मत्ती 20:1 - थुलुङ राई

¹ “पाह्री-किब्‍दी उ अङ्‍गूर येडा खारी बेपा मु़चु़मिम भ्रेमु लागि नेमसोसोकाङा लक्‍पा ये-दकु मु़चु़ होप्‍माम सो़।

मत्ती 20:1 Referans Kwoze

मत्ती 13:47

“पाह्री-किब्‍दी दिरिदिनगोयु़ ओप्‍मा पालुङ होप्‍मामङा सो़। मेगोडा खोत्‍ले खालकाम ङोमिम हुम्‍सिमी।

मत्ती 13:24

येशूका मेर्मिमलाई आथावो कोङमी सीसि-सो़म्‍दी र्‍वाम्‍डी, “पाह्री-किब्‍दी ने येडा जो़पा भ्रल फोडु़मिम कोले मु़चु़ होप्‍मामङा बु।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

यूहन्‍ना 15:1

“गो आच्‍छाङाकाम अङ्‍गूरकु रो़ल सो़, मा अङ्‍गूर रेपा आमा पाप बुमी।

मत्ती 25:1

“पाह्री-किब्‍दी ने धिप्‍रीमिम कुर्साका लारेपालाई क्रो़म्‍डा लक्‍पा को धु़म (१०) कन्‍या मेसेममिमकु ल्‍वा होप्‍माम सो़।

मत्ती 22:2

“पाह्री-किब्‍दी ने उ तारापाचो़कु लालीकुन्‍दाकाम ग्रुला खोक्‍पा कोले हप होप्‍माम सो़।

मत्ती 13:33

येशूका आथावो मेर्मिमलाई कोङमी सीसि-सो़म्‍दी र्‍वाम्‍डी, “पाह्री-किब्‍दी लङखाम होप्‍मामङा सो़। मेराम लङखाम कोले मेसेमका सो़बेम चामु लागि न-ङोले (२५) किलोग्राम फुलडा ङोल्‍लु़। मे खोत्‍ले फुलङा लङखामका लिस्‍तु़।”

मत्ती 13:31

येशूका मेर्मिमलाई कोङमी सीसि-सो़म्‍दी र्‍वाम्‍डी, “पाह्री-किब्‍दी कोले मु़चु़का उ येडा फोड्‌डु़म रायाकु भ्रल होप्‍मामङा सो़।

मत्ती 25:14

“पाह्री-किब्‍दी ने दोलेन्डा लक्‍पा कोङ मु़चु़का डु़ल्‍चो़मिमलाई उमा खाप्चीमिम पार्जो़ल्साका लक्‍पा होप्माम सो़।

मर्कूस 13:34

ओराम ने कोङ नेम-हपका उ नेमगोडाम खोत्‍ले डु़ल्‍चो़मिमकु त्‍वा-त्‍वाहोम ल्‍वाडा पार्जो़लु़मा उमा नेम लपा मु़चु़लाई चङचङया बाया वो र्‍वाजो़लमा उमा नेम डिसाका वाङथो़ लमिम होप्‍माम ङा बु।

मत्ती 3:2

“छु़ललाम ख्‍लोन्‍सिट्‌नी, हेङालोने पाह्री-किब्‍दी रोम्‍फामुङा खाप्‍डु़म बु।”

मत्ती 23:37

“ए यरूशलेमडाम मु़चु़नी, ए यरूशलेमडाम मु़चु़नी, माम्‍चु़नीलाम-जेपामिमलाई गानी सेनी, मा माम्‍चु़नीकु सेलाचो़मिमलाई लुङका ओम्‍नी। घ्‍लोमीका उ बुक्‍लोमिमलाई उ लाप्‍तेरकुगोयु़ बोडु़-थारु़मिम होम्‍साका गानीलाई बोमु-थार्मु माल्‍थाल्‍तो, लावो गानी मेबिन्‍सिट्‌निवा।

मत्ती 21:28

“गानी हाम मिम्‍नी? कोले मु़चु़काम नले उ तारापाचो़ बाच्‍ची। ङाचो़ उ तारापाचो़काडा गु लस्‍तामा र्‍वाक्‍ता, ‘ए थाकु, आनेप गाना अङ्‍गूर येडा लक्‍सामा खारी बे।’

मत्ती 20:2

मेकोतिमा कोलेमकाम खारीकु को मतोकु खउलुङ ग्‍वानिनी बु़डु़मा मु़चु़मिमलाई उ अङ्‍गूर येडा थु़र्स्‍तु़मी।