मत्ती 26:42 - थुलुङ राई

⁴² आथावो येशू नखेपडा लम्‍डिमा सो़म्‍दी बेम्‍डी, “आमा पाप, गो ओराम मेडुथु़म मेनु़ङा माला इनीमा न होम्‍साका दु़म्‍नु़।”

मत्ती 26:42 Referans Kwoze

मत्ती 26:39

गुमी किचो़ होनोक्‍थो़ लम्‍डिमा खुम्‍बु बेसाका आरे र्‍वाक्‍तो सो़म्‍दी बेम्‍डी, “आमा पाप, नु़ माला ओराम दु़खाकु कान्‍चु़रे गोलामका हेमसाङनी। लावो आमा न होम्‍साका ने मेएँ, इनीमा न होम्‍साका बेनी।”

हिब्रू 4:15

इकीमा खोत्‍लेडाम डोक्‍पु ङाउ डु़म्‍लाचो़ इकी मेचाप्‍सीडा रेम्‍मु मेचाम्‍निनी र्‍वाक्‍पा मेबुमी। गुइ होम्‍साकाङा गुमी वो खोत्‍ले ल्‍वाडा न-छाम्‍ला सो़म्‍सिम्‍डिम बाइडा। लावो गुमीका ने छु़ल मेबेमिवा।

मत्ती 6:10

इनीमा किब्‍दी रोनु़, इनीमा न पाह्रीला हेप्माम बु, मेम्‍साकाङा ओराम सुबुडा वो रोथिनु़।

मत्ती 20:22

लावो येशूका मेर्चिपलाई र्‍वाम्‍डी, “गाची हाम बेत्तोङा लेन्‍ची, मेराम मेचची। गो डुमु खापुमिम मेभ्रपा दु़खाकु कान्‍चु़रेलामका हाम गाची डुमु चाम्‍ची मा?” मेर्चिपका र्‍वाक्‍ची, “चाम्‍चुकु।”

मत्ती 26:43

गुमी उनी सीसिपामिमकामथो़ ख्‍लोम्‍सीम्‍डिमा रोम्‍डिलो मेर्मिमलाई अम्‍चेट्‌पाङा डार्मिडी, हेङालोने उनी अमका मेर्मिम उनी मिक्‍सी ह्‌वामु मेचापा बाम्‍डी।

मर्कूस 14:36

मेकोतिमा गुमीका र्‍वाम्‍डी, “अब्‍बा, पाआ, गानी बोमु मेचाम्‍निमिम हाम वो मिबु। ओराम कान्‍चु़रे गोलामका हेम्‍साङ्‍नी, लावो गो न बेउमिम होम्‍साका मेएँ इनी न होम्‍साका ङा दु़म्‍नु़।”

लूका 22:42

मा गुमीका र्‍वाम्‍डी, “ए माम्‍चु़नी पाआ, गानी न बोनी माला ओराम दु़खाकु कान्‍चु़रे गोलामका हेम्‍साङ्‍नी। लावो आमा न होम्‍साका मेएँ, इनी न होम्‍साका बेनी।”

यूहन्‍ना 6:38

गो आमा न होङङा बेप्‍डा मेएँ, माम्‍चु़नीका न बोमिमिम होम्‍साका खारी बेप्‍डा पाह्रीलामका योङडोम।