मत्ती 21:11 - थुलुङ राई

¹¹ सेर्पा मु़चु़का र्‍वाम्‍डी, “गुमी गालीलडाम नासरत देललामका बिम्‍डिम माम्‍चु़नीलाम-जेपा येशू।”

मत्ती 21:11 Referans Kwoze

यूहन्‍ना 6:14

येशूका बेम्‍डिम यु़मखारी ल्‍वाम्‍डिमा मे मु़चु़मिमका र्‍वाम्‍डी, “सु़म्‍दिसेरडा रोक्‍पा माम्‍चु़नीलाम-जेपा मु़चु़ आच्‍छाङा गुमीङा रेछा।”

यूहन्‍ना 7:40

येशूकु सिजेम थो़पा कोङनिम मु़चु़का र्‍वाम्‍डी, “ओराम मु़चु़ ने आच्‍छाङा माम्‍चु़नीलाम-जेपाङा सो़।”

लूका 7:16

मेकोतिमा मेर्मिम खोत्‍ले मु़चु़मिम ङिम्‍डी, मा माम्‍चु़नीकु नङ कोम्‍डी। मेम्‍मा र्‍वाम्‍डी, “माम्‍चु़नीलाम-जेपा कोले छो़म डोक्‍पु मु़चु़ इकीमाडा योम्‍डिम बु,” मा “माम्‍चु़नीका उनी त्‍वाकु मु़चु़मिमडला न-थो़म रेम्‍बेम्‍डिम बु।”

थु़र्मा 7:37

“मेराम मोशाका ङा, इस्राएलीमिमनुङ र्‍वाक्‍ताम बाइडा, ‘माम्‍चु़नीका गोलाई थुट्‌ङिडिमिम होम्‍साका ङा इनीमा वा-ल्‍वाकगोलामका इनीमा लागि माम्‍चु़नीलाम-जेपा कोङ मु़चु़ थुमी।’

यूहन्‍ना 9:17

मेर्मिमका मे मिक्‍सीका मेल्‍वापा बाइडाम मु़चु़लाई आथावो हिलाबेम्‍डी, “गुका इमा मिक्‍सी होर्साट्‌ना। गाना उमा दुथाम हाम र्‍वाना?” मेरामका र्‍वाक्‍ता, “गुमी माम्‍चु़नीलाम-जेपा कोङ मु़चु़।”

मत्ती 2:23

मा नासरत र्‍वाक्‍मा देलडा बाइडा। माम्‍चु़नीलाम-जेपामिमका आरेसाका र्‍वाम्‍डिम रोक्‍थिड्‌डा: “गुमीलाई नासरी र्‍वामी।”

यूहन्‍ना 4:19

मे सामरी मेसेमका र्‍वाक्‍ता, “ङाचो़, गानी ने माम्‍चु़नीलाम-जेपा कोले मु़चु़ र्‍वाक्‍पा गो लु़ङु।

यूहन्‍ना 1:21

मेर्मिमका गुलाई हिलाबेम्‍डी, “मेएँ माला सु़ गाना? गाना माम्‍चु़नीलाम-जेपा एलिया?” यूहन्‍नाका मेएँ र्‍वाक्‍ता। मेर्मिमका हिलाबेम्‍डी, “हाम गाना गुकु लथान्‍कुमिम माम्‍चु़नीलाम-जेपा मु़चु़?” गुका मेएँ र्‍वाक्‍ता।

मर्कूस 6:15

वाङमिमका र्‍वाम्‍डी, “ओराम ने एलिया डे रोओ।” आथावो वाङमिमका र्‍वाम्‍डी, “माके-माकेम माम्‍चु़नीलाम-जेपा मु़चु़मिम होप्‍मामङा कोले डे रोओ!”

लूका 24:19

गुमीका मेर्चिपनुङ हिलाबेम्‍डी, “हेप्‍माम ल्‍वा?” मेर्चिपका र्‍वाक्‍ची, “नासरतडाम येशूकु दुथाममिम ल्‍वा। गुमी यु़मनुङमा खारीमिम बेपा माम्‍चु़नीलाम-जेपा मु़चु़ मा माम्‍चु़नीकु ङादोडा नुङ खोत्‍ले मु़चु़मिमकु ङादोडा यु़मनुङमा सीपा मु़चु़ बाम्‍डी।

यूहन्‍ना 1:25

यूहन्‍नालाई हिलाबेम्‍डी, “गाना ख्रीष्‍ट वो मेएँ, एलिया वो मेएँ, माम्‍चु़नीलाम-जेपा मु़चु़ वो मेएँ माला हेङा मु़चु़मिमलाई कु-रु़दु़म ग्‍वानामिमिम?”

लूका 13:33

मेम्‍ङालोवो आनेप दिका, मा नाहाद्‌दा वो गो खारी बोमुम बुमु बासी, हेङालोने माम्‍चु़नीकु शहर यरूशलेमडा कोङङा माम्‍चु़नीलाम-जेपा आच्‍छाङा सिमी।

लूका 7:39

येशूलाई येट्‌पा फरिसीका ओराम ल्‍वास्‍तु़मा उ नड्‍डा आरे र्‍वाक्‍ता, “ओराम माम्‍चु़नीलाम-जेपा मु़चु़ माला ने हेप्‍माम मेसेमका गुलाई लु़प्‍तोङा लेडु़ र्‍वाक्‍साका चवा, हेङालोने मेराम ने छु़लचो़ मेसेम डे।”

मत्ती 21:10

यरूशलेमगोनो येशू हुम्‍डिलो शहरडाम खोत्‍ले मु़चु़मिम छो़म येत्तो हिलाबेबेम्‍डी, “सु़ ओराम?”

मत्ती 21:26

लावो ‘मु़चु़लामका’ र्‍वाक्‍ति माला मु़चु़मिमकाम ङिम बु, हेङालोने खोत्‍ले मु़चु़मिमका यूहन्‍नालाई माम्‍चु़नीलाम-जेपा मु़चु़ र्‍वाक्‍साका थो़र लु़म्‍डिम बु।”

मत्ती 21:46

मेर्मिमका येशूलाई चु़म्‍मु माल्‍मिडी, लावो सेर्पा मु़चु़डाम ङिम्‍डी। हेङालोने येशू माम्‍चु़नीलाम-जेपा मु़चु़ र्‍वाक्‍पा सेर्पा मु़चु़का मिम्‍मिडिम बाइडा।