मत्ती 17:12 - थुलुङ राई

¹² लावो गो गानीलाई र्‍वाङु, एलिया ने ङादोङा योमु दु़म्‍स्‍तु़म बु। लावो मु़चु़मिमका गुलाई मेछेमिवामा उनी हाम बेबे द्‌वाक्‍ता मेङा बेम्‍डी। मेम्‍साकाङा मिनीचो़लाई मेर्मिमका दु़खा ग्‍वामी।”

मत्ती 17:12 Referans Kwoze

मत्ती 16:21

गुमी यरूशलेम लमुङा बासिक्‍पा, मा ङाउमिमका, ङाउ डु़म्‍लाचो़मिमका नुङ डु़म्‍ला सीपा पातु़म्‍रीमिमका हापा ल्‍वालाम गुमीलाई दु़खा ग्‍वामी, गुमीलाई सेन्‍मी, लावो सुलेमनेम गुमी बम्‍गेट्‌मी र्‍वाक्‍साका मेम्‍लो आथाम येशूका उनी सीसिपामिममनुङ सो़मु चो़म्‍मिडी।

थु़र्मा 4:10

इस्राएलडाम खोत्‍ले मु़चु़का नुङ गानी खोत्‍लेका चनी, गानी येशूलाई क्रूसडा चेट्‌नी, लावो माम्‍चु़नीका गुमीलाई सिमुलाम फम्‍डी, ओराम मु़चु़ मेराम नासरतडाम येशू ख्रीष्‍टकु नङडा ङा सस्‍ता, मा इनी ङादोडा येम्‍तासिमिम बु।

थु़र्मा 7:52

इनीमा ङाउ-खुउमिमका दु़खा मेग्‍वाक्‍मिवाम माम्‍चु़नीलाम-जेपा सु़ बुमी मा? माम्‍चु़नीकु नङका साट्‌मा मेराम उनी डु़ल्‍चो़ रोक्‍तोङा बोमी र्‍वाक्‍साका सेला थो़बेट्‌पा माम्‍चु़नीलाम-जेपामिमलाई वो मेर्मिमका सेट्‌मिडी। गानी ने माम्‍चु़नीकु डु़ल्‍चो़कु कोर्थो़लाम बक्‍निमा सेट्‌नी।

थु़र्मा 2:23

येशू गानीलाई ग्‍वामु माम्‍चु़नीकाम ङादो आथाममिम उनी मुलु़ नुङ न बाइडा। मेम्‍मिमका गानी गुमीलाई मेजो़पा मु़चु़मिमलाई ग्‍वाक्‍साका क्रूसडा चेसाका सेन्‍बेट्‌नी।

यूहन्‍ना 1:11

गुमी उनी त्‍वाकु मु़चु़मिमकाडा योम्‍डी, लावो उनी मु़चु़मिमका गुमीलाई हुनाखाना मेबेमिवा।

लूका 7:33

“कु-रु़दु़म ग्‍वाक्‍पा यूहन्‍ना रोक्‍ता, मा उपास बाइडा मा अङ्‍गूरकु बिलाम मेडुङु़वा। गानी मेरामलाई ‘मुनाङका हुप्‍डु़म मु़चु़’ र्‍वाक्‍नी।

मत्ती 21:32

हेङालोने कु-रु़दु़म ग्‍वाक्‍पा यूहन्‍ना माम्‍चु़नीका माल्‍मिमिम होम्‍साका गानीलाई दो़बेड्‌डा इनीमाडा रोक्‍ता। लावो गुका र्‍वाक्‍ताम ल्‍वाडा गानी थो़र मेलु़निवा। कर फक्‍पामिम नुङ वेश्‍यामिमका ने गुका र्‍वाक्‍ताम ल्‍वाडा थो़र लु़म्‍डी। मेर्मिमका थो़र बेम्‍डिम ल्‍वान्‍निमा वो गुका र्‍वाक्‍ताम ल्‍वाडा थो़र बोमु मेबिन्‍सिट्‌निवा, मा इनीमा छु़ललाम मेख्‍लोन्‍सिट्‌निवा।”

मत्ती 11:2

कु-रु़दु़म ग्‍वाक्‍पा यूहन्‍ना झ्‍यालखानडा बाइडालो ख्रीष्‍टका बेम्‍डिम खारीकु दुथाम थो़स्‍तु़, मा उ सीसिपामिमलाई उनीमाडा हिलाबेप्‍डा थु़र्स्‍तु़मी,

मत्ती 8:20

येशूका मेरामलाई र्‍वाम्‍डी, “सेरुलीमिमकाम उनी बाखोप रोङगा बु। चक्‍पुमिमकाम वो उनी बाखोप पान्‍जी बु, लावो मिनीचो़काम ने ङेसिखोप वो मिबु।”

मत्ती 17:9

पोप्‍चङडलामका मेर्मिम धाली योक्‍तोङा बेम्‍डिलो येशूका सीसिपामिमलाई र्‍वाम्‍डी, “गानी हाम ल्‍वान्‍निम मिनीचो़ सिमुलाम मेबगेमिमसम्‍म मेरामकु दुथाम सु़नुङ वो मेर्‍वानी वो।”

मत्ती 17:11

गुमीका मेर्मिमलाई र्‍वाम्‍डी, “आच्‍छाङा एलिया यो, मा खोत्‍ले झो़म्‍सिबेट्‌जो़लु़।

मत्ती 17:13

मेकोतिमा गुमीका कु-रु़दु़म ग्‍वाक्‍पा यूहन्‍नाकु दुथाम सो़म्‍डिम र्‍वाक्‍पा सीसिपामिमका थेसिथेट्‌मिडी।

मत्ती 17:22

येशू नुङ उनी सीसिपामिम गालील इलाकाडा खोम्‍सिम्‍डिलो येशूका मेर्मिमलाई र्‍वाम्‍डी, “मिनीचो़ मु़चु़मिमकु ल्‍वाड्‌डा भ्रेन्‍सिमु खाप्‍डु़मिम बु।