मत्ती 16:8 - थुलुङ राई

⁸ मेर्मिमका हिलाहिसी बेबेम्‍डिमकु दुथाम येशूका चम्‍डिमा र्‍वाम्‍डी, “याक्‍के थो़रनुङमा ए मु़चु़नी, गानीनुङ सो़बेम मिबु र्‍वानिमा हेङा इनी त्‍वाप-त्‍वापडा हिलाहिसी बेबोनिमिम?

मत्ती 16:8 Referans Kwoze

मत्ती 6:30

आनेप बाट्पा मा दिकाम मुडडा घ्रु़पा सो़ब्‍दी बुङमालाई ने माम्‍चु़नीका आरेसाका रेम्‍मी माला गुमीका गानीलाई आच्‍छाङा मेरेम्‍नी मा? हेङा गानी कि-कि थो़रलु़निमिम?

मत्ती 14:31

येशूका दालाङा उनी ल्‍वा हम्‍मिडिमा गुलाई रो़पझेट्‌मिडी, मा र्‍वाम्‍डी, “गाना याक्‍के थो़रनुङमा मु़चु़, हेङा इमा नड्‌डा मुर्सिट्‌नाम?”

मर्कूस 16:14

चङडा को-कोङ (११) सीसिपामिम ग्रुला पेप्‍डा गन्‍मिडिलो येशू मेर्मिमकाडा ल्‍वाला सो़सिम्‍डी। मेकोतिमा लुङ होप्‍माम मेर्मिमकु नगो नुङ मेर्मिम थो़रमेलु़मिवामडाम गुमी छो़म भुर्मिडी, हेङालोने येशू सिमुलाम बम्‍गेम्‍डिमा गुमीलाई ल्‍वापामिमकु ल्‍वाडा मेर्मिम थो़र मेलु़मिवाम बाइडा।

मत्ती 8:26

येशूका मेर्मिमलाई र्‍वाम्‍डी, “याक्‍के थो़रनुङमा मु़चु़नी, गानी हेङा ङिनिमिम?” मेकोतिमा येशू बम्‍डिमा ब्‍लोजु़ नुङ कुकु बाबारिमलाई भुर्मिडी, मा छो़म पपया दु़स्‍ता।

रेम्‍बेट्‌मिडिम ल्‍वा 2:23

मेराम मेसेमकु चङचङ लाम्‍दिपामिमलाई गो सेट्‌पुमी। मेम्‍मा खोत्‍ले मु़चु़मिमकु न-गोडाम ल्‍वा चक्‍पा गोङा सो़ र्‍वाक्‍साका खोत्‍ले मण्‍डलीका ओराम ल्‍वा चमी। मेम्‍मा इनीमा बासी-दोसीलाम हाम ल्‍वामु घ्रेट्‌पा बुनी मेराम होम्‍साका गो गानी खोत्‍लेलाई ग्‍वानिनी।

हिब्रू 4:13

सु़म्‍दिडा बाट्‌पा हाम वो गुमीलामका थमु मेझाम। उनीमा मिक्‍सीलामडा खोत्‍लेमथोक छ्‍याङलो-छ्‍याङलो बु। मेम्‍मा गुइ बिइडिम खोत्‍ले ल्‍वा गुमीनुङ सो़मु बासी।

यूहन्‍ना 16:30

गानी खोत्‍ले चनी, मा सु़का वो गानीनुङ हिलाबोमु मेबासी। गानी माम्‍चु़नीलामका योक्‍निम र्‍वाक्‍साका ओरामलामका गुकु थो़र बोकु।”

मत्ती 16:7

मेर्मिमका उनी त्‍वाप-त्‍वापडा आरे र्‍वाबोमु चो़म्‍मिडी, “गुइ सो़बेम मेकुरिवामका गुमीका आरे र्‍वामिमिम रो ओ।”