मत्ती 21:9 - थुलुङ राई

⁹ येशू मु़चु़मिमकु थेतेडा बाम्‍डी, मा उनी होनोलाम-आथो़लाम बाट्‌पा खोत्‍ले मु़चु़मिमका आरे र्‍वाक्‍तो येम्‍डी, “दाऊदकु तारापाचो़लाई होसन्‍ना! मिप्रङमाकु नङडा योक्‍पा गुमी जिनुङमा सो़! येप्‍पा पाह्रीलाम माम्‍चु़नीलाई होसन्‍ना!”

मत्ती 21:9 Referans Kwoze

लूका 2:14

“खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”

मत्ती 23:39

हेङालोने गो गानीलाई र्‍वाङु, ‘मिप्रङमाकु नङडा रोक्‍पा जिनुङमा सो़’ मेर्‍वानिमिमसम्‍म गानी गोलाई मेल्‍वाङिनी।”

मत्ती 21:15

लावो ङाउ डु़म्‍लाचो़मिम नुङ डु़म्‍ला सीपा पातु़म्‍रीमिमका गुमीका बेम्‍डिम हेल्‍लो वो मेल्‍वाम्‍मा खारीमिम ल्‍वाम्‍डी, मा चो़च्‍चो़मिमका वो सो़रनेमडा येत्तो, “दाऊदकु तारापाचो़लाई होसन्‍ना” र्‍वाक्‍पा थो़म्‍डी। मेम्‍मा मेर्मिमकाम उनी छोक्‍चो बक्‍ता।

मत्ती 9:27

येशू मेलामका लक्‍तोङा बेम्‍डिलो मिक्‍सीका मेल्‍वापा मु़चु़चिपका डोक्‍पु लो़लामका आरे र्‍वाक्‍तो उनी चङचङ लक्‍ची, “ए दाऊदकु तारापाचो़, गुचुकुडला न-थो़म रेम्‍बेनी।”

मत्ती 21:10

यरूशलेमगोनो येशू हुम्‍डिलो शहरडाम खोत्‍ले मु़चु़मिम छो़म येत्तो हिलाबेबेम्‍डी, “सु़ ओराम?”

लूका 13:35

रेप्‍नी, माम्‍चु़नीका गानीलाई डिट्‌निमिम बु। गो गानीलाई र्‍वाङु, हाम्‍सिसम्‍म गानी ‘मिप्रङमाकु नङडा रोक्‍पा आलाकाम सो़’ मेर्‍वानी मेम्‍लोसम्‍म गानी गोलाई मेल्‍वाङिनी।”