मत्ती 26:13 - थुलुङ राई

¹³ आच्‍छाङा गो गानीलाई र्‍वाङु, खोत्‍ले सु़म्‍दिसेरडा बा-बान्‍ते ओराम जो़पा-सेला थो़बेन्‍मी, मेसिन्‍डा ओराम मेसेमका बु़डु़म खारीकु दुथाम सो़मी, मा मिम्‍मी।”

मत्ती 26:13 Referans Kwoze

मर्कूस 14:9

आच्‍छाङा गो गानीनुङ र्‍वाङु, सुबुडा बा-बान्‍थो़ ओराम जो़पा-सेला थो़बेन्‍मी मेसि-मेसि ङा ओराम मेसेमलाई मिम्‍मु लागि उमा खारीकु दुथाम वो सो़मी।”

मत्ती 24:14

मेम्‍मा माम्‍चु़नीका साखाम थो़मिमिमकु दुथाममिम ओराम जो़पा-सेला सु़म्‍दिसेरडा मु़चु़मिमका थो़बेन्‍मी, मा खोत्‍ले मु़चु़का ओराम थो़मी। मेम्‍मा हुक्‍पा थारी रो।

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।

रेम्‍बेट्‌मिडिम ल्‍वा 14:6

मेम्‍मा कोङमी पाह्रीचो़ धामुकु थेतेडा हुट्‌पाम बाट्‌पा गो ल्‍वाउतो। सुबुडा बाट्‌पा खोत्‍ले नेब्‍दीमिम, दोचो़, ल्‍वा जेपामिम नुङ मु़चु़मिमलाई थो़बेन्‍मु हेल्‍लो लोवो बाट्‌पाम बाट्‌पा जो़पा-सेला गुनुङ बाइडा।

१ तिमोथी 2:6

खोत्‍ले मु़चु़मिमका देन्‍दे ल्‍वामुडाम फ्‍वामुकु थि सोमु लागि येशू ख्रीष्‍ट उनी त्‍वापङा सासेन्‍सिम्‍डी। खोत्‍ले मु़चु़ सेल्‍सिमिनु़ र्‍वाक्‍पा न बेपा माम्‍चु़नीका येशू ख्रीष्‍ट क्रूसडा चेसिक्‍साका सिमु ग्‍वाम्‍डिम ल्‍वाका रेम्‍बु़। मेराम माम्‍चु़नीका र्‍वाम्‍डिम थारीका दु़स्‍ता।

कलस्‍सी 1:23

लावो गानी इनीमा नडा मेमुर्सिक्‍साका नुङ आनो-मेनो मेबासिक्‍साका थो़र बोमुम बुमु बासी, मा गानी जो़पा-सेला थो़न्‍निलो हाम-हुम ल्‍वापा न ल्‍वान्‍निम डिसिमेनु़। ओराम सेला माम्‍चु़नीकु खारीचो़मिमका सु़म्‍दिसेर खोत्‍लेथो़म मु़चु़मिमलाई थो़बेट्‌मिडी, मा गो पावल आ त्‍वाप वो ओराम सेला थो़बेट्‌पा सेलाचो़ दु़म्‍ङोडोम बु।

कलस्‍सी 1:6

मेराम जो़पा-सेला इनीमाडा रोक्‍ताम बु। सु़म्‍दिसेर खोत्‍लेथो़म हापा छो़म मु़चु़मिमका मेराम सेलाडा थो़र लु़मिम बुमी, मा मेराम जो़पा-सेलाका उनीमा बासी-दोसीडा जो़पा बु़डु़म बु। माम्‍चु़नीकु दिदाम गानी थो़न्‍नी मा आच्‍छाङा थेसिथेट्‌निलो आथाम मेराम सेलाका गानीगोडा वो मेमकाङा खारी बु़होम बु।

२ कोरिन्‍थी 10:18

हेङालोने त्‍वाका त्‍वाकु नङ कोक्‍पा मु़चु़लाई सु़का वो जो़पा मेमिम्‍डु़, लावो ङाचो़का नङ कोम्‍साप्‍मिमिम मु़चु़ङा जो़पा दु़म।

रोमी 15:19

छेखोपमिम, हेल्‍लो वो मेल्‍वाम्‍मा यु़म खारीमिम मा माम्‍चु़नी-पेलकु यु़मलामका गो यरुशलेमडाम्‍मा इल्‍लुरिकन र्‍वाक्‍मा नेब्‍दीसम्‍म येशू ख्रीष्‍टकु दुथाम जो़पा-सेला जो़होमका दो़उतोम बु।

रोमी 10:18

मेम माला हाम मेर्मिमका थो़म्डिम मिबु? मेएँ मेर्मिमका थो़म्‍डी। “मेर्मिमकु लो़लाम खोत्‍ले सु़म्‍दिसेरडा फोन्‍सिड्‍डा मा मेर्मिमका र्‍वाम्‍डिम ल्‍वा सुबु बिर्खोपसम्‍म रोक्‍थिड्‍डा।”

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

मर्कूस 16:15

मेकोतिमा येशूका मेर्मिमनुङ र्‍वाम्‍डी, “सु़म्‍दिसेर खोत्‍लेथो़ लक्‍निमा खोत्‍ले मु़चु़मिमलाई जो़पा-सेला थो़बेट्‌नी।

मर्कूस 13:10

ओर्मिम दु़म्‍मु ङादो ङा खोत्‍ले सामालाई जो़पा-सेला थो़बेन्‍मुमि बासी।

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

थु़र्मा 10:4

कर्नेलियसका पाह्रीचो़थो़ रेप्‍डु़म-रेप्‍डु़म ङा बु़डु़। गु छो़म ङिड्‍डामा र्‍वाक्‍ता, “गानी हाम र्‍वामु माल्‍नी ङाचो़?” पाह्रीचो़का र्‍वाक्‍ता, “माम्‍चु़नीका इमा सो़म्‍दी थो़म्डिम बु। गाना उनी हाम वो मेबाट्‌पा मु़चु़मिमलाई खाप्‍ची ग्‍वाक्‍नामिम गुमीका ल्‍वाम्‍डिम बु, मा गुमीका गानालाई मिम्‍थानामिमिम बु।