7 कोङ सामा कोङमी सामाकु कोर्थो़लाम नुङ कोले किब्दी कोङमी किब्दीकु कोर्थो़लाम ब। याङ-याङडा पोमु-डुमुकु दु़खा दु़म, मा सुबुरुक्सी ल।
छो़म डोक्पु सुबुरुक्सीमिम लमी। बान्ते मेनो मा-के हु, मा लामासाम रो। धामुलामका छो़म ङिमलु़पा ल्वा नुङ यु़मखारी दु़म।
ख्लाख्लाया बेपा कोले घोडा ल्वाउतो, मा मेडला हुपाकु नङ सिमुलाम बाइडा, मा खादी मेरामकु चङचङ लाम्दिबाल्ला। मेम्मा सुबुडाम खोत्ले मु़चु़मिमकु ब्ल भागकाम को भाग मु़चु़मिम कातु़रु़का, पोमुकु दु़खाका, लामासामका, नुङ सुबुडा बाट्पा सो़प्दीडाम हादी-बारामिमलामका सेन्मु साखाम मेर्चिपका ल्वाच्ची।
मेर्मिमगोडाम कोले अगाबस र्वाक्माका येम्स्तामा खोत्ले सु़म्दिसेरडा ङा मा-के हुमुथारीकु दु़खा रो र्वाक्साका माम्चु़नी-पेललाम जेस्ता। मे मा-के हुमुथारीकु दु़खा रोमी हप क्लौडियसका साखाम थो़ड्डु़म थारीका दु़स्ता।
भेन्दाचो़का रुनोम छाप पिम्डिम गो ल्वाउतो मा मेसिन्डा कोङ डोक्पु सुबुरुक्पा रोक्ता। नेम्सुङ तुकुम्चिम होप्माम केकेया दु़स्ता मा ख्लो़मु सिसि होप्माम लालाया दु़स्ता।
“आथावो कोखेप” र्वाक्पा सिजेमका प्रङ्सिक्पा खोत्ले ल्वा रुमी मा दाम्मी, मेरुसिक्पा ल्वामिम कोङङा हेवो मेदु़म्मी र्वाक्पा ल्वा रेम्बु़।
गो उगेले धामुडा यु़मखारीमिम रेम्बेउ, उधाली सुबुडा सिसि, मु नुङ मुसिक्पा कुयु़कुमिमकु छेखोपमिम रेम्बेउ।
मेकोतिमा भेन्दाचो़का सुनोम छाप पिम्डी मा सुनोम सामनुङमामिमका “बिका” र्वाक्ताम गो थो़उतो। गो रेप्तो मा कोले केकेम घोडा बाइडाम ल्वाउतो। मे घोडाडला हुपाकु उ ल्वाडा कोले तराजु जेथाड्डु़म बाइडा।
मेम्मा मे ब्लले सामनुङमामिम थेतेलामका होङङा कोङ लो़लामका आरे र्वाक्ताम गो थो़उतो: “को किलो जेप्सेर कोलेमकु खारीकाम, मा सु किलो याछाम कोलेमकु खारीकाम दु़म, लावो तेल नुङ अङ्गूरकु बिलाम ब्लाम-ब्लाम मेबोमु।”