मत्ती 14:3 - थुलुङ राई

³ ओरामडाम ङादो, हेरोदका यूहन्‍नालाई चु़म्‍डु़मा बसाका झ्‍यालखानगोडा चक्‍तु़म बाइडा। हेरोदका उ ल्‍वाक फिलिपकु नाइमे हेरोदियास लडु़म बाइडा।

मत्ती 14:3 Referans Kwoze

मर्कूस 6:17

हेरोदका उ ल्‍वाक फिलिपकु नाइमे हेरोदियासकु दुथाम यूहन्‍ना चु़म्‍बेड्‌डु़मिमा झ्‍यालखानडा चबेड्‌डु़मिम बाइडा। हेङालोने हेरोदका हेरोदियास लडु़म बाइडा।

मत्ती 4:12

कु-रु़दु़म ग्‍वाक्‍पा यूहन्‍नालाई झ्‍यालखानडा चम्‍डी र्‍वाक्‍पा ल्‍वा येशूका थो़म्‍डिमा गालीलथो़ ख्‍लोम्‍सिम्‍डी।

मर्कूस 6:22

हेङालोने हेरोदियासकु मेसेम चो़ मेगोनो हुङडामा छो़म्‍डा, मा मेरामका हेरोद नुङ उ बोच्‍चो़मिम खोत्‍लेङा गेर्सिबेड्‌डु़मी। मेम्‍मिमका हपका मेरामलाई र्‍वाक्‍ता, “गाना हाम बिमु न बोना बिया, गो मेरामङा ग्‍वानी।”

मर्कूस 6:19

हेरोदियास यूहन्‍नाडाम उ छोक्‍छोका इप्‍ल्‍याड्‌डु़म बाइडा, मा मेरामलाई सेन्‍मु न बु़थाल्‍लु़म बाइडा। लावो सेन्‍मु मेचाप्‍थिङा बाइडा।

मत्ती 11:2

कु-रु़दु़म ग्‍वाक्‍पा यूहन्‍ना झ्‍यालखानडा बाइडालो ख्रीष्‍टका बेम्‍डिम खारीकु दुथाम थो़स्‍तु़, मा उ सीसिपामिमलाई उनीमाडा हिलाबेप्‍डा थु़र्स्‍तु़मी,

लूका 13:1

मेकोतिलोङा कोले नले मु़चु़ येशूकाडा रोम्‍डिमा गालीलडाम मु़चु़मिमका सो़रनेमडा सासेत्तोङा लेट्‌मिडिलो पिलातसका सेड्‌डु़मिम ल्‍वा सो़म्‍डी।

मत्ती 14:6

हेरोद गस्‍तामनेमकु दुथाम ग्रुला पेम्‍डिमनेम हेरोदियासकु जाउमोचो़ खोत्‍लेकु ङादोडा छो़म्‍डामा हेरोदलाई छो़म गेर्सिबेड्‌डु़।

मर्कूस 6:14

हेरोद हपका येशूकु दुथाम थो़स्‍तु़, हेङालोने उनीमा नङ खोत्‍लेथो़ फोन्‍स्‍ताम बाइडा। मेम्‍लोका कोङ-कोङका र्‍वाम्‍डी, “ओ ने कु-रु़दु़म ग्‍वाक्‍पा यूहन्‍ना डे सिमुलाम बक्‍गेड्‌डाम रोओ, मा डे आरेप्माम यु़म-खारी बु़।”

मर्कूस 8:15

येशूका उनीमा सीसिपामिमलाई आरे र्‍वाम्‍डिमा बाबेट्‌मिडी, “मामा सो़! गानी फरिसीमिम नुङ हेरोदकु लङखामडाम वाङ बानी वो।”

लूका 3:1

रोमी हप तिबेरियसका किब्‍दी थो़ड्‌डु़म को-ङो (१५) थ दु़स्‍ताम बाइडा। मेकोतिलोका पन्‍तियस पिलातस यहूदियाडाम साखामचो़ दु़स्‍ता। मेराम थारीका ङा हेरोद गालीलडाम साखामचो़ दु़स्‍ता, मा उमा तारापा ल्‍वाक फिलिप इतुरिया नुङ त्राखोनितिसडाम साखामचो़ दु़स्‍ता। लुसानियास अबिलेनेडाम साखामचो़ दु़स्‍ता।

लूका 8:3

हेरोद हपकु खउलुङ रेप्‍साक्‍पा खुजासकु नाइमे योअन्‍ना मा सुसन्‍ना नुङ वाङमी हापा मेसेममिम वो बाम्‍डी। मेर्मिमका उनी खाप्‍ची ग्‍वाक्‍साका येशूनुङ उनी सीसिपामिमलाई ख्‍लो़म्‍थाल्‍मिडी।

लूका 13:31

मेकोतिलोङा कोङनिम फरिसीमिम रोम्‍डिमा गुमीलाई र्‍वाम्‍डी, “ओलामका वाङथो़ङा लक्‍नी, हेङालोने हेरोद पन्‍तियासका गानीलाई सेन्‍मु माल्‍लु़मिम बु।”

लूका 23:7

मेकोतिमा पिलातसका येशू हेरोद अन्‍तिपासकु इलाकाडाम रेछा र्‍वाक्‍पा चडु़मा येशूलाई हेरोदकाडा थु़र्स्‍तु़मी। मेकोतिलो हेरोद यरूशलेमडाङा बाइडा।

लूका 23:11

मेम्‍मा हेरोद हप नुङ उ सिपाहीमिमका येशूलाई डक्‍साका जेम्‍डिमा नाले डाट्‌मिडी। मेम्‍मा गुमीलाई हपकु ये-सेम फबेड्‌डु़मा पिलातसकाडा ङा ख्‍लोक्‍सोड्‌डु़।

थु़र्मा 4:27

“हेङालोने गानी थुट्‌निमा इनी नङका साट्‌निम इनी डु़ल्‍चो़ येशूकु कोर्थो़लाम हेरोद नुङ पन्‍तियस पिलातस, वाङसामामिम नुङ इस्राएलीमिम ओराम शहरडा ङा खोम्‍सिम्‍डिम बाइडा।

थु़र्मा 12:1

ओराम थारी बिलि हेरोद अग्रिपा हपका मण्‍डलीडाम कोङ कोङ मु़चु़मिमलाई छो़म दु़खा ग्‍वामु चो़म्‍डु़मी।