मत्ती 22:3 - थुलुङ राई

³ ग्रुला पेप्‍डा येड्‌डु़मिम बोच्‍चो़लाई येड्‌डा गुका उ डु़ल्‍चो़मिमलाई थु़र्स्‍तु़मी। लावो मेर्मिम रोमु मेबिम्‍सिप्‍मिवा।

मत्ती 22:3 Referans Kwoze

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।

रोमी 10:21

इस्राएलकु दुथाम गुका आरे र्‍वाक्‍ताम बु, “आमा ल्‍वा मेथो़पा मा आमा कोर्थो़लाम बक्‍पा मु़चु़मिमलाई येन्‍मु लागि नेम्‍तोम गो आमा ल्‍वा हम्‍तो।”

यूहन्‍ना 5:40

मेम्‍मा वो ओराम त्‍वारो़म ल्‍वामु लागि आमाडा रोमु मेद्‌वानी।

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

लूका 19:27

गो मेर्मिमडला साखाम थो़पुमिम मेद्‌वाक्‍पा मे आमा स्‍वाक्‍चिमो मु़चु़मिमलाई आसिन्‍डा रेट्‌नी, मा मेर्मिमलाई आ ङादोडा सेट्‌नी’।”

लूका 15:28

“ओराम ल्‍वा थो़स्‍तु़मा उ वाकाम छोक्‍चो बक्‍ता, मा नेमगोनो वो लमु मेबिसावा। लावो उ पाप पाखा लुक्‍तामा उ चो़लाई नेमगोनो बिकामा बिका बु़डु़।

लूका 13:34

“यरूशलेमडाम मु़चु़नी, गानी माम्‍चु़नीलाम-जेपामिमलाई सेनी, मा माम्‍चु़नीका इनीमाडा थु़र्मीडिम सेलाचो़मिमलाई लुङका ओम्‍निमी। घ्‍लोमीका बुब्‍लोमिमलाई उ लाप्‍तेरगोयु़ बोडु़-थारु़मिमिम होङङा गो गानीलाई कोदेप खोम्‍मु छो़म माल्‍निनी, लावो गानी मेम बोमु मेग्‍वाङनिवा।

मत्ती 23:37

“ए यरूशलेमडाम मु़चु़नी, ए यरूशलेमडाम मु़चु़नी, माम्‍चु़नीलाम-जेपामिमलाई गानी सेनी, मा माम्‍चु़नीकु सेलाचो़मिमलाई लुङका ओम्‍नी। घ्‍लोमीका उ बुक्‍लोमिमलाई उ लाप्‍तेरकुगोयु़ बोडु़-थारु़मिम होम्‍साका गानीलाई बोमु-थार्मु माल्‍थाल्‍तो, लावो गानी मेबिन्‍सिट्‌निवा।

मत्ती 3:2

“छु़ललाम ख्‍लोन्‍सिट्‌नी, हेङालोने पाह्री-किब्‍दी रोम्‍फामुङा खाप्‍डु़म बु।”

हिब्रू 12:25

गानीनुङ जेपा माम्‍चु़नीलाई मेद्‌वाक्‍पा मामा दु़म्‍नी सो़। सुबुडा इस्राएलीमिमलाई मामासो़ र्‍वाक्‍पा मोशालाई मेर्मिमका मेद्‌वाक्‍मिवालो माम्‍चु़नीकु देन्‍देडाम मेर्मिम स्‍वामु मेचाप्‍मिवा। गुइलाई पाह्रीलाम मामासो़ र्‍वाक्‍पा गुमीडाम कोर्थो़ हिसिडी माला हेसाका स्‍वामु चाप्‍सी मा?

मत्ती 21:34

अङ्‍गूर प्रो़ट्‌पा थारी दु़स्‍तालो बोम्‍था बेपा मु़चु़काडा उ दो़दो़वा माल्‍ला गुका उ डु़ल्‍चो़मिमलाई थु़र्स्‍तु़मी।

मत्ती 9:15

येशूका मेर्मिमलाई ओराम सो़म्‍दीलामका र्‍वाम्‍डी, “लालीकुन्‍दाकाम थारीका लारेपा मेर्मिमनुङ बुमिमसम्‍म हाम जन्‍तीमिम येमी-ख्राम्‍मी मा? लावो आरेप्‍माम थारी रो, मेर्मिमनुङ बाट्पा लारेपा मेर्मिमडाम वाङ दु़म। मेनेम मे जन्‍तीमिम उपास बुमी।

हिब्रू 9:15

माम्‍चु़नीका याचे जेम्‍डिम हेल्‍लो लोवो दु़म्‍पा जिवामिम गुमीका थुट्‌मिडिम मु़चु़मिमकाङा ल्‍वामिनु़ र्‍वाक्‍साका येशू ख्रीष्‍टका माम्‍चु़नीलाममिम लाले सो़रख्रेप्‍सी मु़चु़मिमगोडा रेट्‌मिडिम बु। ङादोम सो़रख्रेप्‍सी बाइडाम थारीका बेम्‍डिम छु़ललामका मु़चु़मिम सेल्‍सिमु ल्‍वामिनु़ र्‍वाक्‍साका ङाचो़ येशू सिम्‍डिम बु।