21 ग्रुला पेत्तोङा लेट्मिडिलो गुमीका र्वाम्डी, “आच्छाङा गो गानीलाई र्वाङु, गानीगोडाम कोलेका गोलाई भ्रेन्ङी।”
आरे र्वामु दु़म्मिडिमा येशू छो़म उनी न-गोडा मेभ्रसिप्मिवा, मा जो़होमका सो़म्डी, “आच्छाङा गो गानीलाई र्वाङु, गानीगोडाम कोलेका गोलाई भ्रेन्ङी।”
सु़म्दिडा बाट्पा हाम वो गुमीलामका थमु मेझाम। उनीमा मिक्सीलामडा खोत्लेमथोक छ्याङलो-छ्याङलो बु। मेम्मा गुइ बिइडिम खोत्ले ल्वा गुमीनुङ सो़मु बासी।
मेराम मेसेमकु चङचङ लाम्दिपामिमलाई गो सेट्पुमी। मेम्मा खोत्ले मु़चु़मिमकु न-गोडाम ल्वा चक्पा गोङा सो़ र्वाक्साका खोत्ले मण्डलीका ओराम ल्वा चमी। मेम्मा इनीमा बासी-दोसीलाम हाम ल्वामु घ्रेट्पा बुनी मेराम होम्साका गो गानी खोत्लेलाई ग्वानिनी।
“आनेपकु नलेमका सेल्सिमुनेमकु चाड रो र्वाक्पा ने गानी चनिमिम बु, मा मिनीचो़ क्रूसडा चेन्मु लागि उ स्वाक्चिमो मु़चु़मिमकु ल्वाडा ग्वाला सो़सी।”
मेर्मिमकाम छो़म उनी गो मेभ्रसावा, मा गुमीनुङ हिलाबेम्डी, “ङाचो़, गो ने मेराम मु़चु़ मेएँ, मेडे?”
“गो गानी खोत्लेकु दुथाम र्वाङुमिम मेएँ। गो छेत्तोम कोले मु़चु़कु दुथाम गो चक्पु। लावो माम्चु़नीकु सिजेमका आरे र्वामिम होङङा दु़म: ‘गोनुङङा सो़बेम पेपा मु़चु़ङा आमा कोर्थो़लाम बक्ता।’
येशूका सु़कु दुथाम र्वाम्डिम मेराम मेचक्साका सीसिपामिमका उनी त्वाप-त्वापडा रेमरेम बेम्डी।