मत्ती 19:9 - थुलुङ राई

⁹ गो गानीलाई र्‍वाङु, उ मोचु़का नाम्‍सु़रु़ मेबु़ लावो गुलाई डिसाका उहेमका वाङमिम मेसेमलाई लालीकुन्‍दा बु़, मेराम मु़चु़का नाम्‍सु़रु़ बु़।”

मत्ती 19:9 Referans Kwoze

मत्ती 5:32

लावो गो र्‍वाङु, इनी नाइमेका नाम्‍सु़रु़ मेबेथु़मसम्‍म गानी गुलाई मेडिट्‌नी वो। गानी गुलाई डिट्‌नी माला कोङनिमका वाङमिमकु नाइमेलाई लालीकुन्‍दा बु़लो नाम्‍सु़रु़ बु़मिम होङङा गुलाई वो गानी नाम्‍सु़रु़ बेबेनिमिम दु़म।

लूका 16:18

“उहेम मु़चु़का उ त्‍वाकु नाइमे ङेडु़मा कोङमी मेसेमलाई लालीकुन्‍दा बु़ माला मेराम मु़चु़का नाम्‍सु़रु़ बु़। मेम्‍मा उ वोचु़का ङेडु़मिम मेसेमलाई लालीकुन्‍दा बेपा मु़चु़का वो नाम्‍सु़रु़ बु़।

१ कोरिन्थी 7:39

वोचु़कु साम बुमिमसम्‍म मोचु़का वाङमिमनुङ लालीकुन्‍दा बोमु मेल्‍वासु़। लावो उ वोचु़ सिमिम चङडा उ न होप्‍माम मु़चु़नुङ लालीकुन्‍दा बोमु चाप्‍सु़। लावो मेराम मु़चु़ ने ङाचो़ येशूडा थो़रलु़पा दु़म्‍मु बासी।

१ कोरिन्थी 5:1

गानीगोडाम कोङनिमका नाम्‍सु़रु़ बेन्‍निम बु ए र्‍वाक्‍पा ल्‍वा गो थो़उतोम बु, मा गानीगोडाम कोलेका उमा रेन्दु़मो माम ङा जु़ल्‍लु़म बु ए। आरेप्‍माम नाम्‍सु़रु़ ने वाङसामामिमगोडा वो मेदु़म।

१ कोरिन्थी 7:4

नाइमेकु मिरो़म उ त्‍वाकाम मेएँ, लावो उ वोचु़काम सो़। मेम्‍साकाङा वोचु़कु मिरो़म उ त्‍वाकाम मेएँ, लावो उ नाइमेकाम वो सो़।

मत्ती 19:8

गुमीका मेर्मिमलाई र्‍वाम्‍डी, “इनी न-गो लुङ होप्‍माम बाइडामका मोचु़लाई डिन्‍मु नु़ र्‍वाक्‍साका मोशाका गानीलाई र्‍वाक्‍ताम सो़। लावो सु़म्‍दिमोलो ने मेप्‍माम मेबायावा।

मत्ती 19:10

सीसिपामिमका गुमीलाई र्‍वाम्‍डी, “वोचु़-मोचु़गोडा आरेप्‍माम दु़म माला ने लालीकुन्‍दा मेबोमुङा जो़पा दु़म।”