मत्ती 19:11 - थुलुङ राई

¹¹ येशूका मेर्मिमलाई र्‍वाम्‍डी, “खोत्‍ले मु़चु़का ओराम सीसि रमु मेचाम्‍मी। माम्‍चु़नीका मेम्साका बुमु चापा दु़म्‍बेट्‌मिडिमिमका कोङङा आरे बोमु चाम्‍मी।

मत्ती 19:11 Referans Kwoze

१ कोरिन्थी 7:17

माम्‍चु़नीका येट्‌निमिलो ङादो गानी खोत्लेङा हेप्‍माम बासीडा बान्‍नी मा ङाचो़ येशूका गानीलाई हामकाम लागि थु़ट्‌निमिमिम बु, मेम्साका ङा गानी बानिम बानी। खोत्‍ले मण्‍डलीका बोमु बासिक्‍पा आमा सीसि वो ओराम ङा सो़।

१ कोरिन्थी 7:35

गो इनीमा लागि पेर देन्‍मु माल्‍तोम मेएँ, गानीलाई जो़पा दु़म्‍नु़ र्‍वाक्‍साका ओराम ल्‍वा र्‍वाङुमिम सो़। गानी वाङमिम ल्‍वाडा मिम्‍ताम-सो़र्ताम मेबेसाका छो़म न सोक्‍नीमा ङाचो़कु सो़रलोले बेनिम बानी र्‍वाक्‍पा आमा न बु।

१ कोरिन्थी 7:2

लावो हापा नाम्‍सु़रु़ दु़म्मिमका खोत्‍ले वोस्‍चो़काम उनी त्‍वाकामङा नाइमे दु़म्‍मु बासी, मा खोत्‍ले मेसेमकाम उनी त्‍वाकामङा वोचु़ दु़म्‍मु बासी।

मत्ती 13:11

गुमीका मेर्मिमलाई र्‍वाम्‍डी, “माम्‍चु़नीकु किब्‍दी हाम र्‍वाक्‍साका आच्‍छाङा छेपा सामा गानीलाई ने ग्‍वाक्‍मा बु, लावो वाङमिमलाई ने ग्‍वाक्‍मा मिबु।

मत्ती 19:10

सीसिपामिमका गुमीलाई र्‍वाम्‍डी, “वोचु़-मोचु़गोडा आरेप्‍माम दु़म माला ने लालीकुन्‍दा मेबोमुङा जो़पा दु़म।”

मत्ती 19:12

हेङालोने कोङनिम मु़चु़ गमिलोङा चो़ कमु मेचापा गमी, याङ मु़चु़लाई वाङमिमका चो़ कमु मेचापा बनेबोमी। मेम्‍मा याङ मु़चु़ ने माम्‍चु़नीकु किब्‍दीकाम लागि लालीकुन्‍दा मेबेपा मुलु़ बोमी। उहेमका ओराम सीसि रमु चाप्‍सु़, मेरामका रङु़नु़।”