मत्ती 24:5 - थुलुङ राई

⁵ हेङालोने हापा मु़चु़मिम आमा नङडा रोमी, मा ‘ख्रीष्‍ट गोङा’ र्‍वामी। मेर्मिमका हापा मु़चु़मिमलाई ताङताहेरथो़ लक्‍पा बनेबोमी।

मत्ती 24:5 Referans Kwoze

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

मत्ती 24:11

माम्‍चु़नीलाम-जेपा लिसिक्‍पामिम हापा लुमी, मा हापा मु़चु़मिमलाई ताङताहेरथो़ लमी।

१ यूहन्‍ना 2:18

आमा चो़च्‍चो़मिम होप्‍माम मु़चु़नी, हुक्‍पा थारी ओरामङा सो़। ख्रीष्‍टकु कोर्थो़लाम बक्‍पा मु़चु़ रोक्‍तोङा लेडु़ र्‍वाक्‍पा गानी थो़न्‍निम होङङा ओम्‍लो वो ख्रीष्‍टकु कोर्थो़लाम बक्‍पा हापा मु़चु़मिम रोम्‍डिम बु। मेम्‍मिमका ओराम थारी हुक्‍पा थारी र्‍वाक्‍पा गुइ च।

यूहन्‍ना 5:43

गो आमा पापकु साखामडा योङडोम बु, गानी गोलाई मेरङिनी। लावो कोङनिम मु़चु़ उ साखामडा रोक्‍ता माला गुलाई गानी रनी।

रेम्‍बेट्‌मिडिम ल्‍वा 13:8

मेम्‍मा सेट्‌मिडिम भेन्‍दाचो़कु त्‍वारो़मकु खाजेमडा सु़म्‍दिसेर प्रङ्‌सिमु ङादोङा नङ मेर्‍यासिट्‍पामिम खोत्‍लेका मे हादीबारालाई सेव सान्‍मी।

यूहन्‍ना 8:24

गानी इनीमा त्‍वाकु छु़लडा सिनी र्‍वाक्‍साका गो गानीलाई र्‍वाङ्‌डो। गो गुमीङा र्‍वाक्‍साका गानी थो़र मेलु़निवा माला गानी इनीमा छु़लडा सिनी।”

यूहन्‍ना 8:28

मेम्‍मिमका येशूका र्‍वाम्‍डी, “मिनीचो़लाई गानी क्रूसडला कोनी, मेम्‍मा गो गुमीङा र्‍वाङ्‌डोम गानी चनी। गो आमा त्‍वाकु साखामडा हाम वो मेबेउ, लावो पापका हाम सीट्‌ङिडिमी मेराम कोङङा जेङु।

१ यूहन्‍ना 2:22

लिमाचो़ सु़? लिमाचो़ मेरामङा, उहेमका येशूङा ख्रीष्‍ट र्‍वाक्‍साका मेछेपु र्‍वा। आरेप्‍माम मु़चु़ ख्रीष्‍टकु कोर्थो़लाम बक्‍पा सो़, गुका माम्‍चु़नी पाप नुङ उनी तारापाचो़ येशू ख्रीष्‍टलाई मेछेपु र्‍वा।

१ यूहन्‍ना 4:3

लावो येशू मु़चु़ होङङा ओराम सु़म्‍दिसेरडा योम्‍डिम मेएँ र्‍वाक्‍पा पेल उहेम मु़चु़काडा बु, मेराम पेल माम्‍चु़नीलाममिम मेएँ। “मेराम रो” र्‍वाक्‍पा गानी थो़न्‍निम ख्रीष्‍टकु कोर्थो़लाम बक्‍पाकु ओराम पेलङा सो़। सु़म्‍दिसेरडा ओम्‍लो वो ओराम रोक्‍ल्‍याड्‌डाम बु।