मत्ती 17:5 - थुलुङ राई

⁵ गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

मत्ती 17:5 Referans Kwoze

मत्ती 3:17

मेम्‍मा पाह्रीलामका कोङ लो़लामका आरे र्‍वाक्‍ता, “गो छो़म द्‌वाक्‍पुमिम ओराम आमा तारापाचो़, गुडाम गो छो़म गेर्सिक्‍पा बुङु।”

मत्ती 12:18

“गो छेत्तोम आमा डु़ल्‍चो़ आसिन्‍डा बु, गुलाई गो द्‌वाक्‍पु, मा गुनुङ गो गेर्सिद्‌वाक्‍पा बुङु, गो आमा पेलका गुलाई लु़ट्‌पु, मा गुका खोत्ले सामाकाम मु़चु़मिमलाई मेर्मिम सेल्‍सिमिमिमकु दुथाम सो़यु़।

मर्कूस 9:7

मेकोतिमा मेसिन्‍डा खासे रोक्‍तामा मेर्मिमलाई हुप्‍डु़मी, मा खासेलामका कोङ लो़लामका र्‍वाम्‍डी, “ओराम गो छो़म द्‌वाक्‍पुमिम आमा चो़, ओरामका र्‍वामिम थो़नी।”

यूहन्‍ना 3:35

पापका तारापाचो़लाई रिखाम बोमी, मा खोत्‍ले उनीमा ल्‍वाडाङा ग्‍वाम्‍डिम बु।

मर्कूस 1:11

मेकोतिमा पाह्रीलामका कोले लो़लामका आरे र्‍वाक्‍ता, “गाना गो छो़म द्‌वानिमिम आमा चो़, मा गानानुङ गो छो़म गेर्सिट्‌पा बुङु।”

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।

लूका 3:22

मा माम्‍चु़नी-पेल तुक्‍तुकुर होङ्‍ङा बेपा गुमीडला योम्‍डी। मेम्‍मा पाह्रीलामका आरे र्‍वाक्‍पा लो़लाम जेस्‍ता, “गाना गो छो़म द्‌वानिमिम आमा तारापाचो़, गानाडाम गो छो़म गेर्सिद्‌वाक्‍पा बुङु।”

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

थु़र्मा 7:37

“मेराम मोशाका ङा, इस्राएलीमिमनुङ र्‍वाक्‍ताम बाइडा, ‘माम्‍चु़नीका गोलाई थुट्‌ङिडिमिम होम्‍साका ङा इनीमा वा-ल्‍वाकगोलामका इनीमा लागि माम्‍चु़नीलाम-जेपा कोङ मु़चु़ थुमी।’

यूहन्‍ना 5:37

गोलाई थु़र्पा पाप उनी त्‍वाकाङा आमा दुथाम सो़म्‍डी। उनीमा लो़लाम गानी हेल्‍लो वो थो़न्‍निम मिबु, मा उनीमा ङाली हेल्‍लो वो ल्‍वान्‍निम मिबु।

कलस्‍सी 1:13

गुमीका गुइलाई तुकुम्‍चिम गोडा साखाम थो़पा शैतानकु किब्‍दीलामका गेसाका ख्‍लुक्‍साड्‌डामी मा उनीमा द्‌वादीबुङ तारापाचो़कु किब्‍दीगोडा रेसाड्‌डामी।

एफिसी 1:6

मेम्मिमका गुमीका द्‌वादीबुङ उनीमा चो़ ख्रीष्‍टलामका गुइलाई मेडेङा ग्‍वाक्‍साड्‌डामिम ङाङाया दु़म्‍सीमिम उनीमा डोक्‍पु दिदामकाम लागि गुइ आलासो़ र्‍वाकी।

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

थु़र्मा 1:9

येशूका ओराम ल्‍वा र्‍वामु डु़म्‍मिडिमा मेर्मिमका रेप्‍मिडी होङ्‍ङा गुमी धामुथो़ कोम्‍सिम्‍डी, मा खासेडा मेर्मिमकु मिक्‍सीलामडा दाम्‍मिडी।

मत्ती 17:6

सीसिपामिमका ओराम लो़लाम थो़म्‍डी मेडे छो़म ङिम्‍डिमा खुम्‍बु बेम्‍ल्‍याम्‍डी।

रेम्‍बेट्‌मिडिम ल्‍वा 14:14

मेम्‍मा गो रेप्‍तो मा आमा ङादोडा बुबुयाम खासे बाइडा, मा मेडला मिनीचो़ होप्‍माम कोले गन्‍तासिट्‌मिडी। उनीमा बुइडला सो़नाकु मुकुट खुम्‍तासिम्‍डी, मा उनीमा ल्‍वाडा हन्‍पा कोले बन बाइडा।