो हाम वो मेख्‍लो़ट्‌पा नुङ मेजो़पा हाम वो मेबाट्‌पा भेन्‍दाचो़ होप्‍माम ख्रीष्‍टकु हापा थिकाम सिसिका भ्रेसाका माम्‍चु़नीका गानीलाई फ्‍वाक्‍निमिम सो़।

हिब्रू 7:26

मेम्‍मिमका गुइ चाहेबिइमिम डोक्‍पु डु़म्‍लाचो़ ने येशू ङा सो़। गुमी सेपा, हाम वो मेख्‍लो़ट्‌पा, छु़ल मान्‍थिम बुमी, मा गुमी छु़लचो़मिमडाम वाङ दु़म्‍साका खोत्‍लेडाम गेले पाह्रीला कोसिक्‍पा बुमी।

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

१ तिमोथी 4:2

लिमा थेट्‌पा मु़चु़मिमकु न घ्रु़पा सेलका घ्रु़डामा मिनी मिक्‍सीलामडा जो़पा लिसिक्‍पा रेम्‍बेसाका वायम डमी।

रोमी 3:19

डु़म्‍लागोडाम ल्‍वा ने डु़म्‍लाका र्‍वामिम थो़पा मु़चु़मिमकाम लागि र्‍वाक्‍साका गुइ चडिम बु। मेम्‍मिमका खोत्‍ले मु़चु़मिमकु सि ड्‍यासी मा सु़म्‍दिसेरडाम मु़चु़मिमलाई माम्‍चु़नीकु ङादोडा येम्‍सिबेन्‍मी।

थु़र्मा 13:28

येशू सेन्‍मु बासिट्‌पा ल्‍वा मेर्मिमका हाम वो मेडार्मिवा, लावो गुमीलाई सेन्‍मु ङा बासी र्‍वाक्‍साका पिलातसनुङ र्‍वाम्‍डिम-र्‍वाम्‍डिम बेम्‍डी।

यूहन्‍ना 19:7

यहूदीमिमका र्‍वाम्‍डी, “आकीमा कोले डु़म्‍ला बु, मेराम होम्‍साका ओराम मु़चु़ सिमुङा बासी, हेङालोने गु माम्‍चु़नीकु तारापाचो़ र्‍वाक्‍साका उ त्‍वाकाङा र्‍वाक्‍ताम बु।”

लूका 23:47

ओर्मिम खोत्‍ले ल्‍वास्‍तु़मा रोमी सिपाहीमिमकु कप्‍तानका माम्‍चु़नीकु नङ कोक्‍तो र्‍वाक्‍ता, “आच्‍छाङा ओराम माम्‍चु़नीकु न-गो होप्‍माम मु़चु़ बाइडा।”

लूका 23:41

गुची ने ख्‍ल्‍याम्‍या बेच्‍चिमका सिमु घ्रेट्‌पाङा बुची, लावो गुमीका ने आरेप्‍माम मेजो़पा खारी ने हाम वो बेम्‍डिम मिबु।”

लूका 23:22

पिलातसका मेर्मिमलाई सुकखेपडा हिलाबु़डु़, “हेङा? येशूका हाम मेजो़पा खारी बु़डु़म बु? ओरामलाई सेन्‍मु बासिक्‍पा मेजो़पा ल्‍वामिम ने हाम वो मेडारुवा। मेम्‍मिमका गो ओरामलाई कोक्‍तेकु रिवाका यालुमा डिसोक्‍पु।”

मत्ती 27:54

येशूलाई लपाम बाट्‌पा कप्‍तान नुङ सिपाहीमिमका सुबुरुक्‍सी लस्‍ताम नुङ मेसिन्‍डा दु़स्‍ताम खोत्‍ले ल्‍वाम्‍डिमा छो़म ङिम्‍डी। मेम्‍मा मेर्मिमका र्‍वाम्‍डी, “आच्‍छाङा ओराम ने माम्‍चु़नीकु चो़ङा बाइडाम रेछा।”

मत्ती 27:19

निया बेपा गन्‍खोपडा पिलातस गन्‍तासिट्‍डालो उमा नाइमेका आरे र्‍वाक्‍पा सेला थु़र्स्‍तु़, “हाम वो मेख्‍लो़ट्‌पा मेराम मु़चु़लाई हे वो मेबेनी, हेङालोने बासिन्‍था गो उमा दुथाम ङिमा म्‍वात्तोमा छो़म दु़खा ल्‍वाउतोम बु।”

रेम्‍बेट्‌मिडिम ल्‍वा 11:10

सुबुडा बाट्‌पा मु़चु़मिम ओर्चिप सिच्‍चिमका भ्रम्‍सिमी मा कोरमा थु़र्बेबेसाका गेर्सिमी। हेङालोने सुबुडा बाट्‌पामिमलाई माम्‍चु़नीलाम जेपा ओर्चिपका दु़खा ग्‍वाक्‍चिमिम बाइडा।