मत्ती 26:18 - थुलुङ राई

¹⁸ गुमीका मेर्मिमलाई र्‍वाम्‍डी, “गानी शहरनो गो छेत्तोम कोले मु़चु़काडा लक्‍नी, मा मेरामलाई र्‍वाक्‍नी, ‘सीपाका र्‍वामी, आमा थारी रोक्‍फाड्‌डाम बु। गो आमा सीसिपामिमनुङ इमा नेमडा सेल्सिमुनेमकु चाडकाम ग्रुला पेउ’।”

मत्ती 26:18 Referans Kwoze

यूहन्‍ना 7:6

येशूका मेर्मिमलाई र्‍वाम्‍डी, “आमा लागि जो़पा थारी आथावो रोक्‍ताम मिबु, इनीमा लागि ने उहेम थारी लोवो जो़पाङा बु।

यूहन्‍ना 17:1

येशूका आरे र्‍वामु दु़म्‍मिडिमा पाह्रीथो़ रेप्‍साका सो़म्‍दी बेम्‍डी: “पाआ, थारी रोक्‍फाड्‌डाम बु। इनीमा तारापाचो़कु यु़म झ्‍वाक्‍नी, मा तारापाचो़का इनीमा यु़म झ्‍वाक्‍नु़।

यूहन्‍ना 13:1

सेल्‍सिमुनेमकु चाड ङादो गुमीका ओराम सु़म्‍दिसेर डिसाका पापकाडा लक्‍पा उनी थारी रोक्‍फाड्‌डा र्‍वाक्‍साका येशूका चम्‍डी। गुमीका सु़म्‍दिसेरडा बाट्‌पा उनी सीसिपामिम खोत्‍लेलाई रिखाम बेत्तो मेर्मिमलाई चङ्‌डासम्‍म छो़म रिखाम बेम्‍डी।

यूहन्‍ना 7:30

मेम्‍मा ङाउमिमका गुमीलाई चु़म्‍मु माल्‍मिडी, लावो सु़का वो गुमीडला ल्‍वा मेफिक्‍मिवा, हेङालोने उनीमा थारी आथावो रोक्‍ताम मेबायावा।

यूहन्‍ना 7:8

गानी ओराम चाड मानेबेप्‍डा लक्‍नी। गो ने ओराम चाडडा मेलङु, हेङालोने आमा थारी आथावो रोक्‍ताम मिबु।”

यूहन्‍ना 12:23

येशूका र्‍वाम्‍डी, “मिनीचो़कु यु़म-झ्‍वासिक्‍पा थारी रोक्‍फाड्‌डाम बु।

लूका 22:53

हेल्‍लो लोवो गो गानीनुङङा सो़रनेमगोडा बाङडोलो गोलाई मेचु़म्‍ङिनिवा। लावो शैतानकु न होङङा खारी बेपा ओराम इनीमा थारी सो़।”

यूहन्‍ना 11:28

आकोति र्‍वाक्‍तामा मार्था लस्‍ल्‍याड्‌डा, मा उमा ल्‍वाक मरियमलाई येड्‌डु़मा लिबावा र्‍वाक्‍ता, “सीपा रोम्‍फाम्‍डी, मा गानालाई येनामिम बुमी।”

मर्कूस 5:35

गुमी जेत्तोङा बेम्‍डिलो याइरसकु नेमलामका बिक्‍पा कोङनिम मु़चु़मिमका याइरसलाई र्‍वाम्‍डी, “इनी चो़ ने सिम्‍ल्‍यामु दु़म्‍स्‍तु़म बु, आथा ने ङाचो़लाई दु़खा मेग्‍वानिमी।”

मत्ती 26:2

“आनेपकु नलेमका सेल्सिमुनेमकु चाड रो र्‍वाक्‍पा ने गानी चनिमिम बु, मा मिनीचो़ क्रूसडा चेन्‍मु लागि उ स्‍वाक्‍चिमो मु़चु़मिमकु ल्‍वाडा ग्‍वाला सो़सी।”

मत्ती 23:10

गानीलाई सु़कावो ‘ङाचो़’ मेर्‍वानु़, हेङालोने इनीमा ङाचो़ ख्रीष्‍ट सो़।

मत्ती 23:8

“लावो गानीलाई सु़का वो ‘सीपा’ मेर्‍वानु़, हेङालोने गानीलाई सीपा ने कोलेङा बुमी, मा गानी खोत्‍ले वा-ल्‍वाक सो़।

मत्ती 21:3

कोङनिमका गाचीलाई हाम बोचिमिम र्‍वाक्‍साका हिलाबेम्‍डी माला ‘ङाचो़का ओराम चाहेबोमिमिम बु’ र्‍वाक्‍ची, मेम्‍मा मेर्मिमका गाचीलाई फिन्‍मु ग्‍वाचिमी।”

यूहन्‍ना 20:16

येशूका र्‍वाम्‍डी, “मरियम!” गु येशूथो़ ख्‍लोस्‍तामा हिब्रू ल्‍वाडा र्‍वाक्‍ता “रब्‍बोनी” मेराम र्‍वाक्‍मा “सीपा।”

मत्ती 26:49

येशूकाडा यहूदा लस्‍ल्‍याड्‌डा, मा र्‍वाक्‍ता, “ए सीपा, सेव!” मेम्‍मा गुमीलाई चुप्‍पा बु़डु़।

मत्ती 26:19

येशूका मेर्मिमलाई र्‍वाम्‍डिम होम्‍साकाङा सीसिपामिमका बेम्‍डी, मा ग्रुला खोम्‍डी।