मत्ती 13:44 - थुलुङ राई

⁴⁴ “पाह्री-किब्‍दी कोले मु़चु़का येगोयु़ थक्‍मा डार्डु़म खाप्‍ची होप्‍मामङा सो़। गेर्सिद्‌वाक्‍तो आथावो थक्‍जो़ल्‍लु़मा मे ये भ्रेमु लागि गुनुङ बाट्‌पा खोत्‍ले भ्रेड्‌डु़।

मत्ती 13:44 Referans Kwoze

कलस्‍सी 2:3

ख्रीष्‍टङा माम्‍चु़नीकु न नुङ नेप्‍ची थेसिथेन्‍बेट्‌पा बुमी। मे न नुङ नेप्‍ची ने थक्‍मा खाप्‍ची होप्‍माम बु।

लूका 14:33

मेम्‍मिमका गानीगोडाम उहेमका उ त्‍वापनुङ बाट्‌पा खोत्‍ले ङेन्‍मु मेचाप्‍सु़, मेराम आमा सीसिपा मेदु़म।

मत्ती 6:21

बान्‍ते इनी खाप्‍ची बु, मेसिन्‍डाङा इनी न वो दु़म।

मत्ती 19:29

मेम्‍मा उहेमका आमा लागि उ त्‍वाकु नेम, वा-ल्‍वाक लोवो, रिचो़ लोवो, माम-पाप लावो, चो़च्‍चो़मिम लोवो, ये-द लोवो डिड्‌डु़म बु, मेरामका को सङङा (१००) हापा ल्‍वासु़। मेम्‍मा हेल्‍लो वो मेसिपा त्‍वारो़म ल्‍वापा दु़म।

रेम्‍बेट्‌मिडिम ल्‍वा 3:18

मुड्‌डा चासाका जो़पा बेम्‍मा सो़ना आमालामका भ्रेया मा गाना खाप्‍चीचो़ दु़म्‍ना, फम्‍सिमु लागि बुबुयाम ये-सेम आमालामका भ्रेया मा इमा क्रो़मलु़पा खालिन्‍ते ख्रेमु चाम्‍ना, मा इमा मिक्‍सीडा फिमु दबाई आमालाम भ्रेया मा इमा मिक्‍सीका ल्‍वामु चाम्‍ना र्‍वाक्‍साका गो गानालाई मुलु़ ग्‍वानी।

मत्ती 19:27

मेकोतिमा पत्रुसका र्‍वाक्‍ता, “ङाचो़, गानीनुङ गुकु लाम्‍दिमु लागि खोत्‍ले डित्तोकोम बु। गुकु ने हाम ल्‍वाकुमिम?”

मत्ती 19:21

येशूका मेरामलाई र्‍वाम्‍डी, “माम्‍चु़नीका न बोमिमिम होङङा जो़पा दु़म्‍मु न बोना माला लक्‍सामा गानानुङ बाट्‌पा खोत्‍ले भ्रेडामा मेराम खउलुङ उनी हाम वो मेबाट्‌पामिममलाई ग्‍वाकामी। मेम्‍मा पाह्रीला खाप्‍ची ल्‍वाना। मेकोतिमा आमा चङचङ लाम्‍दिया।”

रोमी 15:4

ङादो र्‍याक्‍मा सिजेमडाम ल्‍वा इकीमा सीसिकाम लागि र्‍वाक्‍साका र्‍याक्‍मा बाइडा। मेराम सिजेमका गुइलाई इम्‍मु चापा दु़म्‍बेसाका माम्‍चु़नीका याचे जेम्‍डिम ल्‍वा रोथिनु़ र्‍वाक्‍पा न, नुङ सो हन्‍पा दु़म्‍बेसा।

मत्ती 13:24

येशूका मेर्मिमलाई आथावो कोङमी सीसि-सो़म्‍दी र्‍वाम्‍डी, “पाह्री-किब्‍दी ने येडा जो़पा भ्रल फोडु़मिम कोले मु़चु़ होप्‍मामङा बु।

हिब्रू 10:34

चसिक्‍पामिमडला इनीमा थो़म भ्रो़स्‍ताम बाइडा मा इनीमा खाप्‍ची रोट्‌निमिलो गेर्सिद्‌वाक्‍तो बिन्‍सिट्‌निम बाइडा। हेङालोने इनी त्‍वाकाडाङा खोत्‍लेडाम जो़पा नुङ हेल्‍लो वो मेहुक्‍पा खाप्‍चीमिम बु र्‍वाक्‍पा चक्‍निम बाइडा।

यूहन्‍ना 6:35

येशूका मेर्मिमनुङ र्‍वाम्‍डी, “मेसिपा त्‍वारो़म ग्‍वाक्‍पा सो़बेम गोङा सो़। उहेम मु़चु़ आमाडा रो मेराम मु़चु़ हेल्‍लो वो क्रु़म मेसि, मा गोडला थो़रलु़पा मु़चु़ हेल्‍लो वो कोरा मेसि।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

मत्ती 13:46

मे ब्‍यापारीका हापा थिकाम दिरिल्‍य डार्डु़, मा खोत्‍ले उ खाप्‍ची भ्रेसाका मे दिरिल्‍य भ्रेयु़डु़।

मत्ती 13:47

“पाह्री-किब्‍दी दिरिदिनगोयु़ ओप्‍मा पालुङ होप्‍मामङा सो़। मेगोडा खोत्‍ले खालकाम ङोमिम हुम्‍सिमी।