मत्ती 13:41 - थुलुङ राई

⁴¹ मिनीचो़का उ पाह्रीचो़मिमलाई थु़र्सु़मी, मा छु़ल बेबेट्‌पामिम नुङ खोत्‍ले रु़चो़मिमलाई मेर्मिमका उ किब्‍दीलामका ख्‍लुम्‍सोमी।

मत्ती 13:41 Referans Kwoze

मत्ती 24:31

मिनीचो़का उ पाह्रीचो़मिमलाई भुमकु डोक्‍पु लो़लामनुङ थु़रु़मी, मा छेट्‌मा उ मु़चु़मिमलाई सुबुडाम खोत्‍लेथो़लाम मेर्मिमका खोम्‍मी।

रेम्‍बेट्‌मिडिम ल्‍वा 21:27

घ्रामलु़पा मु़चु़, ङाटा सेव साट्‌पा क्रो़मलु़पा खारी बेपा नुङ लिमाचो़ मेराम शहर गोडा हाम्‍सी वो मेहुमी। लावो त्‍वारो़मकु खाजेम, भेन्‍दाचो़कु खाजेमडा नङ र्‍याक्‍मा मु़चु़मिम कोङङा मेगोनो हुमी।

मत्ती 18:7

“ओ सु़म्‍दिसेरडाम मु़चु़मिम ने हाउरेमा, हेङालोने मु़चु़मिमलाई छु़ल बेबेट्‌पा ल्वा ने हापाङा बु। आरेप्माम ल्वामिम ने रो ङा, लावो वाङमिमलाई छु़ल बेबेट्‌पा मु़चु़ ने हाउरेमा!

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

रोमी 2:16

मु़चु़मिमका थक्‍साका जु़ल्‍मिडिम ल्‍वा ने माम्‍चु़नीका निया बोमिमिम नेम खोत्‍ले मु़चु़मिमगोडा येशू ख्रीष्‍टलाम रेम्‍बोमी। ओर्मिम ल्‍वा गो दो़उतोम जो़पा-सेला होप्‍माम ङा दु़म।

मत्ती 13:49

सु़म्‍दिसेर हुक्‍पा थारीका आरेप्‍मामङा दु़म। पाह्रीचो़मिम योमिमा माम्‍चु़नीकु न-गो होप्‍माम मु़चु़मिमलामका छु़लचो़मिमलाई वाङ बोमी,

मर्कूस 13:27

मेकोतिमा गुमीका पाह्रीचो़मिमलाई सुबु नुङ धामु खोत्‍लेथो़ थु़र्मी, मा मेर्मिमका खोत्‍लेलामका माम्‍चु़नीका छेट्‌मिडिम खोत्‍लेलाई कोदेप बोमिमा रेन्‍मी।

मत्ती 8:20

येशूका मेरामलाई र्‍वाम्‍डी, “सेरुलीमिमकाम उनी बाखोप रोङगा बु। चक्‍पुमिमकाम वो उनी बाखोप पान्‍जी बु, लावो मिनीचो़काम ने ङेसिखोप वो मिबु।”

मत्ती 3:12

स्‍याक्‍पा उनी स्‍वाफेमका जेप्‍सेर स्‍यामुङा खाप्‍मिमिम बु। मेम्‍मा गुमीका उनी देल्‍फु जो़होमका छिमी मा उनी जेप्‍सेर छेदेनेमडा खोप्‍साका जु़ल्‍मी, लावो होक्‍ते ने हेल्‍लो वो मेसिपा मुगोडा चामी।”