मत्ती 15:1 - थुलुङ राई

¹ येरूशलेमलाम कोङनिम फरिसीमिम नुङ यहूदीकु डु़म्‍ला सीपा पातु़म्‍रीमिम येशूकाडा रोम्‍डिमा र्‍वाम्‍डी,

मत्ती 15:1 Referans Kwoze

थु़र्मा 23:9

मेसिन्‍डा छो़म येम्‍डी-दुम्‍डी, मा फरिसीमिमगोडाम डु़म्‍ला सीपा पातु़म्‍रीमिमका बम्‍डिमा आरे र्‍वाम्‍डी, “ओराम मु़चु़काडा गुकु मेजो़पा ल्‍वा हाम वो मेर्डाकुवा। पेल नुङ पाह्रीचो़लामका वो ओराम जेस्‍ताम दु़म्‍मु चाप्‍सु़।”

लूका 5:30

लावो फरिसीमिम नुङ यहूदीमिमकु डु़म्‍ला सीपा पातु़म्‍रीमिमका येशूकु सीसिपामिमकु कोर्थो़लाम आरे र्‍वाक्‍तो छो़म सु़म्‍बुर्मा किन्‍मु चो़म्‍मिडी, “कर फक्‍पामिम मा वाङमिम छु़लचो़मिमनुङ गानी हेङा कोदेप पोनी डुनिमिम?”

लूका 5:21

लावो येशूका आरे र्‍वाम्‍डिम थो़म्‍डिमा मे यहूदीकु डु़म्‍ला सीपा पातु़म्‍रीमिम नुङ फरिसीमिमका उनी नड्‍डा आरे र्‍वाक्‍पा मिम्‍मु चो़म्‍मिडी, “माम्‍चु़नीलाई डक्‍साका जेपा ओराम मु़चु़का उ त्‍वापलाई सु़ र्‍वाक्‍पा मिम्‍सी? माम्‍चु़नीका कोङङा छु़ल हेम्‍मु ने चाम्‍मी।”

लूका 5:17

कोलेम येशूका मु़चु़मिमलाई सीत्तोङा लेट्‌मिडिम बाइडा। गालील नुङ यहूदियाडाम खोत्‍ले देलडाम मा यरूशलेमलामका रोक्‍पा फरिसीमिम नुङ यहूदीकु डु़म्‍ला सीपा पातु़म्‍रीमिम मेसिन्‍डा रोम्‍डिमा गन्‍तासिट्‌मिडिम बाइडा। मेकोतिलो नो़पामिम सबेट्‌पा यु़म माम्‍चु़नीका येशूलाई ग्‍वाम्‍डिम बाइडा।

मर्कूस 3:22

यरूशलेमलामका योक्‍पा यहूदीमिमकु डु़म्‍ला सीपा पातु़म्‍रीमिमका र्‍वाम्‍डी, “मेरामनुङ बालजिबुल मुनाङ बु, मा गुका मुनाङकु ङाउकाङा मु़चु़मिमकु गोलामका मुनाङमिम ख्‍लुकु़मी।”

मत्ती 23:2

“मोशाकु डु़म्‍लाका र्‍वामिम ल्‍वा सीपा साखाम फरिसीमिम नुङ डु़म्‍ला सीपा पातु़म्‍रीमिमनुङ बु।

मत्ती 5:20

हेङालोने गो गानीलाई र्‍वाङु, डु़म्‍लाका र्‍वामिम ल्वा डु़म्‍ला सीपा पातु़म्‍री नुङ फरिसीमिमडाम वो जो़होमका मेबेनिवा माला आछाङा गानी पाह्री-किब्‍दीडा हुमु मेल्‍वानी।

यूहन्‍ना 1:19

यरूशलेमडाम डोक्‍पु यहूदीमिमका कु-रु़दु़म ग्‍वाक्‍पा यूहन्‍नालाई “सु़ गाना?” र्‍वाक्‍साका हिलाबेप्‍डा डु़म्‍लाचो़मिम नुङ लेवीमिमलाई थु़र्मिडी। मेम्‍लो यूहन्‍नाका ओराम सो़यु़डु़म बाइडा।

थु़र्मा 25:7

पावल मेसिन्‍डा रोक्‍तामा यरूशलेमलामका रोक्‍पा यहूदीमिम उ होनोलाम-आथो़लाम येम्‍सिम्‍डी, मा मेर्मिमका पावललाई हापा ङा मुमा बेट्‌मिडी। लावो मे मुमा बेट्‌मिडिम ल्‍वा आच्‍छाङा र्‍वाक्‍पा रेम्‍बोमु मेचाप्‍मिवा।