मत्ती 13:6 - थुलुङ राई

⁶ लावो नेप्‍सुङ ओप्‍डु़म चङडा मे भ्रल चु़र्डु़, मा सक्‍फार धु़प्‍पा मेबायावामका साट्‌ल्‍याड्‌डा।

मत्ती 13:6 Referans Kwoze

मत्ती 13:21

लावो मेराम दु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म। मेम्‍मा गुका थो़र लु़डामका दु़खा ग्‍वामिमा उ थो़मतेर्सामिलो थो़र लु़मु डिथाडु़।

कलस्‍सी 1:23

लावो गानी इनीमा नडा मेमुर्सिक्‍साका नुङ आनो-मेनो मेबासिक्‍साका थो़र बोमुम बुमु बासी, मा गानी जो़पा-सेला थो़न्‍निलो हाम-हुम ल्‍वापा न ल्‍वान्‍निम डिसिमेनु़। ओराम सेला माम्‍चु़नीकु खारीचो़मिमका सु़म्‍दिसेर खोत्‍लेथो़म मु़चु़मिमलाई थो़बेट्‌मिडी, मा गो पावल आ त्‍वाप वो ओराम सेला थो़बेट्‌पा सेलाचो़ दु़म्‍ङोडोम बु।

एफिसी 3:17

गानी थो़र बेनिम बानी मा ख्रीष्‍ट इनीमा नगोडा बुमिनु़म बुमिनु़, रिखामडा फ्रु़प क्रोसिसाका गानी होनो आथो़ मेदु़म्‍पा डोक्‍पु थो़रनुङमा दु़म्‍नी,

लूका 8:13

लुङदुडा झुक्‍पा भ्रल ओर्मिम ङा सो़, उहेमका माम्‍चु़नीकु सिजेम थो़मिमा गेर्सिद्‌वाक्‍तो रमी। लावो धु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म्‍मी। लावो मेजो़पा ल्‍वालामका उनी न छाम्‍सिमिम थारीका माम्‍चु़नीडा थो़र लु़मु डिन्‍मी, मा गुमीडाम वाङ दु़म्‍मी।

रेम्‍बेट्‌मिडिम ल्‍वा 7:16

मेर्मिम आथा ने हाम्‍सी वो क्रु़म मेसिमी, कोरा मेसिमी। नेम्‍सुङका मेर्मिमलाई मेचायु़मी मा मेख्‍याकु़मी।

कलस्‍सी 2:7

धु़प्‍पा फ्रु़प क्रोक्‍पा धक्‍सा होप्‍माम नुङ गुमीडला बनेबेम्‍मा नेम होप्‍माम गुमीडलाम इनीमा थो़र आनो मेनो मेदु़म्साका सीपा मु़चु़मिमका गानीलाई सीट्‌निमिम होङङा छो़म आच्‍छाङा लु़त्तो लमु बासी। मेम्‍मा आला-तोमानुङमा दु़म्‍मुम बुमु बासी।

मत्ती 13:5

याङ भ्रल कि-कि क्‍वा बाट्‌पा लुङदुबाडे झुस्‍ता, मा हापा क्‍वा मेबाट्‌पामिमका मे भ्रल दालाङा ल्‍यास्‍ता।

मत्ती 13:7

याङ भ्रल चु़दुगोनो झुस्‍ता। चु़ बर्तो गेड्‌डा, मा मे भ्रल बर्मु मेग्‍वाकु़वा।

मर्कूस 4:6

लावो नेप्‍सुङ छो़म छो़स्‍तालो मेर्मिम घ्रु़म्‍थाम्‍डी, मा मेर्मिमकु सक्‍फार मेकोति छो़म मेबायावामका चु़र्ल्‍याड्‌डु़मी।