मत्ती 24:11 - थुलुङ राई

¹¹ माम्‍चु़नीलाम-जेपा लिसिक्‍पामिम हापा लुमी, मा हापा मु़चु़मिमलाई ताङताहेरथो़ लमी।

मत्ती 24:11 Referans Kwoze

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!

मत्ती 24:5

हेङालोने हापा मु़चु़मिम आमा नङडा रोमी, मा ‘ख्रीष्‍ट गोङा’ र्‍वामी। मेर्मिमका हापा मु़चु़मिमलाई ताङताहेरथो़ लक्‍पा बनेबोमी।

१ तिमोथी 4:1

दिफुम थारीबिलि कोङनिम मु़चु़मिम उनी थो़र लु़सीलामका ख्‍लोम्‍सिट्‌मी, मा मेर्मिम लु-फेले बेपा पेल नुङ मुनाङ-कुर्चाङमिमकु सीसिथो़ लमी र्‍वाक्‍साका माम्‍चु़नी-पेलका जो़होमका र्‍वामी।

मर्कूस 13:22

झाम माला माम्‍चु़नीलाम छेट्‍मामिमलाई ब्‍लो़म्‍मु ख्रीष्‍ट लिसिपामिम नुङ माम्‍चु़नीलाम जेपा लिसिपामिम लुमी मा यु़म-खारी रेम्‍बोमु माल्‍मी।

रेम्‍बेट्‌मिडिम ल्‍वा 19:20

लावो मसीहका मे हादीबारा नुङ माम्‍चु़नीलाम जेपा लिसिक्‍पालाई उनी ल्‍वाड्‌डा बेम्‍डी। मे माम्‍चु़नीलाम जेपा लिसिक्‍पाका हेल्‍लो वो मेल्‍वाम्‍मा छेखोपमिम मे हादीबाराकु ङादोडा रेम्‍बु़डु़म बाइडा। ओर्मिम छेखोपमिमलामकाङा मे हादीबाराकु छाप रपा नुङ उ ङाटा सेव साट्‌पामिमलाई ताङताहेरथो़ लडु़मिम बाइडा। ओर्चिप निफि उची सामनुङमाङा गन्‍धक वाक्‍तोङा बेपा छो़म डोक्‍पु मुकु भुल्‍मु गोयु़ गुमीका छाघ्रोम्‍डिची।

२ पत्रुस 2:1

लावो इस्राएलीमिमगोडा लिमा ल्‍वा सीपा मु़चु़मिम बाम्‍डिम होङङा गानीगोडा वो माम्‍चु़नीलाम-जेपा लिसिक्‍पामिम बुमी। मेर्मिमका ताङताहेरथो़ लक्‍पा लिमा सीसिमिम मेचहोमका सीमी, मेर्मिमकाम लागि थि सोक्‍साक्‍पा डोक्‍पु ङाचो़ ख्रीष्‍टलाई वो मेरमी मा दालाङा मेर्मिम पुयु़लुबेन्‍ला सो़म्‍सिमी।

यहूदा 1:4

हेङालोने कोङनिम मु़चु़ उहेमका देन्‍दे ल्‍वामी र्‍वाक्‍साका माकेङा र्‍याक्‍मा बु मेर्मिम मु़चु़ लिबावा इनीमा थेतेगोडा हुम्‍डिम बु। मेर्मिम मु़चु़ माम्‍चु़नीकु लाम्‍दीडा लाममेदिपामिम सो़, मेर्मिमका माम्‍चु़नीकु दिदामलाई उनी नसीहोम बोमुथो़ हिम्‍डिम बु, मा इकीमा हप नुङ ङाचो़ येशू ख्रीष्‍ट र्‍वामु मेर्मिमका मेद्‌वामी।

१ यूहन्‍ना 4:1

द्‌वादीबुङ ङोप्‍सो़नी, पेललामका जेङुमिम र्‍वाक्‍पा खोत्‍ले मु़चु़लाई थो़र मेलु़नी। मेर्मिमनुङ बाट्‌पा पेल माम्‍चु़नीलाममिम डे मेएँ डे र्‍वाक्‍पा रेम्‍मु मेर्मिमलाई छाम्‍निमी। हेङालोने माम्‍चु़नीलाम-जेपा लिसिक्‍पा हापा मु़चु़मिम ओराम सु़म्‍दिसेरडा लुम्‍डिम बु।

१ यूहन्‍ना 2:18

आमा चो़च्‍चो़मिम होप्‍माम मु़चु़नी, हुक्‍पा थारी ओरामङा सो़। ख्रीष्‍टकु कोर्थो़लाम बक्‍पा मु़चु़ रोक्‍तोङा लेडु़ र्‍वाक्‍पा गानी थो़न्‍निम होङङा ओम्‍लो वो ख्रीष्‍टकु कोर्थो़लाम बक्‍पा हापा मु़चु़मिम रोम्‍डिम बु। मेम्‍मिमका ओराम थारी हुक्‍पा थारी र्‍वाक्‍पा गुइ च।

१ यूहन्‍ना 2:26

गानीलाई ताङताहेरथो़ लमु माल्‍पा मेर्मिम मु़चु़कु दुथाम गो गानीलाई ओराम र्‍याक्‍तोङा बेउ।

थु़र्मा 20:30

गानीगोलामका ङा लिमा थेट्‌पा, मा ब्‍लो़पा मु़चु़मिम लुमी सो़! मेर्मिमका थो़रलु़पामिमलाई फ्‍वामिमा लमी।

मत्ती 24:12

मेजो़पा खारी बेपा मु़चु़ हापाङा छात्तो लमी, मा रिखाम बेबोमु डिन्‍बेत्तो लमी।