मत्ती 24:8 - थुलुङ राई

⁸ ओर्मिम खोत्‍ले ल्‍वामिम ने मेसेमकु चो़च्‍चो़ कमु थारीका हिम्‍बा खेरु़मिम होप्‍माम कोङङा सो़।

मत्ती 24:8 Referans Kwoze

१ थेसलोनिकी 5:3

“आकी न भ्रसिक्‍पा बु, हामकाम वो ङिम मिबु” र्‍वाक्‍साका मु़चु़मिमका र्‍वामिम बुमी। मेराम थारीकाङा गोजु़मे मेसेमका चो़च्‍चो़ कमु लागि उ थो़म नो़पा थारी रोथामिम होङङा स्‍वामु मेल्‍वासाका मेर्मिम कोचोत्ति पुयु़लुमी।

मर्कूस 13:8

हेङालोने कोङ सामाका कोङमी सामानुङ क्‍वाल्‍बा बु़, मा कोङ किब्‍दीका कोङमी किब्‍दीनुङ क्‍वाल्‍बा बु़। याङ-याङडा सुबु-रुक्‍सी नुङ पोमुकु दु़खानेम वो दु़म। ओर्मिम खोत्‍ले ल्‍वामिम मेसेमकु चो़च्‍चो़ दु़म्‍मु थारीका हिम्‍बा खेन्‍मु चो़म्‍डु़मिम होप्‍माम कोङङा दु़म।

लूका 21:12

“लावो ओर्मिम खोत्‍ले ल्‍वामिम दु़म्‍मु ङादो गानी आमा सीसिपा दु़म्‍निमका मु़चु़मिमका गानीलाई चु़म्‍नी, मा इनी थो़मतेर्मी। घ्रो़म्‍दीनेममिमबाडे रो़-रो़न्‍थु़त्तो लनिमी मा झ्‍यालखानडा चनिमी। मेम्‍मा हपमिम नुङ किब्‍दी साखामचो़मिमकु ङादोडा हिलाहिसी बेप्‍डा येम्‍सिबेनिमी।

याकूब 5:1

खाप्‍चीचो़नी, थो़नी, गानीडला रोमु खाप्डु़म छो़म मेझापा दु़खामिम मिम्‍नीमा येनी-दुनी मा ख्राप्‍नी।