मत्ती 2:12 - थुलुङ राई

¹² माम्‍चु़नीका मे ज्‍योतिषीमिमलाई ङिमाडा “हेरोदकाडा मामा ख्‍लोन्‍सिनी सो़!” बेम्‍डी। मेम्‍मा मेर्मिम कोङमी ङा लाम्‍दीलाम उनी नेब्‍दी ख्‍लोम्‍सिम्‍डी।

मत्ती 2:12 Referans Kwoze

मत्ती 2:22

लावो यहूदियाडाम साखामचो़ हेरोदकु चो़ अर्खिलाउस दु़स्‍ता र्‍वाक्‍पा थो़स्‍तु़मा यहूदियाडा योसेफ लमु ङिस्‍ता। मेम्‍मा ङिमाडा पाह्रीचो़का गुलाई र्‍वाक्‍ताम होम्‍साकाङा गु गालील क्षेत्रथो़ लस्‍ता,

मत्ती 2:19

हेरोद सिडाम चङडा, मिश्र नेब्‍दीडा बाट्‌पा योसेफकु ङिमाडा मिप्रङमाकु कोले पाह्रीचो़ रेम्‍बेसिड्‌डा, मा आरे र्‍वाक्‍ता,

मत्ती 2:13

ज्‍योतिषीमिम लम्‍डिम चङडा, मिप्रङमाकु कोले पाह्रीचो़ योसेफकु ङिमाडा रेम्‍बेसिड्‌डा। मेम्‍मा गुका आरे र्‍वाक्‍ता, “बका, मे चो़च्‍चो़ नुङ उनी मामलाई लडामा मिश्र नेब्‍दीथो़ स्‍वाङ्ल्याडा। ख्‍लोसा मेर्‍वाङुमिमसम्‍म मेसिन्‍डाङा बाया, हेङालोने हेरोदका चो़च्‍चो़ सेन्‍मु लागि माल्‍मु खाप्‍डु़मिम बु।”

मत्ती 27:19

निया बेपा गन्‍खोपडा पिलातस गन्‍तासिट्‍डालो उमा नाइमेका आरे र्‍वाक्‍पा सेला थु़र्स्‍तु़, “हाम वो मेख्‍लो़ट्‌पा मेराम मु़चु़लाई हे वो मेबेनी, हेङालोने बासिन्‍था गो उमा दुथाम ङिमा म्‍वात्तोमा छो़म दु़खा ल्‍वाउतोम बु।”

मत्ती 1:20

लावो योसेफका आरेप्‍माम ल्‍वा मिम्‍तोङा बु़डु़लो उ ङिमाडा मिप्रङमा माम्‍चु़नीकु पाह्रीचो़ रेम्‍बेसिड्‌डा। मेम्‍मा गुनुङ र्‍वाक्‍ता, “दाऊदकु चो़-चु़सु़ योसेफ, मरियमलाई इ नाइमे दु़म्‍बेन्‍मु हाम होङङा वो मेलु़या, हेङालोने उ ङेलगोनो बाट्‌पा चो़च्‍चो़ ने माम्‍चु़नी-पेलका मुन्‍बेट्‌मिडिम सो़।

हिब्रू 11:7

थो़रकाङा नोआका उमा नेमडाममिमलाई होङकोर्माडाम सेल्‍मु कोले डोक्‍पु कुबी-बोक्‍सा बनेबु़डु़। मेरामडाम ङादो हेल्‍लो वो मेदु़म्‍थेङा बाट्‌पा ल्‍वाकु दुथाम गुलाई चङचङया बाबेट्‌पा माम्‍चु़नीका र्‍वाम्‍डिम होङङा गुका बु़डु़। थो़रकाङा गुका सु़म्‍दिसेरलाई मुमा बेड्‌डु़ मा थो़रकाङा गुलाई माम्‍चु़नीका जो़पा र्‍वाम्‍डी।

थु़र्मा 5:29

लावो पत्रुस नुङ थु़र्मामिमका र्‍वाम्‍डी, “मु़चु़मिमका र्‍वामिमिम ने मेएँ, माम्‍चु़नीका र्‍वामिमिम ङा गुकु थो़मु बासी।

थु़र्मा 4:19

लावो पत्रुस नुङ यूहन्‍नाका मेर्मिमनुङ र्‍वाक्‍ची, “माम्‍चु़नीका र्‍वामिमिम थो़मु डिसाका गानी र्‍वानिमिम थो़मु माम्‍चु़नीकु मिक्‍सीलामडा हाङकोम जो़पा दु़म गानी इनी त्‍वाका ङा मिम्‍नी।

१ कोरिन्थी 3:19

हेङालोने ओराम सु़म्‍दिसेरकु नेप्‍ची माम्‍चु़नीकु ङादोडा नेप्‍ची मान्थिम ल्‍वा सो़। माम्‍चु़नीकु सिजेमका वो र्‍वा, “माम्‍चु़नीका मे नेप्‍चीनुङमा मु़चु़मिमकु बाछेन्‍दा लिसीडा चु़म्‍मी।”

लूका 2:26

मा “मिप्रङमाकु ख्रीष्‍ट मेल्‍वाथु़मसम्‍म इमा साम मेल” र्‍वाक्‍साका माम्‍चु़नी-पेलका गुलाई रेम्‍बेम्‍डिम बाइडा।

थु़र्मा 10:22

मेर्मिमका र्‍वाम्‍डी, “गुकु कप्‍तान कर्नेलियसका थु़र्तिकिम बु। गुमी माम्‍चु़नीकु मिक्‍सीलामडा जो़पा खारी बेपा नुङ माम्‍चु़नीकु ङिम जु़ल्‍पा, मा खोत्‍ले यहूदीमिमका जो़पा माल्‍मिडिम कोङ मु़चु़ बुमी। इनीमा सिजेम गुमीका थो़मु माम्‍चु़नीकु कोङ पाह्रीचो़का गानी कर्नेलियसकु नेमडा येन्‍बेट्‌निमिम बु।”

हिब्रू 8:5

मेर्मिमका खारी बेपा खोम ने पाह्रीलाम बाट्‍पा आच्‍छाङाकाम सेपा खोम होङङा ल्‍वासिक्‍पा ओल होप्‍माम कोङङा सो़। हेङालोने मोशाका सो़रलोले बेपा खोम बनेबोमु खाप्‍डु़लो माम्‍चु़नीका गुलाई आरे बेम्‍डिम बाइडा, “मेराम हेसाका बनेबे र्‍वाक्‍साका गानालाई पोप्‍चङडला रेम्‍बेट्‌मा बाइडा मेराम होम्‍साका गाना खोत्‍ले बनेबे।”