मत्ती 23:7 - थुलुङ राई

⁷ बजारबाडे डोक्‍पु बेसाका सेव सान्‍ला सो़म्‍सिमु नुङ ‘सीपा’ र्‍वाला सो़म्‍सिमु मेर्मिमका द्‌वामी।

मत्ती 23:7 Referans Kwoze

यूहन्‍ना 1:38

येशूका चङथो़ रेप्‍मिडिलो मेर्चिप उनी चङचङ बिक्‍तोङा लेट्‌पा ल्‍वाम्‍डिमा मेर्चिपलाई हिलाबेम्‍डी, “हाम माल्‍चिमिम गाची?” मेर्चिपका गुमीनुङ र्‍वाक्‍ची, “रब्‍बी, गानी बान्‍ते बुन्‍थाल्‍नी?” (रब्‍बी र्‍वाक्‍मा “सीपा मु़चु़” सो़।)

यूहन्‍ना 1:49

नथानेलका र्‍वाक्‍ता, “सीपा, गानी माम्‍चु़नीकु तारापाचो़, गानी इस्राएलडाम हप।”

यूहन्‍ना 20:16

येशूका र्‍वाम्‍डी, “मरियम!” गु येशूथो़ ख्‍लोस्‍तामा हिब्रू ल्‍वाडा र्‍वाक्‍ता “रब्‍बोनी” मेराम र्‍वाक्‍मा “सीपा।”

यूहन्‍ना 6:25

मे मु़चु़मिमका येशूलाई दिरिदिनकु कोर्थो़म होम्‍बुनो डार्मिडिमा र्‍वाम्‍डी, “सीपा, गानी आसिन्‍डा हेल्‍लो रोक्‍निम?”

यूहन्‍ना 3:26

यूहन्‍नाकु सीसिपामिम यूहन्‍नाकाडा रोम्‍डिमा र्‍वाम्‍डी, “सीपा, यर्दन ब्‍लोकु होम्‍बुनो गानीनुङ बाट्‌पा, मा उनीमा दुथाम गानी सो़न्‍निम मु़चु़का मु़चु़मिमलाई कु-रु़दु़म ग्‍वाक्‍तोङा लेन्‍मी। खोत्‍ले मु़चु़मिम उनीमाडा लक्‍तोङा लेन्‍मिमिम बु।”

यूहन्‍ना 3:2

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

मर्कूस 10:51

येशूका मेरामलाई हिला बेम्‍डी, “गो गानालाई हाम बेउनु़ र्‍वाक्‍पा इमा न बु?” मेरामका र्‍वाक्‍ता, “ङाचो़, गो आमा मिक्‍सीका ल्‍वाउनु़।”

मर्कूस 9:5

पत्रुसका येशूनुङ र्‍वाक्‍ता, “रब्‍बी, गुकु आसिन्‍डा बात्तोकोम छो़म जो़पा दु़स्‍ता। गुकु आसिन्‍डा सुले बाखोप बनेबोकु, कोले इनीमा, कोले मोशाकाम मा कोले एलियाकाम।”

मत्ती 23:8

“लावो गानीलाई सु़का वो ‘सीपा’ मेर्‍वानु़, हेङालोने गानीलाई सीपा ने कोलेङा बुमी, मा गानी खोत्‍ले वा-ल्‍वाक सो़।

मत्ती 11:16

“आथामबिलिम मु़चु़मिमकु दुथाम गो हाम ल्वानुङ थो़पुमी? मेर्मिम ने येन्‍बेबेपामा आरे र्‍वाबेपा बजारडाम लाम्‍दीबाडे चाम्‍सिक्‍पा चो़च्‍चो़मिम होप्‍माम सो़,

मत्ती 26:25

मेम्‍मा गुमीलाई भ्रेट्‌पा यहूदाका हिलाबु़डु़, “सीपा, गो ने मेराम मु़चु़ मेएँ, मेडे?” गुमीका मेरामलाई र्‍वाम्‍डी, “अँ, गाना इ त्‍वाकाङा र्‍वाक्‍तोङा बोना।”

मत्ती 26:49

येशूकाडा यहूदा लस्‍ल्‍याड्‌डा, मा र्‍वाक्‍ता, “ए सीपा, सेव!” मेम्‍मा गुमीलाई चुप्‍पा बु़डु़।

मर्कूस 11:21

मेम्मा येशूका र्‍वाम्डिम ल्वा पत्रुसका मिम्‍डु़मा र्‍वाक्‍ता, “रब्‍बी! रेप्‍नी, गानी वाइतो बेट्‌निम बैससीकु धक्‍सा ने साड्‌डा डे रेछा।”

मर्कूस 12:38

मेकोतिमा मेर्मिमलाई सीत्तोङा र्‍वाम्‍डी, “यहूदीमिमकु डु़म्‍ला सीपा पातु़म्‍रीमिमडाम वाङ बानी। मेर्मिमका धु़प्‍पा ये फसिट्‌मिमा होनो-आथो़ लाम्‍दिम्‍बाल्‍मु नुङ बजारबाडे सेव सान्‍ला सो़सिमु,

मर्कूस 14:45

मेकोतिमा यहूदा लस्‍तामा, “रब्‍बी” र्‍वाक्‍तोङा येशूलाई चुप्‍पा बु़डु़।

लूका 11:43

“गानी फरिसीमिमलाई वाइतो, हेङालोने गानी घ्रो़म्‍दीनेमडा डोक्‍पु-डोक्‍पु मु़चु़ गन्‍खोपडा गन्‍मु नुङ मु़चु़मिमकु ङादोडा सेव सान्‍ला सो़सिमु द्‌वानी।

यूहन्‍ना 4:31

मेराम थारीकाङा उनी सीसिपामिमका गुमीलाई आरे र्‍वाम्‍डिम-र्‍वाम्‍डिमङा बेम्‍डी, “सीपा, हाम-हुम पेनीका।”

यूहन्‍ना 9:2

येशूकु सीसिपामिमका गुमीनुङ हिलाबेम्‍डी, “सीपा, ओराम मु़चु़का डे उ माम-पापका डे, सु़का छु़ल बु़डु़मा मिक्‍सीका मेल्‍वापा ओराम गस्‍ता?”

यूहन्‍ना 11:8

सीसिपामिमका गुमीलाई र्‍वाम्‍डी, “सीपा, बास्‍ता-नेहोनेमङा यहूदीमिमका गानीलाई लुङका ओमु माल्‍निमिम बाइडा, मा वो गानी मेसिन्‍डाङा लमु माल्‍तो बोनी?”