मत्ती 22:9 - थुलुङ राई

⁹ लामख्रामिमबाडे लक्‍निमा गानी डार्निमिम खोत्‍ले मु़चु़लाई ग्रुला पेप्‍डा येट्‌नी।’

मत्ती 22:9 Referans Kwoze

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

थु़र्मा 13:47

हेङालोने ङाचो़का गुचुकुनुङ आरे र्‍वाम्‍डिम बु: ‘गो गानालाई वाङसामामिमकाम लागि ओल होप्‍माम दु़म्‍बेट्‌निम बु। सुबुडाम खोत्‍ले मु़चु़लाई सेल्‍मु गाना माम्‍चु़नीलाम यु़म ल्‍वाना’।”

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

मत्ती 22:8

“मेकोतिमा गुका उ डु़ल्‍चो़मिमनुङ र्‍वाक्‍ता, ‘लालीकुन्‍दाकाम ग्रुला थिक्‍ताम बु, लावो येट्‌मा बोच्‍चो़मिम ने रोमु घ्रेट्‌पा मेदु़म्‍मिवा।

मत्ती 22:10

मेकोतिमा डु़ल्‍चो़मिम लाम्‍दीबाडे लम्‍डी, मा मेर्मिमका डार्मिडिम जो़पा मेजो़पा खोत्‍ले मु़चु़लाई खोप्‍मिडी। मेम्‍मा बोच्‍चो़मिमका लालीकुन्‍दा दु़स्‍ताम नेम देम्‍स्‍ता।

मत्ती 20:7

“मेर्मिमका गुनुङ र्‍वाम्‍डी, ‘गुकुलाई सु़का वो खारी बोमु लागि मेभ्रेकिमिवा।’ “ये-दकु मे मु़चु़का मेर्मिमलाई र्‍वाक्‍ता, ‘गानी वो लक्‍निमा आमा अङ्‍गूर येडा मु़चु़मिमनुङ खारी बेनी।’