मत्ती 22:5 - थुलुङ राई

⁵ “लावो हपका येड्‌डु़मिम ल्‍वाडा न मेसोक्‍मिवा, मा कोले ब्‍याङसीथो़ लस्‍ता, कोले उ ब्‍यापारथो़ लस्‍ता।

मत्ती 22:5 Referans Kwoze

हिब्रू 2:3

मेम्‍साकाङा गुइ मेरामडाम वो आकोति छो़म डोक्‍पु सेल्‍सीकु सीसिथो़ न मेसोकिवा माला हेसाका मेराम डोक्‍पु देन्‍दे ल्‍वामुडाम वाङ दु़म्‍सी मा? ङाचो़ उनी त्‍वाकाङा ङादो ओराम सेल्‍सिसीकाम सीसिकु दुथाम र्‍वाम्‍डी। मेम्‍मा गुमीका र्‍वाम्‍डिम ल्‍वा थो़पामिमका ङा ओराम आच्‍छाङा र्‍वाक्‍साका रेम्‍बेम्‍डी।

२ तिमोथी 3:4

ङादो जेम्‍मा होम्‍साका मेबेपा, मेमिम्‍साकाङा खारी बेपा, डोक्‍पु लिसिक्‍पा, माम्‍चु़नीलाई रिखाम मेबेसाका त्‍वाकु नसीहोम बेपा,

रोमी 8:6

मिरो़मडाम नसीहोमका दोपा मु़चु़ सिमुलाम ख्‍लकु़। लावो माम्‍चु़नी-पेल होम्‍साका दोपा मु़चु़का ने त्‍वारो़म नुङ नभ्रसी ल्‍वासु़।

रोमी 2:4

डे माम्‍चु़नीका गानीडला न-थो़म रेम्‍बेसाका इनीमा छु़ललाम ख्‍लोनिमी र्‍वाक्‍पा मेचनिमा, हाम उनीमा न-थो़म, इम्‍सीलाई हाम ना हामकाम मिम्‍नी?

थु़र्मा 24:25

लावो पावलका, “माम्‍चु़नीकु ङादोडा हाम जो़पा बु, मे ङा बोमु बासी, त्‍वापलाई जो़होमका जु़ल्‍मु बासी, माम्‍चु़नीका खोत्‍लेकाम निया बेपा थारी रोक्‍तोङा लेडु़” र्‍वाक्‍तालो फेलिक्‍स ङिस्‍तामा र्‍वाक्‍ता, “आनेप आकोतिङा, गाना लना लोवो नु़, दिफु वो गो येनी!”

थु़र्मा 2:13

लावो वाङमिमका मेर्मिम छो़म डु़का सेड्‌डु़मिम बु र्‍वाक्‍तो रिम्‍साम्‍डिमी।

मत्ती 13:22

चु़दुगोनो झुक्‍पा भ्रल मेरामङा सो़, उहेमका माम्‍चु़नीकु सिजेम थो़सु़, लावो हाम पेपा-फसिक्‍पा र्‍वाक्‍साका मिम्‍ताम-सो़र्ताम नुङ खाप्‍चीचो़ दु़म्‍मु मालु़मिमका माम्‍चु़नीकु सिजेमथो़ न मेसोकु़। मेम्‍मा सिजेमका र्‍वामिम होप्‍माम दु़म्‍मु मेचाप्‍सु़।

मत्ती 22:4

“हपका आथावो वाङमिम उ डु़ल्‍चो़मिमलाई आरे र्‍वाक्‍साका थु़र्स्‍तु़मी, ‘येट्‌मा मु़चु़मिमलाई र्‍वाक्‍नी, ग्रुला थिबेत्तोम बु, जो़होमका डु़ल्‍मा आमा बेनोमिम नुङ बाछामिम फल्‍मा बु, खोत्‍ले बनेबेम्‍मा बु। लालीकुन्‍दाकाम ग्रुलाडा रोक्‍नी।’

मत्ती 22:6

याङका हपकु डु़ल्‍चो़मिमलाई चु़म्‍मिडिमा सेम्‍ला बेट्‌मिडी, मा मेर्मिमलाई सेट्‌मिडी।

यूहन्‍ना 2:16

तुक्‍तुकुरमिम भ्रेट्‌पा मु़चु़मिमलाई गुमीका र्‍वाम्‍डी, “ओर्मिम पाखानो लक्‍नी। आमा पापकु नेमलाई गानी बजार बनेमेबेनी।”

२ पत्रुस 2:3

रारी बेपा दु़म्‍साका मेर्मिम सीपाका लिमा ल्‍वा बनेबेसाका गानीलाम खउलुङ रमी। मेर्मिमका देन्‍दे ल्‍वामी र्‍वाक्‍साका ङादोङा मुलु़ दु़स्‍ताम बु मा मेर्मिम पुयु़लुमी र्‍वाक्‍पा ल्‍वा बुहोङङा बु।