मत्ती 23:12 - थुलुङ राई

¹² उहेमका उ त्‍वापलाई डोक्‍पु मिम्‍सी मेराम याक्‍के दु़म, मा उहेमका उ त्‍वापलाई याक्‍के मिम्‍सी मेराम डोक्‍पु दु़म।

मत्ती 23:12 Referans Kwoze

१ पत्रुस 5:5

मेम्‍साकाङा स्‍वालानी, गानी ङावामिमकु साखामगोयु़ बानी। गानी खोत्‍ले त्‍वाप-त्‍वापडा ख्‍लो़या-बाया बेबोमु छो़म याक्‍के दु़म्‍नी। “डोक्‍पु लिसिक्‍पा मु़चु़कु कोर्थो़लाम माम्‍चु़नी बमी, लावो याक्‍के दु़म्‍पामिमडला न-थो़म रेम्‍बोमी।”

याकूब 4:6

लावो आरेप्‍माम मेजो़पा नमिमकु कोर्थो़लाम बमु गुमीका गुइलाई छो़म दिदामका सासामी, मेराम माम्‍चु़नीकु सिजेमका आरे र्‍वा: “माम्‍चु़नी डोक्‍पु लिसिक्‍पामिमकु कोर्थो़लाम बमी, लावो याक्‍के दु़म्‍पामिमलाई दिदामका सान्‍मी।”

लूका 14:11

हेङालोने उहेम मु़चु़का डोक्‍पु मिम्‍सी मेराम याक्‍के दु़म, मा उ त्‍वाप याक्‍के दु़म्‍पा मु़चु़ ने डोक्‍पु दु़म।”

लूका 18:14

“गो गानीलाई र्‍वाङु, मे फरिसी मेएँ, कर फक्‍पा मु़चु़ माम्‍चु़नीकु न-गो होप्‍माम दु़स्‍तामा उ नेम ख्‍लोस्‍ता। हेङालोने उहेम मु़चु़का उ त्‍वापलाई डोक्‍पु मिम्‍सी मेरामलाई माम्‍चु़नीका याक्‍के दु़म्‍बेन्‍मी, मा उ त्‍वाप याक्‍के दु़म्‍पा मु़चु़ ने माम्‍चु़नीका डोक्‍पु दु़म्‍बेन्‍मी।”

मत्ती 18:4

मेम्‍मिमका उहेम ओराम चो़च्‍चो़ होप्‍माम याक्‍के दु़म, मेरामङा पाह्री-किब्‍दीडा डोक्‍पु दु़म।

मत्ती 5:3

“न-गोलाम माम्‍चु़नीकु ख्‍लो़सी माल्पामिम जिनुङमा सो़, हेङालोने पाह्री-किब्‍दी मेर्मिमकामङा सो़।

१ पत्रुस 5:6

मेम्‍मिमका माम्‍चु़नीकु यु़मनुङमा गोजु़डा याक्‍के दु़म्‍साका बानी। मेम्‍मा गुमीका गानीलाई जो़पा थारीका खोत्‍लेडाम डोक्‍पु दु़म्‍बेनी।