मत्ती 26:41 - थुलुङ राई

⁴¹ चङचङया बानी, मा मेजो़पा ल्‍वाका इनीमा न मेछाम्‍सिनु़ र्‍वाक्‍साका सो़म्‍दी बेनी। आच्‍छाङा इनीमा न-गोका ने बोमु मालु़, लावो मिरो़मङा मेचापा बु।”

मत्ती 26:41 Referans Kwoze

लूका 22:46

गुमीका मेर्मिमलाई हिलाबेम्‍डी, “गानी हेङा अम्‍ल्‍यानिमिम? बक्‍नी, मा गानीडला मेजो़पा ल्‍वाका इनी न मेछाम्‍सिनु़ र्‍वाक्‍साका सो़म्‍दी बेनी।”

मर्कूस 14:38

मेअम्‍साका बानी मा सो़म्‍दी बेनी, गानी न छाम्‍ला मेसो़सिट्‌नी। नका ने बोमु मालु़, लावो मिरो़म ङा मेचापा बु।”

एफिसी 6:18

हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।

मत्ती 6:13

मेजो़पा ल्‍वालाम न-छाम्‍सिमु मेग्‍वाक्‍किनी, लावो मेजो़पा मुनाङलामका सेल्‍किनी। [हेङालोने किब्‍दी, यु़म नुङ यु़म-झ्‍वाक्‍सी, हेल्‍लो लोवो इनीमाङा सो़। आमेन]’

लूका 21:36

लावो आरेप्‍माम खोत्‍ले ल्‍वामिमडाम वाङ दु़म्‍साका मिनीचो़कु ङादोडा येम्‍सिमु चामु लागि चङचङया बात्तो सो़म्‍दी बेनिम बानी।”

रेम्‍बेट्‌मिडिम ल्‍वा 16:15

“रेप्‍नी, गानी इनी नड्‍डा वो मेमिम्‍निम थारीका खुचु़वा होङका गो रोङु। चङचङया बाट्‌पा मा ये-सेम त्‍वापनुङ जु़ल्‍पा मु़चु़ आलाकाम सो़, मेम्‍साका गु खालिन्‍ते मेल, मा मु़चु़मिमका उ क्रो़म मेल्‍वामी।”

१ कोरिन्थी 16:13

चङचङया बानी, छो़म थो़रनुङमा दु़म्‍नी, डोक्‍पु थो़म्‍बोकनुङमा दु़म्‍नी मा छो़म सोनुङमा दु़म्‍नी।

१ पत्रुस 5:8

इनी त्‍वापलाई जो़होमका जु़ल्‍नी, मा चङचङया बानी। इनी स्‍वाक्‍चिमो शैतानका सु़लाई डारुमा क्‍लिडोक्‍पु र्‍वाक्‍साका क्रुक्‍बाल्‍पा धेन्‍द्रा होङङा लाम्‍दिबाल।

१ कोरिन्थी 10:13

मु़चु़मिमडला दु़म्‍पा न छाम्‍सीडाम वाङमिम न छाम्‍सीडा गानी दु़म्‍निम मिबु। माम्‍चु़नी थो़रलु़इमिम बुमी, गुमीका गानी इम्‍मु चाम्‍निमिमडाम हापा न छाम्‍सी रोमेबेन्‍मी। गानी इम्‍मु चापा दु़म्‍नी र्‍वाक्‍साका गानीलाई न छाम्‍सीलामका लुक्‍पा लाम्‍दी वो रेम्‍बेनिमी।

२ पत्रुस 2:9

आरेसाका उनी लाम्‍दीडा लाम्‍दिपा मु़चु़मिमलाई दु़खालामका हेसाका फ्‍वामु नुङ मेजो़पा खारी बेपामिमलाई निया दु़म्मिम नेमसम्‍म हेसाका जु़ल्‍थामुमि र्‍वाक्‍पा ङाचो़का चमी।

मत्ती 24:42

“मेम्‍मिमका चङचङया बानी, हेङालोने बामनेम इनीमा ङाचो़ यो, मेराम गानी मेचनी।

रेम्‍बेट्‌मिडिम ल्‍वा 3:10

गो र्‍वाङ्‌डोम होङङा गाना इम्‍सिक्‍साका बेन्‍ना। मेम्‍मिमका रोमु खापा दु़खा थारीडाम गो गानालाई बोनी-थार्नी। मेराम दु़खा ने सु़म्‍दिसेरडा बाट्‌पामिम खोत्‍लेडला रो।

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

लूका 22:40

मेसिन्‍डा रोम्‍थिम्‍डिमा गुमीका उनी सीसिपामिमलाई र्‍वाम्‍डी, “मेजो़पा ल्‍वालाम इनी न-मेछाम्‍सिनु़ र्‍वाक्‍साका सो़म्‍दी बेनी।”

गलाती 5:24

येशू ख्रीष्‍टकु मु़चु़मिमका छु़लबेपा त्‍वाकु बादु़खाम नुङ मेम बोमुम बुमु माल्‍पा मेजो़पा न-गो ने क्रूसडा चेट्‌मिडिम बु।

१ कोरिन्थी 9:27

आ त्‍वाका त्‍वापलाई योपु, मा जो़होमका जु़लु, मेएँ माला ने वाङमिमलाई जो़पा-सेला थो़बेट्‌पुमिमिम चङडा गो पुरस्‍कार ल्‍वामु मेघ्रेट्‌पा दु़म्‍ङु।

मत्ती 25:13

“मेम्‍मिमका चङचङया बानी वो, हेङालोने मिनीचो़ योक्‍पा नेम लोवो थारी लोवो गानी मेचनी।

मत्ती 26:38

मेम्‍मा गुमीका उनी सीसिपामिमनुङ र्‍वाम्‍डी, “आमा साम लक्‍पा कोतिङा आमा न-गो मेभ्रसिक्‍पा बु। गानी आसिन्‍डा बानी मा मेअम्‍साका गोनुङङा चङचङया बानी।”

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

लूका 11:4

आकी कोर्थो़लाम बक्‍पामिमकु छु़ल हेप्‍साक्‍तोकोम होङङा आकी छु़लमिम हेप्‍साक्‍किनी। मेजो़पा ल्‍वालाम न-छाम्‍सिमु मेग्‍वाक्‍किनी’।”

लूका 8:13

लुङदुडा झुक्‍पा भ्रल ओर्मिम ङा सो़, उहेमका माम्‍चु़नीकु सिजेम थो़मिमा गेर्सिद्‌वाक्‍तो रमी। लावो धु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म्‍मी। लावो मेजो़पा ल्‍वालामका उनी न छाम्‍सिमिम थारीका माम्‍चु़नीडा थो़र लु़मु डिन्‍मी, मा गुमीडाम वाङ दु़म्‍मी।