मत्ती 26:53 - थुलुङ राई

⁵³ ख्‍लो़ला सो़म्‍सिमुकाम लागि गो आमा पापनुङ र्‍वामु चापु, मा गुमीका को-न (१२) पल्‍टनडाम वो हापा पाह्रीचो़मिम थु़र्थामी र्‍वाक्‍पा हाम गाना मेचना?

मत्ती 26:53 Referans Kwoze

मत्ती 4:11

मेम्‍मा शैतानका गुमीलाई डिट्जो़ल्‍लु़मा लस्‍ता, मा पाह्रीचो़मिम योम्‍डी मा येशूकु चापे-डुपे बेम्‍डी।

लूका 8:30

येशूका मेरामलाई “इमा नङ हाम?” र्‍वाम्‍डिमा हिलाबेम्‍डी। मेरामका र्‍वाक्‍ता, “फौज।” हेङालोने गुलाई सेर्पा मुनाङपेलमिमका हुप्‍मिडिम बाइडा।

यहूदा 1:14

आदमडाम येतले पुस्‍ताडाम हनोकका वो माम्‍चु़नीलाम-जेस्‍ताम बाइडा। गुका र्‍वाक्‍ता, “रेप्‍नी, ङाचो़ छो़म सेर्पा सेपा उनी पाह्रीचो़मिमनुङ योक्‍तोङा लेन्‍मी,

२ थेसलोनिकी 1:7

मेम्‍मा यु़मनुङमा उनी पाह्रीचो़मिमनुङ ङाचो़ येशू रेम्‍बेम्‍सिमिलो गानी दु़खा ल्‍वापामिमकाम न-भ्रसी बेन्‍मी मा आकीमा वो न-भ्रसी बेन्‍मी।

मत्ती 25:31

“मिनीचो़ खोत्‍ले पाह्रीचो़मिमनुङ उ यु़म-झ्‍वाक्‍सीडा यो, मा हप दु़ममा डोक्‍पु उ गन्‍खोपडा गन।

मर्कूस 5:9

गुमीका मेरामलाई, “इमा नङ हाम?” र्‍वाम्‍डिमा हिलाबेम्‍डी। मेरामका र्‍वाक्‍ता, “आमा नङ फौज, हेङालोने गुकु छो़म सेर्पा बुकु।”

मर्कूस 5:15

मेर्मिम येशूकाडा रोम्‍फाम्‍डिलो मे मुनाङपेलनुङमा मु़चु़, उहेमनुङ ङादो छो़म सेर्पा मुनाङमिम बाम्‍थाल्‍मिडिम बाइडा, मेराम मु़चु़ ये फतासिड्‌डामा उ ननुङमा ङा गन्‍तासिट्‌पा ल्‍वाम्‍डी। मेम्‍मिमका मेर्मिम छो़म ङिम्‍डी।

यूहन्‍ना 10:18

सु़का वो गोलाम आमा साम रमु मेचाप्‍सु़। गो आमा त्‍वाकु नका आ त्‍वापलाई सासेट्‌पु। हेङालोने आ त्‍वापलाई सासेट्‌पा नुङ आथावो बम्‍गेमु आमा मुलु़गोडा बु। आमा पापका आरे बोमु गोलाई बेबेट्‌ङिडिमिम बु।”

यूहन्‍ना 18:36

येशूका र्‍वाम्‍डी, “आमा किब्‍दी ओराम सु़म्‍दिसेरडाम मेएँ। आमा किब्‍दी सु़म्‍दिसेरडाम माला ने आमा डु़ल्‍चो़मिमका आमा लागि क्‍वाल्‍बा बेमिवा, मा यहूदीमिमकु ल्‍वाडा गो मेचु़म्‍सिङुवा। लावो आमा किब्‍दी ओराम सु़म्‍दिसेरडाम मेएँ।”