मत्ती 19:16 - थुलुङ राई

¹⁶ कोलेम कोले स्‍वाला येशूकाडा रोक्‍तामा हिलाबु़डु़, “ङाचो़, हेल्‍लो वो मेसिपा त्‍वारो़म ल्‍वामु लागि जो़पा खारी गो हाम बोमु बासी?”

मत्ती 19:16 Referans Kwoze

यहूदा 1:21

इनी त्‍वापलाईङा माम्‍चु़नी रिखामगोडा जु़ल्‍नी मा मेसिपा त्‍वारो़म ल्‍वामु इकीमा ङाचो़ ख्रीष्‍टकु न-थो़म लन्‍थाट्‌नी।

यूहन्‍ना 3:15

मा सु़-सु़का गुमीडला थो़र बोमी, मेर्मिमका मेसिपा त्‍वारो़म ल्‍वामी।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

१ यूहन्‍ना 1:2

माम्‍चु़नीका गुमीलाई रेम्‍बेम्‍डी, मा गुकु ल्‍वात्तोको मा गुकु उनीमा दुथाम सो़कु। मेम्‍मा हेल्‍लो वो मेसिपा मेराम त्‍वारो़मकु दुथाम गानीनुङ सो़कु। गुमी पापनुङ बाम्‍डी, मा माम्‍चु़नीका गुकुनुङ रेम्‍बेम्‍डी।

मत्ती 25:46

“मेर्मिम मु़चु़ हेल्‍लो लोवो देन्‍दे ल्‍वापाम बाट्‌पाडा लमी, लावो माम्‍चु़नीकु लाम्‍दीडा लाम्‍दिपा मु़चु़मिमका ने हेलो वो मेसिपा त्‍वारो़म ल्‍वामी।”

तीतस 3:7

मेम्‍साका उनीमा दिदामका उनीमा न-गो होप्‍माम दु़म्‍साका हेल्‍लो वो मेसिपा त्‍वारो़म ल्‍वामु न बेपा उनीमा चो़मिम दु़म्‍सिनु़।

१ यूहन्‍ना 2:25

येशू ख्रीष्‍टका गुइलाई हेल्‍लो वो मेसिपा त्‍वारो़म ग्‍वानिनी र्‍वाम्‍डिम बु।

तीतस 1:2

ओराम थो़र नुङ आच्‍छाङाकु सिजेम थेसिथेट्‌पा नेप्‍चीलाम मेर्मिमका त्‍वारो़म ल्‍वामु लागि लथाक्‍पा दु़म्‍मी। मेराम त्‍वारो़म हेल्‍लो वो लिमा मेथेट्‌पा माम्‍चु़नीका सु़म्‍दिमोलोङा याचे जेम्‍डिम बाइडा।

१ तिमोथी 6:19

आरे बेसाका मेर्मिमका पाह्रीला खाप्‍ची जु़ल्‍जो़ल्‍मिनु़। मेराम ने रोक्‍पा थारीका मेर्मिमकाम लागि जो़पा जग गट्‌मा होप्‍मामङा सो़, मा मेर्मिमका आच्‍छाङाकाम त्‍वारो़म ल्‍वामी।

१ तिमोथी 6:12

त्‍वाकु थो़र बोमु-थार्मु र्‍वाक्‍मा ओन्‍सीडा ओन्‍मु होप्‍मामङा सो़। मेम बोमु गाना चाप्‍तो-मेचाप्‍तो ओन्‍डा। हेल्‍लो वो मेसिपा त्‍वारो़म झेथडा। मेराम त्‍वारो़म गाना हापा मु़चु़मिमकु ङादोडा थो़र लु़ङु र्‍वाक्‍नालो माम्‍चु़नीका ग्‍वाक्‍नामिम बाइडा।

थु़र्मा 16:30

मेर्चिपलाई पाखानो ख्‍लुक्‍तु़चिमा मेरामका र्‍वाक्‍ता, “ङाचो़ची, सेल्‍सिमु लागि गो हाम बोमु बासी?”

रोमी 5:21

मेराम थारीका छु़लका सिमुलाम रेड्‍डु़ मा मु़चु़मिमडला साखाम थो़डु़म होम्‍साकाङा ओम्‍लो माम्‍चु़नीकु दिदामका साखाम थो़त्तोङा बु़। ओराम दिदामका गुइलाई माम्‍चु़नीकु ङादोडा जो़पा न-गोकाम दु़म्‍बेसाका इकीमा ङाचो़ येशू ख्रीष्‍टलाम हेल्‍लो वो मेसिपा त्‍वारो़म ग्‍वाक्‍साड्‍डामिम बु।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

यूहन्‍ना 12:25

उ त्‍वाकाम लागि नु़पा मु़चु़का त्‍वारो़म मेल्‍वासु़। ओराम सु़म्‍दिसेरडा उ त्‍वाकाम लागि नु़मु मेद्‌वाक्‍पाका त्‍वारो़म ल्‍वासु़।

यूहन्‍ना 10:28

मेर्मिमलाई मेसिपा त्‍वारो़म ग्‍वाक्‍पुमी, मा मेर्मिम हेल्‍लो वो पुयु़ मेलुमी, मा सु़का वो मेर्मिमलाई आमा ल्‍वालामका रोसाका लमु मेचाप्‍सु़।

यूहन्‍ना 6:68

सिमोन पत्रुसका गुमीलाई र्‍वाक्‍ता, “ए ङाचो़, गुकु सु़काडा लमु मा? गानीनुङ मेसिपा त्‍वारो़मकु सिजेम बु।

यूहन्‍ना 6:47

आच्‍छाङा गो गानीलाई र्‍वाङु, उहेमका गोडला थो़र बु़, गुनुङ मेसिपा त्‍वारो़म दु़म।

यूहन्‍ना 5:39

माम्‍चु़नीकु सिजेम गानी डानी, हेङालोने मेरामका मेसिपा त्‍वारो़म ग्‍वाक्‍सा र्‍वाक्‍पा गानी लु़नी। मेरामका आमा दुथामङा सो़यु़।

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

मत्ती 19:29

मेम्‍मा उहेमका आमा लागि उ त्‍वाकु नेम, वा-ल्‍वाक लोवो, रिचो़ लोवो, माम-पाप लावो, चो़च्‍चो़मिम लोवो, ये-द लोवो डिड्‌डु़म बु, मेरामका को सङङा (१००) हापा ल्‍वासु़। मेम्‍मा हेल्‍लो वो मेसिपा त्‍वारो़म ल्‍वापा दु़म।

१ तिमोथी 1:16

लावो छु़लचो़मिमगोडाम छो़म डोक्‍पु छु़लचो़ दु़म्‍साका वो गोलामका येशू ख्रीष्‍टका खोत्‍ले इम्‍सिक्‍साका रेम्‍बोमु चाम्‍मिनु़, मा गुमीडला थो़र लु़साका हेल्‍लो वो मेसिपा त्‍वारो़म ल्‍वापामिमकाम लागि गो कोले रेम्‍बेपा मु़चु़ दु़म्‍मु चापुनु़ र्‍वाक्‍साका न-थो़म ल्‍वाउतो।

मत्ती 19:26

येशूका मेर्मिमलाई किकिर्या रेप्‍तो र्‍वाम्‍डी, “ओराम बोमु मु़चु़मिमका मेचाम्‍मी, लावो माम्‍चु़नीका ने खोत्‍ले बोमु चाम्‍मी।”

मत्ती 19:15

मेकोतिमा चो़च्‍चो़मिमडला येशूका ल्‍वा जु़ल्‍मिडिमा गुमी मेलामका लम्‍डी।